Dahil sa umiiral na banta ng Super Typhoon Karding sa kalakhang bahagi ng bansa, sinabi ng National Disaster Risk Reduction and Management Council (NDRRMC) kanina na 97 pamilya o 336 katao ang naunang inilikas sa Region 2 (Cagayan Valley) at 3 (Central Luzon), ayon sa pinakahuling Facebook post.
Sa NDRRMC emergency operations center briefing kanina, nagbabala si Undersecretary Jose Faustino Jr., Department of National Defense Officer-in-Charge, na asahan ang pag-ulan na katulad ng “Ondoy” noong Setyembre 2009 at “Ulysses” noong Nobyembre 2020.
Tiniyak niya na nakaalerto at nakahanda ang Armed Forces of the Philippines sa pag responde, kasama ang disaster response units sa Polillo Island sa Quezon, Aurora province, at iba pang lugar na maaaring maapektuhan ng “Karding”.
Polillo Islands; matinding hilagang bahagi ng Quezon (ang hilaga at gitnang bahagi ng Heneral Nakar, ang hilagang-silangang bahagi ng Infanta); extreme southern portion of Aurora (Dingalan); silangang bahagi ng Bulacan (Doña Remedios Trinidad, Norzagaray); at ang matinding timog-silangang bahagi ng Nueva Ecija (ang timog-silangang bahagi ng General Tinio) ay nasa ilalim ng Tropical Cyclone Wind Signal No. 5 simula 2 p.m.
Ang sentro ng mata ng super typhoon ay tinatayang nasa 115 kilometers (km) silangan hilagang-silangan ng Infanta, Quezon o 76 km silangan ng Polillo Islands, na may maximum sustained winds na 195 km/hour malapit sa gitna at pagbugsong aabot sa 240 km /oras.
“We should come out of this with flying colors and prove that NDRRMC can manage. “Karding” will likely make landfall in the vicinity of the northern portion of Quezon or the southern portion of Aurora tonight,” ayon kay Faustino.
Ang posibilidad ng isang mas maagang (sa hapon) na pag-landfall o paglapit sa paligid ng Polillo Islands ay hindi inaalis. (PNA)
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
