Hindi nakikita ng Department of Health (DOH) ang pangangailangan sa paghihigpit ng mga manlalakbay na papasok mula sa China, na kasalukuyang nahaharap sa outbreak ng Omicron subvariant BF.7 at nagtutulak ng pagtaas ng mga kaso ng coronavirus disease 2019 (Covid-19) dito.
“Base sa pananaw ng DOH kasama ng aming mga eksperto, hindi pa tayo napapanahon o wala tayong nakikitang pangangailangan para magsara tayo ng borders specific to this country o magkaroon ng mas maigting na restrictions sa bansang ito,” ayon kay Health officer-in-charge Maria Rosario Vergeire sa isang press briefing kanina.
Ipinunto ni Vergeire na ang Pilipinas ay nasa “much better position” kumpara sa nakaraan dahil sa mataas na rate ng pagbabakuna nito at ang pagsunod ng publiko sa minimum public health standards.
“As for our regulations within our borders, we cannot just have our closure and then open it and then close it again and then open it. We are all moving forward because we would like to reach that new normal,” ayon sa kanya.
Ang direksyon ng administrasyong Marcos, ayon sa kanya, ay panatilihing pinakamababa ang mga paghihigpit kung saan ang kalusugan ay hindi nakompromiso kasabay ng nagpapahintulot sa muling pagbubukas ng ekonomiya.
Kahit hindi isasara ang mga borders, tiniyak niya na ipagpapatuloy ng DOH ang “pinalakas na pagbabantay at pagsubaybay”.
“There had been a lot of variants and subvariants that have entered the country and we have detected that. Through our strengthened surveillance system, we were able to manage and our hospitals are better prepared and we are still managing. Right now it is just for us to monitor and observe the situations (while) imposing our strengthened surveillance,” dagdag pa niya.
Nauna dito, inirekomenda ni Transportation Secretary Jaime Bautista ang paggamit ng mga protocol na itinakda ng mga kalapit bansa tulad ng Hong Kong, na nangangailangan ng RT-PCR test pagdating.
Ang Estados Unidos, Japan, at India ay nag-anunsyo din ng mga karagdagang health measures sa mga pasahero na nagmumula sa China. (PNA)
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
