Catanauan, Quezon. Arestado ang isang pinaniniwalaang lider ng grupong sangkot sa contract killing sa bayang ito, noong Linggo.
Si Saturnino Masikat, alyas Turne at Thor, ay naiulat na pinuno ng Masikat crime group na nag-ooperate sa Silang, Cavite at mga kalapit na lugar.
Siya ay na-tag bilang mastermind sa pagpatay sa isang Korean couple, isang barangay chairman at isang police officer sa Silang noong 2015 at 2020, ayon kay Cavite Provincial Police Office Director Col. Christopher Olazo.
Bukod sa pagiging hired killer ay sangkot din ang suspek at ang grupo nito sa aktibidad ng ilegal na droga sa Cavite.
Si Masikat ay inaresto sa Brgy. Isidro ng magkasanib na grupo ng Catanauan at Silang Police Station sa bisa ng mga warrant na inilabas ng lokal na korte para sa murder at robbery with homicide.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
