Sinabi ni Philippine National Police (PNP) chief Gen. Rodolfo Azurin Jr. na ang mga opisyal ng pulisya na nagsumite ng kanilang courtesy resignation ay sasailalim sa lifestyle check.

Sa pakikipag-usap sa mga mamamahayag noong Martes, sinabi ni Azurin na ang panukala ay bahagi ng imbestigasyon na isasagawa ng five-man committee na inatasang sumuri sa kanilang courtesy resignations at maglalabas ng rekomendasyon kay Pangulong Ferdinand R. Marcos Jr. kung tatanggihan o tatanggapin ang mga opisyal.

“As of now we need to ask the members of the committee about the other procedures to be undertaken, but definitely that would be part of the investigation or inquiry that will be conducted by the committee to assess and evaluate all third-level officers,” ayon kay Azurin.

Ang mga tauhan ng PNP ay sumasailalim sa taunang lifestyle check alinsunod sa Republic Act 3019 o ang “Anti-Graft and Corruption Practices”, at Republic Act 6713 o ang “Act Establishing a Code of Conduct and Ethical Standards for Public Officials and Employees.”

Samantala, sinabi ni PNP spokesperson Col. Jean Fajardo na nasa 70 porsyento na ng lahat ng police generals at colonels ang nagsumite na ng kanilang courtesy resignation.

Inaasahan niyang tataas pac ang bilang habang hinihintay nila ang mga opisyal na naka-deploy sa malalayong rehiyon sa bansa.

Sinabi ni Fajardo na sinusuri pa nila kung nagsumite na ng courtesy resignation ang 10 police officials na sinasabing sangkot sa illegal drug trade.

“Sa ngayon ay wala pa tayong information doon sa mga sinasabi at nababanggit ni Chief PNP na less than 10 na tina-target ng investigation kung kasama na sila doon sa more or less 70 percent at aalamin natin yan at magbibigay tayo ng update kapag nakakuha na tayo ng datos,” ayon kay Fajardo.

Samantala, inihayag naman ni National Capital Region Police Office (NCRPO) chief Maj. Gen. Jonnel Estomo na lahat ng 76 third-level officers ay nagsumite ng kanilang courtesy resignation.

Pinangunahan ni Estomo ang paglagda ng courtesy resignation kasama ang mga third-level commissioned officers ng NCRPO gayundin ay sumailalim sila sa sorpresang drug test na nagresulta sa positibong feedback mula sa media, mamamayan at komunidad.

Iniutos din niya ang sorpresang drug test sa 30 station commander na may ranggong Lieutenant Colonel, 16 mula sa Quezon City Police District (QCDP) at 14 mula sa Manila Police District (MPD).

“The conduct of this drug test to the station commanders of QCPD and MPD is to show their subordinates that their officers are not involved in illegal drug use. As a matter of fact, it is on record that out of 72 full colonels and up who underwent drug test, all tested negative for illegal drugs,”dagdag niya. (PNA)

Sinabi ng Philippine National Police (PNP) nitong Martes na natukoy na nila ang mga pinagmulan ng pekeng memorandum na kumalat sa social media na nag-aanunsyo ng full alert status upang masugpo ang diumao ay plano ng destabilisasyon ng Armed Forces of the Philippines (AFP).

Sa isang panayam sa telebisyon, sinabi ni PNP spokesperson Col. Jean Fajardo na ito ay batay sa ulat ng Anti-Cybercrime Group (ACG) at Criminal Investigation and Detection Group (CIDG).

“I am not at liberty to reveal itong mga initial findings nila but tuloy tuloy yung ating imbestigasyon pati na rin yung mga lumabas na mga papel na unsigned. Yung mga concerned na officers na napangalanan at nakalagay na mga pangalan doon sa dokumento ay pinag-explain,” ayon kay Fajardo.

Nauna dito, sinabi ni PNP-ACG spokesperson Lt. Michelle Sabino sa mga mamamahayag na iniimbestigahan nila ang pinagmulan ng memorandum at nagbabala na kakasuhan ang mga taong nasa likod ng fake news na ito.

Sinisiyasat din ng ACG ang mga hindi pa napipirmahang papel at humihingi sila ng mga paliwanag mula sa mga opisyal ng pulisya na ang mga pangalan ay nabanggit o nakalagay sa mga dokumento.

Iniutos ni PNP chief Gen. Rodolfo Azurin Jr. kahapon ang imbestigasyon sa mga posibleng lapses sa sirkulasyon ng memorandum.

Kumalat ang alingawngaw ng plano ng destabilisasyon noong Sabado ng turnover of command sa pagitan ng bagong AFP chief na si Gen. Andres Centino at outgoing chief Lt. Gen. Bartolome Vicente Bacarro sa headquarters ng militar sa Camp Aguinaldo, Quezon City.

Batay sa ipinakalat na memorandum, lahat ng PNP units ay dapat ilagay sa full alert dahil sa “developing issues in Camp Aguinaldo,” “resignation of all personnel in DND (Department of National Defense)” at “destabilization movements mula sa AFP. “

Ang gayunpaman, Kaugnay nito, ibinasura ni  ibinasura ni Col. Medel Aguilar, spokesperson ng AFP, ang mga tsismis at sinabing ang turnover of command ay natapos ng maluwalhati.

Calamba City, Laguna. Nasamsam ng mga operatiba ng Police Regional Office CALABARZON ang PhP 4,616,860.00 halaga ng iligal na droga at naaresto ang 3 drug suspect kabilang ang isang high value individual (HVI) sa magkahiwalay na operasyon ng pulisya na isinagawa noong Enero 8, 2023.

Kinilala ng mga pulis ang high value drug suspect na si Lemuel Vega Mellomida, alyas “Dos,” 39 anyos na residente ng Purok Agawin Brgy. Ibabang Dupay Lucena City at kasalukuyang naninirahan sa Brgy. 171 Bagumbong, Caloocan City.

Arestado si Mellomida ng pinagsanib na puwersa ng Quezon Provincial Drug Enforcement Unit, Philippine Drug Enforcement Agency 4A at Lucena City Police Station sa isinagawang buy-bust operation sa Brgy. Dalahican, Lucena City.

Narekober sa kanya ang 3 pirasong plastic sachet na naglalaman ng shabu na nagkakahalaga ng P1,938,000.00, 1 Yamaha motorcycle, 1 STI Tactical caliber .45 pistol, 1 cal .45 magazine na may apat na live ammunition at drug bust money.

Sa bukod na operasyon, tinugis ng mga pulis ng Kawit Municipal Police Station sa pakikipag-ugnayan sa Gen Trias City Police Station na nagresulta sa pagkakaaresto sa dalawang drug suspect na kinilalang sina Lovely Nmn Luayon, 22 anyos at Aljon Canlas Tongol, 31 anyos, pawang mga residente ng Lancaster City, Brgy Navarro, Gen Trias City, Cavite.

Narekober sa sa kanila ang 44 na piraso ng transparent plastic sachet na naglalaman ng shabu na may timbang na 393.95 gramo at nagkakahalaga ng PhP 2,678,860.00.

“Itong klaseng accomplishment na ito ay ipinagmamalaki ko, nais kong batiin ang ating mga police operatives mula sa iba’t ibang yunit at istasyon para sa matagumpay na paghuli sa mga kilalang tulak ng droga at pagsamsam ng malaking bulto ng iligal na droga. Tulad ng makikita mo ang mga suspek na ito ay armado at marahil ang ilan sa kanila ay sangkot sa iba pang mga gawaing kriminal. Kaya pinaaalalahanan ko ang ating mga kababayan na maging alerto at maging maingat. Ipagbigay alam niyo agad sa mga police stations o tumawag o magtext sa mga hotline ng pulisya kung may mga illegal na gawain lalo na ang bentahan ng illegal na droga sa inyong lugar,” ayon kay PRO CALABARZON Regional Director, PBGen Jose Melencio C. Nartatez Jr.

Haharap ang mga suspek sa kasong paglabag sa Sections 5 at 11, Article II ng Republic Act No. 9165, o mas kilala bilang ‘Comprehensive Dangerous Drugs Act of 2002 at paglabag sa Comprehensive Law on Firearms and Ammunition (RA 10591).(RPIO4A)

Nagsumite ng courtesy resignation kanina ang 600 na ranking police officials, ayon kay Philippine National Police (PNP) chief Gen. Rodolfo Azurin Jr.

Sa isang press briefing, sinabi ni Azurin na mas maraming opisyal ang nagpapahiwatig ng kanilang pangako na sundin ang apelasyon ni Interior and Local Government Secretary Benjamin Abalos Jr. na alisin sa pwersa ng pulisya ang mga tiwali at ang mga may kaugnayan sa iligal na droga.

Idinagdag niya na ang kanilang Commander-in-Chief na si Pangulong Ferdinand R. Marcos Jr. ay nagpahayag din ng kanyang buong suporta sa inisyatiba.

“As of Sunday, we were able to account for more or less 500 to close to 600, as reported from the different regions. Some of these documents are en route here at the national headquarters and these would be collated and submitted to the five-man committee that will be formed by no less than our Commander-in-Chief,” dagdag niya.

May kabuuang 956 na opisyal ng pulisya, na binubuo ng mga full-fledged colonels, ang inaasahang maghahain ng kanilang courtesy resignation.

Muli niyang iginiit na ang proseso ay ginagawa upang matiyak na ang mga susunod na opisyal o ang mga kasalukuyang humahawak ng mahahalagang posisyon ay malinis sa anumang uri ng akusasyon laban sa iligal na droga.

“Through this ongoing development, we assure the Filipino people that we will hold every police officer accountable for their actions, which will increase the overall accountability within the organization way forward, transforming the entire PNP into a stronger and more responsive police agency,” ayon sa mensahe ni  Azurin sa flag raising rites kanina.

Noong nakaraang linggo, pinangalanan ang retiradong police general at Baguio City Mayor Benjamin Magalong bilang isa sa limang miyembro ng komite na susuri sa mga rekord ng mga opisyal ng pulisya.

Sinabi ni Azurin, na naghain din ng kanyang courtesy resignation, na inaasahan nila ang pagiging patas at propesyonalismo mula sa panel.

“Because, gaya nga ng sinabi natin, we are talking here of the career of senior officers ng PNP who worked very hard in the last 30 years or more of their service,” ayon sa kanya..

Sinabi ni Azurin na hindi siya maliligtas sa pagsisiyasat kahit na siya ay nagretiro na noong Abril ngayong taon.

Samantala, pinangunahan ni National Capital Region Police Office (NCRPO) chief Maj. Gen. Jonnel Estomo ang paglagda ng courtesy resignation at sumailalim sa surprise drug examination kasama ang mga third-level commissioned officers ng NCRPO sa Camp Bagong Diwa, Bicutan Taguig City.

Ang screening test ay nagbunga ng mga negatibong resulta para sa lahat ng 72 sample ng ihi na kinuha sa panahon ng drug test.

“As I formerly said that should there be anyone found to be positive of illegal drugs, he is automatically deemed resigned from the service immediately. Fortunately, none of the officers with me yielded positive results of the test. This is a positive starting indicator to this noble purpose of our SILG (Secretary of the Interior and Local Government) and our chief PNP in purging the organization,” ayon kay Estomo sa isang statement.

Nagbabala si Estomo sa iba pang mga pulis na magpapatuloy ang sorpresang random testing sa ilalim ng kanyang tungkulin.

“It is important to emphasize that those who tendered courtesy resignation are not drug users. This would reinforce the five-man assessment committee on their evaluation to be carried out”, ayon sa kanya.

Noong nakaraang linggo, hiniling ni Abalos sa mga ranking generals mula sa police generals hanggang ds full colonels  na magsumite ng kanilang courtesy resignation, matapos ipahiwatig ang napakalaking “impeksyon” ng drug cartels sa pwersa ng pulisya.