Calamba City, Laguna. Kumpiskado sa mga arestadong drug dealers ang 165 gramo ng hinihinalang shabu na nagkakahalaga ng isang milyon at isang daan at dalawampung libong piso (PHP 1,122,000.00) sa ilalim ng drug buy-bust operation na ikinasa sa Calamba City kaninang madaling araw.

Kinilala ni Police Colonel Cecilio R Ison Jr ang mga suspek na sina Mirsuari Diveda Darang Jr. alyas Carding, 24 anyis, at Makikarim R. Sabuyogan alyas Maku, 18 anyis, pawang mga residente ng Brgy. Looc, Calamba City sa Laguna.

Nahuli ang mga suspek matapos ilatag ng Calamba City Police Station (CPS) ang buy-bust operation bandang  2:03 ng madaling araw kanina, August 9, 2022, sa Kalantas St. Brgy. Looc, sa nabanggit na lungsod.

Sa isinagawang operasyon, nahuli sa akto ang pagsasabwatan ng dalawang suspek sa pag-abot ng isang sachet ng hinihinalang shabu sa pulis na umaktong drug buyer.

Si Darang Jr. ay nakalista sa drugs watchlist bilang isang high value individual habang si Sabuyogan ay itinuturing na isang street level individual.

Nasa pangangalaga na ng Calamba CPS ang mga suspek. Nakatakdang humarap sa  sa pagbebenta, pag-iingat, at pakikipagsabwatan sa illegal drug trade si Darang Jr. habang si Sabuyogan ay sasampahan sa pakikipagsabwatan kay Darang Jr. sa illegal drug trade.

“Despite our intensified campaign against illegal drugs ay may mga nahuhuli pa rin tayo na mga drug dealers. This means they are real entrepreneurs who know the business, customers, competition, money, and survival; nevertheless, we assure that their arrest will be irresistible dahil ang kampanya kontra droga ay hindi lang sa kapulisan nakasalalay kundi katuwang ng kapulisan ang komunidad na kanilang ginagalawan,” ayon kay PCol ISon Jr,

Sa kanyang pahayag, tiniyak naman ni PBGen Jose Melencio C. Nartatez Jr., direktor ng Police Regional Office CALABARZON na mas paiigtingin pa ng PNO ng Calabarzon ang mga operasyon at kampanya nito laban sa iligal na droga.

Bay, Laguna. Arestado ang isang mag live-in partner sa ilalim ng anti-illegal drugs operations na ikinasa ng municipal police station (MPS) sa bayang ito.

Nakuha ang halagang Php 120K na hinihinalang shabu sa mga suspek na kinilalang ni Laguna Provincial Police Director Cecilio R. Ison Jr. na sina Regin S. Bangay, 37 anyos na construction worker; at Jacquelyn A. Tobias, 32 anyos na residente ng Brgy. Tranca Grand Villa Bay, Laguna.

Ayon sa ulat ni Police Major Jameson E. Aguilar, hepe ng Bay MPS, nahuli sa akto ang mga suspek na nagbebenta ng isang sachet ng hinihinalang shabu sa pulis na nagpanggap na buyer.

Ang suspek na si Bangay ay naaresto na noong 2013 at 2019 sa kasong pagmamay-ari at pagbebenta ng shabu samantalang si Tobias ay dati na ring naaresto sa bayan ng Pangil dahil din sa nabanggit na kaso.

Nasa pangangalaga ngayon ng Bay MPS ang mga suspek at nakatakda silang muling humarap sa kasong paglabag sa section 5 at 11 ng Dangerous Drugs Act of 2022 (RA 9165) sa Prosecutor’s Office.

“Nakakalungkot at nakakadismaya kapag ang mga magulang ay parehong involved sa illegal drugs. They are putting at risk and ripping off their children’s future, ” ayon kay Ison.

Calamba City, Laguna. Arestado ang ang dalawang drug suspects kabilang ang isang menor de edas sa ikinasang buy bust operation ng Calamba City Police Station (CPS).

Kinilala ni Acting Laguna Police Provincial Director, Laguna, Police Colonel Cecilio R. Ison Jr., ang mga suspek na sina Joemari Casaje Atienza alias Jomar, 26 anyos na residente ng Brgy. Paciano, Calamba City, Laguna at isa pang suspek menor de edad.

Ikinasa ang buy-bust operations operasyon kahapon sa Brgy. Paciano, Calamba City, Laguna at nakumpiska sa kanila ang  Anim (6) na pakete ng  transparent plastic na naglalaman ng hinihinalang Marijuana na may timbang na humigit kumulang na 510 gramo at tinatayang nagkakahalaga ng Php 61,200.00.

Kaugnay nito, nagkasa ang Laguna PNP ng buy-bust operations sa iba’t ibang lugar sa Laguna na nagresulta sa pagkakadakip sa bukod pang pitong suspek, ayon sa ulat ni Ison kay PBGen Antonio C. Yarra, Regional Director ng PRO CALABARZON.

Ang mga naaresto ay pansamantalang nasa kustodiya ng mga kanya kayang arresting unit at nakatakdang sampahan ng kasong violation of R.A 9165 or the Comprehensive Dangerous Drug Act of 2002 habang ang mga  nakumpiskang ebidensya ay ipapadala sa Crime Laboratory Office upang isailalim sa forensic examination.

“Ang sipag at tiyaga ng kapulisan ng Laguna ay nagreresulta ng maganda. Sa pagka aresto ng mga suspek na ito ay pinapatutunayan lamang ng ating kapulisan na ginagampanan nila ang kanilang mga tungkulin at higit sa lahat maraming kabataan ang maililigtas nila sa kapahamakan sa pagkaka kumpiska ng mga iligal na droga na katulad nito, ayon sa pahayag ni Ison.