Saturday, May 23, 2026


Your Daily News Update About CALABARZON and Beyond.
ISSN 2799-1911

Home Blog Page 699

Hindi na kailangan ng RT-PCR test para sa mga fully vaxxed na travelers

Carlo Juancho Funtanilla
-
0
Hindi na kailangan ng RT-PCR test para sa mga fully vaxxed na travelers

Hindi na kailangang magpakita ng negative reverse transcription-polymerase chain reaction (RT-PCR) test (RT-PCR) test ang mga Filipino at dayuhan na ganap na nabakunahan na papasok sa Pilipinas simula Mayo 30.

Sa isang online press briefing, sinabi ni acting Deputy Presidential Spokesperson and Communications Undersecretary Michel Kristian Ablan na nakapaloob ang bagong protocol sa resolusyon na inaprubahan ng Inter-Agency Task Force for the Management of Emerging Infectious Diseases (IATF-EID) noong Huwebes.

Sa ilalim ng IATF-EID Resolution 168, ang mga papasok na pasahero ay hindi kailangang magpakita ng RT-PCR test, sa mga kondisyong sila ay 18 taong gulang pataas, at may kahit isang booster shot laban sa coronavirus disease 2019 (Covid-19).

Exempted din sa pre-departure RT-PCR requirement ang mga may edad na 12 hanggang 17 na nakatanggap ng dalawang bakuna laban sa Covid-19, gayundin ang mga may edad pababa sa 12 na sinamahan ng fully vaccinated o boostered na mga magulang o tagapag-alaga. (PNA)

OLC, naghatid ng tulong at saya sa Home for Women and Children sa Calauan, Laguna

Roy Tomandao
-
0
OLC, naghatid ng tulong at saya sa Home for Women and Children sa Calauan, Laguna

Calauan, Laguna. Nagsagawa ng Outreach Program kamakalawa sa ‘Home for Women and Children’ sa Brgy Lamot II, sa bayang ito, ang PRO4A Officers Ladies Club (OLC) sa pangunguna ni Ginang Josephine Yarra, OLC Adviser.

40 benepisyaryo ang nabigyan ng bigas, grocery items, at personal hygiene kits at Jollibee food packs mula sa PRO4A OLC at Regional Headquarters sa pamamagitan ng Regional Director, PBGEN Antonio C Yarra.

Samantala, ang Laguna Provincial Police “Project Kalinga” ay nagbigay din ng wheelchair at bitamina sa tulong ni Provincial Director, PCOL Cecilio R Ison Jr.

Sa mensaheng hatid ni Ginang Yarra, sinabi nito na ang PRO4A Ladies Club sa pakikipagtulungan ng Philippine National Police ay isang organisasyon na may layuning maabot ang mga komunidad at magbigay ng mga serbisyong panlipunan na kapaki-pakinabang sa kapakanan ng mga mamamayan.

Child rapist na MWP, arestado

Kevin Pamatmat
-
0
Child rapist na MWP, arestado

Sta. Cruz, Laguna. Arestado sa manhunt operation ng Sta Rosa City Police Station (CPS) ang isang most wanted person (MWP) na akusado sa salang panggagahasa sa isang menor de edad.

Kinilala ni Laguna Police Provincial Office Director PCol. Cecilio R Ison Jr ang akusado na si Rodrigo Capiral Matalab, 54 anyos na construction worker at residente ng Brgy Kanluran, Sta Rosa City Laguna.

Sa isinagawa ang operation noong Mayo 25, 2022, dinakip ang suspek sa kanyang bahasa bisa ng warrant of arrest na inisyu ng Regional Trial Court (RTC) Branch 102 at 101 sa Sta. Rosa City.

Si Matalab ay rank 7 most wanted person sa city level na matagal ng pinaghahanap ng batas matapos kasuhan ng panghahalay sa isang menor de edad na naganap mula noong 2013 hanggang 2021.

Ayon sa habla laban sa kanya, ginagawa niya ang panghahalay tuwing  ihahabilin sa kanya ng mga kamag anak ang biktima.

DOH na magsagawa ng ‘4-door strategy’ para maiwasan ang monkeypox

Venus L Peñaflor
-
0
DOH na magsagawa ng ‘4-door strategy’ para maiwasan ang monkeypox

Ipapatupad ng Department of Health ang four-door strategy upang maiwasan ang pagpasok ng monkeypox sa bansa, ayon DOH–Technical Advisory Group, Dr. Edsel Salvaña kahapon.

Ang four-door strategy  ay ang binuong balangkas ng National Emergency Operational Response Plan upang maiwasan at makontrol ang mga lumilitaw na nakakahawang sakit.

Sa isang televised public briefing, sinabi ng miyembro ng Salvaña na ang diskarte ay kinabibilangan ng Prevent, Detect, Isolate, Treat and Reintegrate (PDITR) approach.

Ayon kay Salvaña na magsisimula ito sa pagkontrol sa mga border at susundan ng iba pang mga hakbang — testing, contact tracing, pagsusuot ng mask, at pagbabakuna – mga katulad na paraan ng pag-iwas na isinasagawa ng gobyerno bilang tugon sa coronavirus disease 2019 (Covid-19) pandemic.

Ayon sa mga health experts, hindi nakamamatay ang monkeypox at mas madaling maiwasan ang pagkalat nito kumpara sa Covid-19.

Ang bakuna laban sa bulutong ay maaaring gamitin upang maiwasan ang monkeypox at may mga gamot para dito. (PNA)

Permanent validity ng birth, marriage, death cert inaprubahan ng Senado

Carlo Juancho Funtanilla
-
0
Permanent validity ng birth, marriage, death cert inaprubahan ng Senado

Hindi na kailangang gumastos at kumuha ng brith certificate at marriage certificate para sa bawat layunin matapos aprubahan ng Senado noong Lunes sa ikatlo at huling pagbasa ang panukalang nagbibigay ng permanenteng validity sa birth, death, at marriage certificates.

Sa botong 21-0-0, inaprubahan ng mga senador ang Senate Bill 2450 o ang Permanent Validity of the Certificates of Live Birth, Death, and Marriage Act.

Sa ilalim ng SB 2450, ang mga certificate ng live birth, kamatayan, at kasal na inisyu, nilagdaan, pinatunayan o pinatotohanan ng Philippine Statistics Authority at ang hinalinhan nito na National Statistics Office, at ang mga local civil registries  ay dapat magkaroon ng permanenteng bisa anuman ang petsa ng pagpapalabas at dapat kilalanin at tanggapin sa lahat ng gobyerno o pribadong transaksyon o serbisyo na nangangailangan ng pagsusumite nito, bilang patunay ng pagkakakilanlan at legal na katayuan ng isang tao.

Ang panukalang batas, gayunpaman, ay nag-aatas na ang dokumento ay dapat “nananatiling buo, nababasa, at nakikita pa rin ang pagiging tunay at mga tampok ng seguridad,” at walang pangangangan sa isang administratibo at hudisyal na pagwawasto na maaaring isagawa alinsunod sa Republic Acts No 9858, 9048, 10172, at 9255.

Dagdag pa, nakasaad sa panukalang batas na ang permanenteng validity ng Certificates of Marriage ay naaangkop “”only in an instance where the marriage has not been judicially decreed annulled or declared void ab initio as provided for under the Family Code of the Philippines or any subsequent amendatory law on marriage.” (SOP)

PG-ENRO at PTO, nagsanib-pwersa vs sa iligal na pagmimina

Venus L Peñaflor
-
0
PG-ENRO at PTO, nagsanib-pwersa vs sa iligal na pagmimina

Sta. Cruz, Laguna. Nagsanib-pwersa ang tanggapan ng Provincial Government-Environment and Natural Resources Office (PG-ENRO) at Provincial Treasurer’s Office (PTO) laban sa iligal na pagmimina at ilegal na pangangalakal ng mga produkto nito.

 Nagsagawa ang PG-ENRO Mineral and Land Resources Management (MLRM) Division ng orientation seminar sa mga kawani ng PTO na ginanap noong ika-18 ng Mayo, 2022 sa FAES-OPAg Multipurpose Training Hall, Brgy. Calios sa bayang ito. 

Dumalo ang 19 na kawani ng PTO sa pamumuno ni Evelyn G. De Guzman sa nabanggit na pagsasanay na pinangunahan ni PG-ENRO Assistant Department Head Mary Grace G. Bannagao, EnP ang pagtalakay sa mga patakaran hinggil sa pagmimina sa lalawigan. 

Tinuran ni G. Porfirio T. Briones, Jr., MLRM Division Technical Staff, ang Panlalawigang Ordinansa Blg. 8, S-2014, na nagtatakda ng parusa sa ilegal na pagkuha at ilegal na pangangalakal ng buhangin, graba, bato, ordinaryong lupa at iba pang materyales sa pagmimina. 

Binigyan-diin ang mga pagsubok na kinakaharap ng tanggapan, tulad ng kakulangan sa tauhan na magbabantay sa mga checkpoints, na inaasahang mabibigyan ng solusyon ng pagtutulungan ng dalawang tanggapan.

Sa huling bahagi ng seminar ay nagkaroon ng bukas na talakayan at diskusyon na pinangunahan ni Gng. Bannagao kung saan nagbigay si De Guzman ng kanyang suhestiyon, na magkaroon ng regular na talakdaan ng pagsusuri ng mga resibo na  ini-isyu ng PTO sa mga quarry at permit holders sa lalawigan, upang maging mas epektibo ang pagpapatupad ng nabanggit na ordinansa.

55 party-list groups, ipoproklama mamayang hapon

Venus L Peñaflor
-
0
55 party-list groups, ipoproklama mamayang hapon

Ipoproklama ng Comelec na tumatayong National Board of Canvassers (NBOC) sa Philippine International Convention Center (PICC) Forum Tent sa Pasay City ngayong araw, mamayang hapon (Mayo 26), ang 55 party-list groups na nakakuha ng pinakamaraming boto noong nakaraang Mayo 9 na halalan.

Ang mga party-list groups na ipoproklama ay ang mga sumusunod: 

ACT-CIS, 1-Rider Partylist, Tingog, 4Ps, Ako Bicol, Sagip, Ang Probinsyano, Uswag Ilonggo,Tutok to Win, Cibac, Senior Citizens, Duterte Youth, Agimat, Kabataan, Angat, Marino, Ako Bisaya, Probinsyano Ako, LPGMA,  Api, Gabriela, CWS, Agri, P3PWD, Ako Ilocano Ako, Kusug Tausug, An Waray, Kalinga, Agap, Coop-Natco, Malasakit@Bayanihan, BHW, GP Party, BH, Act Teachers, TGP, Bicol Saro, Dumper PTDA, Pinuno, Abang Lingkod, PBA, OFW, Abono, Anakalusugan, Kabayan, Magsasaka, 1 Pacman, APEC, Pusong Pinoy, TUCP, Patrol, Manila Teachers, AAMBIS-OWA, Philreca, at Alona.

Kasabay nito, pinayuhan ang mga nanalong grupo na magdala lamang ng dalawang kinatawan sa bawat grupo na nakasuot ng damit na Pilipino para sa mga seremonya.

Noong Miyerkules, natapos ng NBOC ang canvassing ng mga boto ng 173 Certificates of Canvass. Ang Kongreso ay may 63 party-list seats. (PNA)

Ipinroklama ng Kongreso si BBM, Sara bilang winners

Carlo Juancho Funtanilla
-
0
Ipinroklama ng Kongreso si BBM, Sara bilang winners

Ipinroklama si Ferdinand “Bongbong” Marcos Jr. kahapon bilang ika-17 na pangulo ng Republika ng Pilipinas matapos ideklara ng Kongreso, na nakaupo bilang National Board of Canvassers, na siyang nagwagi sa laban sa pagkapangulo sa Eleksyon 2022.

Ipinroklama rin ng Kongreso ang running mate ni Marcos at anak ni Pangulong Rodrigo Duterte na si Davao City Mayor Sara Duterte bilang bagong bise presidente.

Si Marcos, na tumakbo sa ilalim ng Partido Federal ng Pilipinas at nangampanya sa plataporma ng pagkakaisa, ay nakakuha ng 31,629,783 na boto batay sa opisyal na tally para sa presidential race.

Nanalo si Duterte sa botohan na may 32,208,417 na boto. (Senate of the Philippines)

Motorcycle hijacker, arestado sa Binan City

Roy Tomandao
-
0
Motorcycle hijacker, arestado sa Binan City

Binan City, Laguna.  Arestado sa lungsod na ito ang isang magnanakaw ng mga motorsiklo matapos may magreport habang aktong ninanakaw nito ang isang motorbike.

Kinilala ni Acting Provincial Director ng Laguna Police Office PCOL Cecilio R. Ison Jr ang suspek na si Alvin Lauriano, 30 anyos at residente sa Brgy. Poblacion, Muntinlupa City sa NCR.

Nauna dito, noong Mayo 23, 2022, bandang 6:00 ng gabi, isang saksi ang nakakita sa suspek sa aktong kinukuha ang ang isang dilaw na Yamaha Mio na pag aari ng isang nagngangalang Muhammad Lambas, Highmax Construction Supply sa national highway. 

Agad na nagsumbong ang saksi sa may ari ng motor at hinabol nila ang suspek na sakay sa ninakaw na motorsiklo. 

Nakorner ng mga pulis ang suspek sa isang Comelec checkpoint. Nabawi ang motorsiklo at nakuha din sa kanya ang isang Caliber 38 Smith at Wesson na walang kaukulang permit.

Kasalukuyang nasa custodial facility ng Binan City MPS ang suspek at nakatakdang sampahan ng mga kaukulang kaso, ayon sa report ni PCOL Ison kay Police Regional Director PRO-CALABARZON .

Photo credits: Laguna Provincial Police Office

113th PDA Annual Convention naging matagumpay

Dr. Jeffrey Montoya Sumague, DMD
-
0
113th PDA Annual Convention naging matagumpay

Ginanap sa SMX Convention Center sa Mall of Asia  noong May 16-20, 2022 ang 113th Philippine Dental Association Annual Convention sa pangunguna ni Pangulong Dr. Cheryl del Rosario Sandigan President 2022-2023. Ito  ang kauna unahang Hybrid Convention ng Philippine Dental Association dahil sa pandemya.

Noong nakaraang 111th at 112th PDA Annual  Convention pinagsama na ang convention, ito ay online dahil sa pabago bagong alert level ng IATF noong taong 2020 at 2021 sa term nina Past Pres. Dr. Alvin Laxamana at Immediate Past President Dr. Angelo Militante. 

Umabot 7,482 ang mga delegadong dentista ang nakilahok. Ang iba ay online at ang iba naman ay face to face. Dekalidad ang mga lecturer dahil nagmula pa ito sa ibang bansa.Kasama din ang mga kilalang lecturer dito sa Pilipinas. 

Mayroon ding mga dental traders para makabili at makapag upgrade ng dental instruments ang mga dumalong dentista. 

Naganap din dito ang pangalawang online Election sa pamumuno ni COMELEC Chair Dr. Alexis Arrojo, 2nd member Dr. Guissipe Tianco at 3rd member Dr. Dino Galvez noong May 18, 2022 kung saan ang nanalong mga kandidato ay sina Dr. Emmanuel Centeno bilang President-Elect, Dr. Ronnie Nuñez Exec. Vice President, Dr. Marie Jennifer Yalung VP North Luzon, Dr. Marriuse Chars Esquillo VP Luzon South, Dr. Xandro Raymond Dael VP Visayas, Dr. Albert De Guzman VP Mindanao, Dr, Iraida De Leon Treasurer, Dr. Jocelyn Manabat Auditor. 

Samantala nanguna pa rin bilang Board of Trustee for Luzon si Dr. Allan Banta, sinundan nina Dr. Rolando Jaime Aldecoa, Dr. Jonas Anoñuevo, Dr. Almira Abril-Olarte, Dr. Nathan Dacuan, Dr. Delia Ignacio-Barba, Dr. Viance Jane De Jesus at Dr. Ma. Auditha Dickson.

Sa Trustee for Visayas naman ay naihalal sina Dr. Lucilo Niñal at Dr. Anna Rose Trocio. Trustee for Mindanao Dr. Maria Felomena Ayado at Dr. Magdalena Reginaldo-Untalan. 

Naging matagumpay din ang ika 60th PDA House of Delegates sa pamumuno ni House Speaker Dr. Fernando See na ginanap noong May 17 and 19 sa Midas Hotel. Dito tinalakay ang mga batas at resolution para sa nabanggit na organisasyon at dito din ipiniprinoklama ang mga bagong opisyal na na nanalo sa election. 

Ginanap din ang PDA Awards sa Okada noong May 19, 2022 at pinarangalan ang mga natatanging leader at kinilala zng mga iba’t ibang committees.

President’s Night naman noong Mayo 20, 2022 sa Okada Manila kung saan nanumpa si Dr. Cheryl del Rosario bilang PDA President at lahat ng Chapter and Affiliate Presidents sa buong bansa. 

Hiling ng karamihan na magtuloy tuloy na ang ganitong convention dahil ibang iba talaga ang face to face assembly dahil dito nagkakaroon ng pagkakataon na makisalamuha ang mga kapwa dentista, dental traders at makarining ng lecture sa session hall.

Nagpasalamat ang bagong pangulo na si Dr. Cheryl del Rosario sa mga delegado, members, traders, sponsors at sa mga sumuporta sa 113th PDA Annual Convention na may temang PDA WITHIN REACH.

1...698699700...826Page 699 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3538World News3446Asia1490Curiosity1035War Reports and Updates644

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved