Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 724

200 Narra seedlings itinanim ng DENR sa Marinduque

EDGARDO HERNAL
-
0
200 Narra seedlings itinanim ng DENR sa Marinduque

Mogpog, Marinduque. Nagtanim ng 200 punla ng Narra ang Department of Environment and Natural Resources (DENR) katuwang ang Marinduque Police Provincial Office sa Barangay Bocboc, Mogpog, Marinduque kamakailan.

Kasama sa isinagawang tree planting activity ang mga tauhan ng Mogpog Municipal Police Station, Kabataan Kontra Droga at Terorismo, Philippine Army at mga miyembro ng Sangguniang Barangay ng Bocboc.

Hinihikayat ni PCpt Aldrin L Mutya, Assistant Chief, PCADU ng Marinduque PPO ang komunidad na patuloy na makiisa at makilahok sa mga programang ilulunsad ng pamahalaan hinggil sa pagpapanatili ng kagandahan at kasaganaan ng likas na yaman sa bansa.

Samantala, patuloy na isinasagawa ang regreening efforts sa CALABARZON. Ang mga nagtapos na National Greening Program sites ay humihikayat din ng mga interesadong grupo o organisasyon na makiisa sa pamamagitan ng Memorandum of Agreement sa ilalim ng Tayo Ang Kalikasan Program. Para sa mga nais magsagawa ng tree planting activity o magpatibay ng graduated NGP site sa CALABARZON, maaaring makipag-ugnayan sa pinakamalapit na DENR Office sa inyong lugar.

San Pablo CPS tumanggap ng bagong police vehicle

Kevin Pamatmat
-
0
San Pablo CPS tumanggap ng bagong police vehicle

San Pablo City, Laguna. Tinanggap ni PLTCOL Garry C. Alegre, hepe ng San Pablo City Police Station (CPS) ang isang Mitsubishi Estrada FX Model 2022 mula sa San Pablo City Local Government kahapon.

Kasabay ng tuwing Lunes na flag raising ceremony, ang nabanggit na sasakyan ay iginawad ni Congressman Elect Amben Amante  kay Alegre. 

Binasbasan ni Rev. Monsignor Jerry Bituon, Vicar General ng Diocese ng San Pablo the 1st Hermit, ang bagong sasakyan kasabay ng iba pang police vehicle ng nabanggit na CPS .

Ang karagdagang land mobile asset ay inaasahang magpapalakas sa kakayahan sa pagpapatakbo ng Warrant Section ng San Pablo CPS.

Kaugnay nito, nagpasalamat si Alegre sa San Pablo City Government sa suportang ibinibigay nito sa PNP sa paglaban sa kriminalidad at ilegal na droga.

Pinagtitibay ng SC ang kontrol ng FDA sa mga sigarilyo, mga produktong tabako

Venus L Peñaflor
-
0
Pinagtitibay ng SC ang kontrol ng FDA sa mga sigarilyo, mga produktong tabako

Pinagtitibay ng Korte Suprema ang kontrol ng FDA sa mga sigarilyo, mga produktong tabako.

Pumabor ang Korte Suprema sa Food and Drug Administration (FDA) sa pag-regulate ng mga sigarilyo at produktong tabako sa Pilipinas kasunod ng mga protesta ng industriya ng tabako.

Ang desisyon ng SC na may petsang Hulyo 13, 2021 ay natiyak na ang industriya ay nasa ilalim ng awtoridad ng FDA dahil sa mga pangako ng bansa sa Framework Convention on Tobacco Control (FCTC) ng World Health Organization (WHO).

“Walang overlap ng mga function, dahil malinaw na ang mga petitioner ay may teknikal na awtoridad sa mga usapin ng pampublikong kalusugan,” ayon sa desisyon.

At any rate, the Implementing Rules explicitly state that the rules and regulations and other issuances to be promulgated by the Food and Drug Administration will refer to policy areas that are not covered by specialized agencies and special laws,” dagdag pa nito.

Ang desisyon ay dumating habang ang FDA, kasama ang Department of Health (DOH), ay nagpetisyon upang linawin ang kanilang pangangasiwa sa regulasyon sa industriya ng tabako. (FDA)

Nationwide na paghahanap ng public school teacher para sa 2023 Princess Maha Chakri Awards sinimulan ng DepEd

Carlo Juancho Funtanilla
-
0
Nationwide na paghahanap ng public school teacher para sa 2023 Princess Maha Chakri Awards sinimulan ng DepEd

Sinimulan na ng Department of Education (DepEd) ang paghahanap ng isang mahusay na guro sa pampublikong paaralan na karapatdapat tumanggap ng prestihiyosong Princess Maha Chakri Award (PMCA) para sa 2023.

Ang PMCA ay naglalayon na parangalan at kilalanin ang 11 Timog Silangang Asya (ASEAN + Timor Leste) na mga pampublikong guro na ang mga natatanging tagumpay ay pinkikinabangan ng edukasyon at pag-unlad ng tao.

Ang mga kwalipikadong kandidato para sa Thai Princess Chakri’s Education Award ay dapat sumunod sa pamantayan ng PMCA Screening Committee kung saan ang mga aplikanteng guro ay dapat na lumahok sa mga kilusang pangkomunidad at sibiko, lalo na kung saan ang edukasyon ay hindi gaanong naa-access; nagpakilala ng inobasyon sa pagtuturo na ponakikinabangan ng mga komunidad kung saan sila ay nagturo; at maaaring magbigay ng inspirasyon, nagtataguyod, at patuloy na nagpapaunlad ng mga mag-aaral at kapwa guro.

Ang mga nominado ay sasailalim sa screening sa School Division Office, Regional Office, at sa Central Office sa pamamagitan ng International Cooperation Office kasama ang PMCA Selection Committee ng Pilipinas.

Irerekomenda ng PMCA Committee ang napiling awardee para sa pag-apruba ng DepEd Secretary at ini-endorso ang nominee ng Pilipinas sa PMCA Foundation para sa endorsement ni Princess Maha Chakri Sirindhorn ng PMCA Foundation ng Her Royal Highness (HRH).

Bilang parangal kay HRH Princess Maha Chakri Sirindhorn ng Thailand, ang parangal ay nakatuon sa mga guro na nakagawa ng malaking epekto sa pag-unlad at buhay ng mga mag-aaral, lalo na ang mga nagmula sa mahihirap na grupo.

Itinatag sa ika-60 na kaarawan ni Princess Sirindhorn noong 2015 sa pamamagitan ng PMCA Foundation, ang Award ay naghahanap ng mga pambihirang guro sa Southeast Asia na ang mga tagumpay ay nagresulta sa isang makabuluhang epekto sa buhay ng mga mag-aaral at isang mas mahusay na sistema ng edukasyon.

Mula noong unang parangal noong 2015, kinilala ng PMCA ang apat na recipient mula sa Pilipinas, sina G. William Moraca ng General Santos City (2015), G. Jesus Insalada ng Iloilo City (2017), G. Sadat Minandang ng Cotabato City (2019) , at G. Marcelo Otinguey (2021).

Para sa reference at gabay sa proseso ng pagpili, timeline, at mga kinakailangang accomplishment na may kaugnayan sa Award sa 2023 PMCA, mangyaring sumangguni sa DepEd Memorandum Blg. 052, Serye ng 2022. (DepEd)

Pugante, huli sa dragnet ops ng Laguna PNP

Roy Tomandao
-
0
Pugante, huli sa dragnet ops ng Laguna PNP

Sta. Cruz, Laguna. Huli ang isang takas na bilanggo mula sa Laguna Provincial Jail sa isinagawang dragnet operation ng Calauan Municipal Police Station kamakalawa sa Brgy. Dayap, Calauan, Laguna.

Kinilala ni PCOL Cecilio R. Ison Jr., Acting Provincial Director ng Laguna POlice Provincial Office ang nahuling pugante na si Eddie Bataller Bongon, 32 anyos na residente ng Brgy. Inayapan, Sta. Maria, Laguna,

Ayon sa report, ang akusado ay nakulong sa Sta Maria, Laguna noong July 31, 2020 sa kasong paglabag sa Sec.5 and Sec. 11 of RA 9165 o Possession of Dangerous Drugs at inilipat sa Laguna Provincial Jail noong August 20, 2020.

May iba poang kaso ang akusado kagaya ng attempted homicide  at robbery.

Batay sa ulat, ang akusado ay tumakas sa Laguna Provincial Jail noong May 20, 2022 sa pamamagitan ng pag-akyat sa puno pagtalon  sa labas ng bakod ng Laguna Provincial Jail.

Kaugnay nito, nakatanggap ng impormasyon ang mga tauhan ng nabanggit na piitan na ang takas na preso ay bibisita sa kanyang bayaw sa Brgy. Bulilan Norte, Pila, Laguna, kaya agad na nagtungo ang mga tauhan ng Laguna Provincial Jail sa nasabing lugar at doon ay natagpuan nila doon ang pugante.

Sa aksyon ng pag aresto, tumakas ang pugante sakay ng isang motorsiklo patungo Victoria, Laguna. Nabaril siya ng isang prison guard habang tumatakas at nagtamo ng tama ng bala sa likod.

Kasunod nito ay nagsagawa ng hot pursuit operation ang miyembro ng Laguna Provincial Jail at inalerto ang mga kalapit na bayan na magsagawa ng dragnet operations.

Nadakip ng Calauan Municipal Station ang takas na bilanggo sa pangunguna ni PMAJ Philip T. Aguilar.

Kasalukuyang ginagamot ang akusado sa Panlalawigang Pagamutan ng Lagun sa Bay, Laguna habang inihahanda na ang mga dokumento para sa turnover ng takas na preso sa Laguna Provincial Jail.

High rank official ng NPA sumuko sa AFP Quezon

Arman B. Cambe
-
0
High rank official ng NPA sumuko sa AFP Quezon

Lucena City, Quezon. Sumuko ang isang mataas na opisyal ng New People’s Army (NPA) na nakabase sa Southern Tagalog sa mga opisyal ng Armed Forces of the Philippines Southern Command sa Camp Guillermo Nakar kahapon matapos ang limang araw na negosasyon sa pagitan ng militar at ng surrenderee.

Ayon sa pahayag ni BGeneral Arman Arevalo, SFP Southern command chief, kinilala ang sumuko na si Jonel B.Soriano, alias ” Ka Nel” , 42, at isang intel officer ng NPA sa Calabarzon.

Ang nababnggit na pagsuko ayon kay Arevalo ay bunga ng programa ng pamahalaan na bigyan ng panibagong buhay at pagkakataon ang mga kapwa Pilipino na minsan naging biktima ng maling pagtuturo at doktrina ng mga rebelde.

 Sinabi rin ni Arevalo na laging bukas ang pinto ng pagkakaisa ng pamahalaan upang wakasan na ang ilang dekada ng pakikipaglaban ng mga rebelde na nagiging dahilan lamang ng pagka kalayo layo ng mga pamilya.

Ayon naman kay Soriano,”naniniwala siya sa programang Balik- loob ng pamahalaan na naglalayong muling buuin ang mga pamilya at sumunod sa mga alituntunin ng batas at pamahalaan.”

Ang AFP ay magbibigay ng tulong pangkabuhayan sa pamilya ni Soriano gayundin sa pag aaral ng kanyang mga anak.

90 baril, 89 suspek ang naaresto sa Batangas sa ilalim ng Comelec gun ban

Arman B. Cambe
-
0
90 baril, 89 suspek ang naaresto sa Batangas sa ilalim ng Comelec gun ban

Batangas City, Batangas. Iniulat ng Batangas Provincial Police Office na 90 baril at 89 na tao kabuuang bilang ng nahuli sa buong lalawigan ng Batangas sa ilalim ng Comelec Gun ban na nagtapos sa buong bansa kamakalawa.

Ang bayan ng Calatagan, Calaca at Lemery ang may pinakamaraming bilang ng baril na nakumpiska. Nakapagtala rin ng mga kaguluhan sa mga nabanggit na bayan bago sumapit ang ginanap na halalan, ayon kay PCol. Glicerio Cansilao, Batangas Provincial Police Director.

Sa pinakabagong datos ng PNP sa Calabarzon, ang lalawigan ng Batangas ang isa sa may maraming areas of concerned tuwing may halalan at karamihan sa mga lugar na ito ay may mga pribadong tao na nagmamay ari ng mga baril na walang kaukulang dokumento, dagdag pa ni Cansilao.

Idinagdag niya na ang mga inaresto ay bibigyan ng karampatang pagkakataon sa patas na pagdinig sa korte.    

Laguna PNP, marubdob na nagdiwang ng ika-124 Araw ng Kalayaan

Roy Tomandao
-
0
Laguna PNP, marubdob na nagdiwang ng ika-124 Araw ng Kalayaan

Sta. Cruz, Laguna. Ipinagdiwang ng mga alagad ng batas ng Laguna ang Araw ng Kalayaan kanina sa Kampo Heneral Paciano Rizal, Brgy Bagumbayan Sta Cruz Laguna, sa  pangunguna ni Police Colonel Cecilio R. Ison, Jr. kasama ang mga opisyal ng nabanggit na provincial police office. 

Binuksan ng mga pulis ang seremonya sa pagtataas ng watawat ang selebrasyong may temang “Pag-suong sa Hamon ng Panibagong Bukas”. 

Nagpalipad ang mga opisyal ng mga puting kalapati bilang simbolo ng kalayaan sa pagdiriwang at pag alala sa kabayanihan ng mga lumaban sa mga dayuhang mananakop para sa kalayaan ng bans.

“Kasama sa mga ginugunita natin, hindi lamang ang mga kilalang bayani, kundi pati ang mga kasamahan nating nagsilbing haligi ng kalayaan. Sila ang mga kapwa pulis natin na nagbuwis ng buhay sa gitna ng laban at panganib na dala ng pandemya, kriminalidad at giyera. Sila ang matatawag nating mga bayani ng makabagong panahon,“ yyon sa mensaheng ni OIC Chief PNP Police Lieutenant General Vicente D. Danao, Jr.

“Sama-sama nating isulong ang pagkakaisa, at sama-samang nating paigtingin ang ating misyon tungo sa kapayapaan, kaayusan, at kaligtasan ng bawat mamamayan ng Laguna,: ayon naman kay Police Colonel Cecilio R. Ison, Jr.

Hinimatay si Lorenzana sa seremonyas ng Araw ng Kalayaan

Venus L Peñaflor
-
0
Hinimatay si Lorenzana sa seremonyas ng Araw ng Kalayaan

Hinimatay si Defense Secretary Delfin Lorenzana sa seremonya ng Araw ng Kalayaan sa Rizal Park sa Maynila kanina.

Ayon kay Defense Head Executive Assistant Peter Paul Galvez sa mga mamamahayag, si Lorenzana ay kasalukuyang nasa ospital at ngayon ay “nasa estable ng kundisyon.”

Sinabi ni Lorenzana na ang kawalan ng pahinga at tulog ay nagdulot ng pinsala sa kanyang katawan.

Ayon sa Department of National Defense, kararating lang ni Lorenzana mula sa sunud-sunod na biyahe sa ibang bansa at maaaring ito ang naging dahilan ng kanyang pagkapagod dagdag pa ang init ng panahon sa Rizal Park.

“The Secretary of National Defense just arrived from Singapore early this morning after attending the IISS Shangri-La Dialogue and meeting with his foreign counterparts. The Secretary also traveled recently to South Korea and other parts of the Philippines, while overseeing the defense operations of the country and transition to a new administration,” ayon kay Defense Spokesperson Arsenio Andolong.

Samantala nag-update defense secretary sa Facebook at ibinalita na maayos na ang kanyang kalagayan.

“Hello, everyone! My lack of rest and sleep from my recent successive international security engagements may have taken its toll on me. Late na kami nakabalik from Singapore, tapos napakainit pa sa Luneta kanina. But as the saying goes, a true soldier always gets up quickly after a fall.

I’m fine now. Just resting since the results of the tests conducted earlier are okay.

I’m deeply moved by your concern and well wishes. Thank you and God bless us all,” ayon sa Facebook post ni Lorenzana kaninang tanghali. (PNA)

Buy and sell agent, patay sa riding-in-tandem hitmen

Arman B. Cambe
-
0
Buy and sell agent, patay sa riding-in-tandem hitmen

Calamba City, Laguna. Patay ang isang buy and sell agent matapos tambangan ang sinasakyan niyang tricycle kaninang madaling araw sa Brgy. 6, lungsod na ito

Ayon sa ulat ni PCol. Arnel L. Pagulayan, hepe ng Calamba City Police Station, sakay ng tricycle ang biktimang si Virgilio Landicho patungo sa Crossing ng tambangan at pagbabarilin ng hindi pa nakikilalang mga lalaki na sakay ng motorsiklo.

Batay paunang imbestigasyon ng pulisya, nakasakay ang biktima sa tricycle na minamaneho ng isang nagngangalang Arjay Mercado at patungo sa isang Bakery sa panulukan ng Calamba commercial district. Pagtapat sa harapan ng isang bangko nakita umano ng driver ang isang lalaki na inakalang niyang tatawid sa daan ngunit nagulat siya ng bigla itong bumunot ng baril pagbabarilin ang pasahero niya.

Ayon pa rin sa salaysay ng driver ng tricycle, nakababa pa ang biktima at tumakbo ngunit hinabol ito ng mga salarin at tinulyan ng patayin.

Tumakas ang mga suspek sakay ng kanilang motorsiklo. Nakuha sa lugar na pinangyarihan ng krimen ang mga basyo ng di pa malamang kalibre ng baril.

Inaalam pa ng Calamba police office ang pagkakakilanlan ng mga suspects at angsng motibo sa pagpatay.

1...723724725...859Page 724 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3695World News3619Asia1690Curiosity1120War Reports and Updates720

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved