Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 728

Binaklas ng DENR Calabarzon ang mga iligal na baklad sa Taal Lake

Venus L Peñaflor
-
0
Binaklas ng DENR Calabarzon ang mga iligal na baklad sa Taal Lake

Calamba City, Laguna. Binaklas ng Department of Environment and Natural Resources (DENR) CALABARZON), sa pamamagitan ng Protected Area Management Office-Taal Volcano Protected Landscape (PAMO-TVPL)ang mga ilegal at abandonadong istraktura sa Brgy. Gulod at Buso-Buso, Laurel, Batangas mula noong Mayo 13 hanggang kahapon, 6 Hunyo 2022.

Batay sa imbentaryo ng PAMO-TVPL, 63 fish corrals o baklad and ilegal na nakatayo sa baybay lawa ng dalawang barangay na nabanggit. Ang mga istrukturang ito ay maaaring maging hadlang o sagabal sa mga isasagawang pag responde sa panahon ng peligro at maituturing na panganib sa mga naglalayag na bangka, ayon sa ulat..

Ang isinagawang pagbabaklas ay alinsunod sa Kautusang Pampangisdaan ng TVPL at sa PAMB Resolution No. 91, series of 2021, kung saan nakasaad ang permanenteng pagbabawal ng pagtatayo at operasyon ng ilegal na baklad sa buong Lawa ng Taal. Nakasaad din sa resolusyon na ito na pansamantalang pinayagan ang operasyon ng fish corral o baklad sa loob ng anim (6) na buwan simula Hulyo hanggang Disyembre taong 2021 ngunit tatanggalin at babaklasin pagkatapos ng ibinigay na palugit.

Pinangunahan ng DENR CALABARZON ang pagbabakalas kasama ang PAMO-TVPL, Bureau of Fisheries and Aquatic Resources (BFAR) IV-A. Katuwang din dito ang PNP Maritime Group, Philippine Coast Guard, at iba pang mga law enforcement agencies. (DENR4A)

Negosyo 101 Seminar at BMBE Registration Caravan itinaguyod ng DTI Laguna

Venus L Peñaflor
-
0
Negosyo 101 Seminar at BMBE Registration Caravan itinaguyod ng DTI Laguna

Los Baños, Laguna. Nagsagawa ng seminar ang Department of Trade and Industry Laguna sa pamamagitan ng Negosyo Center Los Baños para sa mga benepisyaryo ng Sustainable Livelihood Program sa Barangay Bagong Silang, bayang ito kamakailan.

Layunin ng isinagawang seminar na sinusportahan ng Los Baños Municipal Social Welfare and Development Office na mapataas ang pagiging mapagkumpitensya ng MSME. Dinaluhan ito ng 36 na micro entrepreneurs mula sa nabanggit na barangay.

sa pakikipagtulungan sa Los Baños Municipal Social Welfare and Development

Nagsagawa ng seminar ang opisina para sa mga benepisyaryo ng Sustainable Livelihood Program sa Barangay Bagong Silang, Los Baños,Laguna noong Mayo 20, 2022 upang mapataas ang  competitiveness ng MSME. Ang seminar

ay dinaluhan ng 36 na micro entrepreneurs mula sa barangay.

Kasama sa seminar ang pinaghalong mga lecture at forum sa pamamagitan ng pakikipag-ugnayan sa mga kalahok.

Ang mga talakayan ay umiikot sa iba’t ibang bahagi ng negosyo at sa mga praktikal na tuntunin at mga tool sa pagpapabuti ng negosyo.

Sa huling bahagi ng seminar, dalawampung enterprise ang nag-avail ng Barangay Micro Business Enterprise program

at pito ang natukoy na benepisyaryo ng Kabuhayan sa Pagbangon at Ginhawa Livelihood Kit na nagrehistro ng kanilang business name.

2K pulis nakahanda upang tiyakin ang mapayapang inagurasyon ni Marcos

Carlo Juancho Funtanilla
-
0
2K pulis nakahanda upang tiyakin ang mapayapang inagurasyon ni Marcos

Humigit-kumulang 2,000 pulis sa Metro Manila ang ipapakalat upang matiyak na ligtas at payapa ang inagurasyon ni President-elect Ferdinand “Bongbong” Marcos Jr. sa National Museum of the Philippines sa Hunyo 30, ayon kay Philippine National Police (PNP) director for operations Maj. Gen. Valeriano de Leon kanina.

Personal niyang ininspeksyon ang pambansang museo bilang bahagi ng paghahanda sa seguridad para sa kaganapan.

Sinabi ni De Leon na binigyang-diin ni PNP officer in charge Lt. Gen. Vicente Danao Jr. ang pangangailangan ng maagang paghahanda upang  maagapan ang lahat ng posibleng senaryo na maaaring makaapekto sa mapayapa at maayos na panunumpa ni Marcos.

Nakikipag-ugnayan na rin ang PNP sa Manila City government at mga kalapit na local government units (LGUs) para sa “no permit, no rally” policy.

Sinabi ni De Leon na ang parehong antas ng paghahanda ay ginagawa din para sa inagurasyon ni Vice President-elect Sara Duterte sa Davao City sa Hunyo 19. (PNA)

Kilabot na gun for hire, arestado sa Laguna

Roy Tomandao
-
0
Kilabot na gun for hire, arestado sa Laguna

Calamba City, Laguna.  Arestado ang isang miyembro ng gun-for-hire group na sangkot sa isang insidente ng pamamaril sa lungsod na ito sa ilalim ng police operation na ikinasa ng pinagsanib na pwersa ng CIDG Laguna Field Unit at local PNP units sa Kanluran, Sitio Majada In-Housing, Barangay Canlubang dito.

Kinilala ng pulisya ang suspek na si Hilario Mabaga, Sr, a.k.a. “Larry/Bente Uno.” Nakuha sa kanya ang isang .45 pistol, isang steel magazine, pitong basyo ng bala, at isang holster.

Inaresto siya sa bisa ng search warrant na inisyu ni Hon. Glenda R. Mendoza-Ramos, Presiding Judge ng RTC Branch 36, Calamba City, Laguna.

Si Mabaga ay kilalang miyembro ng “Ireneo Fajardo Group” na nakikibahagi sa gun-for-hire, kidnap-for-ransom, robbery/hold-up, illegal gambling at illegal drug activities na nago-operate sa 1st at 2nd District ng Laguna.

Ayon pa rin sa report ng pulisya, si Mabaga ang tinaguriang Most Wanted Person ng Region 4A na may nakapatong na P100,000.00 sa kanyang ulo. Nahuli siya noong 2004 sa Brgy. Bawi, Padre Garcia, Batangas dahil sa pagkakasangkot nito sa pagkidnap at pagpatay sa negosyanteng si Simeon Gadiola. Sa panahong iyon, kinasuhan din siya ng paglabag sa RA 9165 matapos mahuling nagtayo ng maliit na laboratoryo ng shabu at kalaunan ay pinalaya noong 2019.

Bumalik si Mabaga sa kanyang mga iligal na gawain at naging pangunahing suspek sa insidente ng pamamaril na nangyari noong Abril 5, 2020 sa Sitio MCDC, Purok 17, Barangay Canlubang, Calamba City kung saan ay naging biktima ng isang 26-anyos na si Beverly Barriento na binaril sa ulo.

Nangako ang CIDG na itataguyod nila ang batas at ipatupad ito laban sa mga nagkasala at gumagamit ng kriminal na gawain upang makapagkalat ng takot at panganib sa mga komunidad.

Puganteng Koreyano, inaresto ng CIDG

Kevin Pamatmat
-
0
Puganteng Koreyano, inaresto ng CIDG

Ipinatupad ng mga operatiba ng CIDG Manila Field Unit kasama ang KNPA, Bureau of Immigration at Eastern Police District ang INTERPOL Red Notice laban sa isang Korean national kamakalawa sa Grove by Rockwell, Pasig City.

Kinilala ng mga awtoridad ang nasabing Korean national na si Kim Seongku, 46 anyos na pugante at may standing warrant na inisyu ng Seoul Central District Court para sa krimen ng Fraud by Use of Computer, Etc. na lumalabag sa Article 347- 2 ng Criminal Act of the Republic of Korea.

Batay sa impormasyong natanggap mula sa Korean Counterpart, si Seongku ay miyembro ng isang Korean syndicate na pumapasok sa mga blockchain account ng kanyang mga biktima at nakapagnakaw ng humigit-kumulang 142.7 Ethereum at 240 Bitcoins na halaga ng cryptocurrencies na katumbas ng mahigit Php613 milyon.

Tiniyak ng CIDG nahindi sila titigil sa pagkilos at pagsisikap na hadlangan ang mga hindi kanais-nais na dayuhan na maglalagay sa panganib sa kaligtasan at seguridad ng publiko.

British national arestado sa kasong child sex abuse

Roy Tomandao
-
0
British national arestado sa kasong child sex abuse

Silang, Cavite. Arestado ang isang 54-anyos na British National sa inilunsad na manhunt operation ng mga operatiba ng Criminal Investigation and Detection Group (CIDG) Cavite.

Kinilala ni CIDG4A Regional Chief Col. Marlon Santos ang suspek na si Wayne Gale, 54 anyos, may asawa, at residente ng Block 23, Lot 1, Okayama St., Mandara Subd., Barangay Tartaria, Silang, Cavite.

Siya ay inaresto sa Parañaque City Hall, Parañaque City, Metro Manila sa bisa ng Warrant of Arrest para sa 4 counts na Paglabag sa Sec 5 ng RA 7610 (Anti- Child Abuse Act of 1991) sa ilalim ng CC Nos. TG-22-278 (AS) sa TG-22-281 (AS) na inisyu ni Hon. Raquel Ventura Aspiras-Sanchez, Presiding Judge ng Family Court, Branch 3, Tagaytay City, Cavite na may petsang Abril 11, 2022 na may kabuuang piyansang P800,000.00

Ayon kay Margaret Badal Boongaling, ina ng biktima, 16 taong gulang pa lamang ang kanyang anak ng mangyari ang insidente. Ang menor de edad na biktima ay nakatira noon sa bahay ng kapatid niyang babae na live-in partner ni Gale.  

Diumano ay napaniwala ang menor de edad sa pangako ng banyaga na pakakasalan siya nito at dadalin sa England. Ang kanilang relasyon ay hindi nakaabotsa kaalaman ng ate ng biktima, hanggang noong Setyembre 20, 2021, inaya ng suspek ang biktima na sumakay sa isang joyride at bandang alas-7 ng umaga ay ipinarada ng suspek ang kanyang sasakyan sa isang liblib na lugar ng subdivision at nagawa niyang hikayatin ang menor de edad na biktima na makipagtalik sa kanya. Ang carnal act ay sinundan pa ng limang insidente gamit ang sasakyan ng suspek.

Nagtamo ang biktima ng psychological trauma mula sa insidente kung saan nagkaroon siya ng suicidal ideation, batay sa psychiatric evaluation na ginawa ng Philippine General Hospital Child Protection Unit.

Nakalista rin si Gale bilang No. 1 Provincial Most Wanted Person ng Cavite.

Tinitiyak ng CIDG na sa pamamagitan ng pinaigting nitong mga kampanya laban sa kriminalidad, lahat ng biktima ng kahalayan ay makakatanggap ng hustisya at ang mahabang kamay ng batas ay makakarating sa mga lumalabag saan man sila naroroon, at anuman ang kanilang katayuan o lahi.

Trigger happy sa Batangas, arestado

Arman B. Cambe
-
0
Trigger happy sa Batangas, arestado

Calatagan, Batangas. Arestado ang isang lalaki matapos magpaputok ng baril sa Brgy. Tanagan, bayang ito

Nagpaputok ng baril ng naturang suspek bandang alas-8:30 ng gabi Hunyo 3, 2022 at  ng isang concerned citizen ang nag report sa istasyon ng Calatagan Municipal Police Station (MPS).

Rumesponde ang mga pulis Calatagan MPS at nagtungo sa lugar kung saan inabutan pa nila na hawak ng suspek ang baril. Nagtangka ang suspek na tumakas ngunit agad naman itong nahuli at dinisarmahan ng mga awtoridad. Nakumpiska mula rito ang kanyang kalibre 45 na Armscor, magazine at mga bala. Nakuha rin ang dalawang basyo ng bala sa pinangyarihan ng insidente.

Kasalukuyang nasa kustodiya ng Calatagan MPS ang suspek para sa kaukulang disposisyon sa pagsasampa ng kasong Alarm and Scandal at kasong paglabag sa Republic Act 10591 o “Comprehensive Firearms and Ammunition Regulation Act”.

Inaalam pa ng mga awtoridad kung mayroon tinamaan na residente sa pamamaril ng naturang suspek, ayon sa ulat ni PCOL Glicerio C. Cansilao, Provincial Director ng Batangas Provincial Police Office kay PBGEN Antonio C. Yrra, Regional Director Police Regional Office CALABARZON.

Mahigit 50 katao ang napatay sa pag-atake sa Nigerian Catholic Church

EDGARDO HERNAL
-
0
Mahigit 50 katao ang napatay sa pag-atake sa Nigerian Catholic Church

Nagpaputok ng mga armas ang mga umaatake nagpasabog ng mga bomba sa simbahan.

Pinaslang ng mga armadong lalaki ang dose-dosenang mga congregant habang nagmimisa sa isang Simbahang Katoliko sa Ondo state, Nigeria noong Linggo.

Gumamit ng mga bomba at baril ang mga umaatake sa Simbahang Katoliko ng St. Francis Xavier, na ikinamatay ng mahigit 50 tao, ayon sa mga ulat. Binihag din ng mga armadong lalaki ang pari ng simbahan at hinahanap pa ng mga awtoridad hanggang ngayon.

Walang teroristang grupo ang nag-claim ng pag-atake hanggang sa isinusulat ang balitang ito.

Prelate: Isulong ang pagkakaisa sa ilalim ng Marcos admin

Carlo Juancho Funtanilla
-
0
Prelate: Isulong ang pagkakaisa sa ilalim ng Marcos admin

Umaasa ang isang opisyal ng Catholic Bishops’ Conference of the Philippines na mananaig ang hustisya at kalayaan sa papasok na bagong administrasyon.

Sinabi ni Bishop Victor Bendico ng CBCP-Episcopal Commission on Liturgy na idinadalangin niya na nawa ay iwaksi ng hinirang na Pangulong Ferdinand Marcos Jr. ang anumang uri ng karahasan at isulong ang tunay na pagkakaisa.

“The essence of Pentecost is unity,” ayon kay Bendico sa isang panayam sa Church-run Radio Veritas kahapon.

Ang Linggo ng Pentecostes ay ipinagdiriwang sa ika-50 araw mula sa Linggo ng Pagkabuhay upang gunitain ang pagbaba ng Banal na Espiritu sa mga Apostol at iba pang mga tagasunod ni Jesucristo habang sila ay nasa Jerusalem.

“With the new government, let us not put on a spirit of slavery. Let us be led by a spirit of freedom. We are a free people in a free nation. In a free country, there can only be free citizens, citizens who love their country and work hard for the common good,” ayon sa kanya. (PNA)

10 suspek sa anti-hazing law sa Laguna, nahuli na

Arman B. Cambe
-
0
10 suspek sa anti-hazing law sa Laguna, nahuli na

Camp Vicente Lim, Laguna. Nalambat na ng mga elemento ng Laguna Intelligence Unit at Kalayaan Municipal Police Station ang sampung miyembro ng Tau Gamma Phi Fraternity na tatlong buwan nagtago matapos umanong mapatay ng mga ito sa hazing ang isang 18 anyos na estudyante na dumaan sa initiation rites ng noong Marso 20 ng taong kasalukuyan.

Kinilala ni Laguna Police Provincial Director PCol. Cecilio Ison Jr,, kinilala ang mga dinakip na sina: Leo Sandro Dueno, 20; Paulo Lacaocao, 23; Kevin Perez, 23 anyos ba construction worker; Jerwin Caraig, 25; Osama Sotomayor, 24; Johndel Ponce, 23 anyos na construction worker; Art Jay Nadal, 19; Wilson Maestrado, 21; Kris Jairo Cabisuelas, 25 at Kirby Galero.

Ayon kay.Ison, inaresto ang mga suspek sa bisa ng warrant of arrest na inisyu ng Regional Trial Court branch 28 ng Sta Cruz , Laguna sa kasong paglabag sa anti-hazing law. Nauna dito, si Raymarc Rabutazo, isang grade 12 senior high school student ay namatay matapos itong sumali sa initiation rites ng Tau Gamma noong ika- 20 ng Marso kung saan una itong napabalita na nalunod sa isang resort sa Barangay San Juan, Kalayaan sa Laguna.

Sa isinagawang autopsy sa bangkay ng biktima nakita ng mga forensic pathologists na maraming pasa sa dibdib, kamay at paa at isang malaking sugat sa ulo na hinihinalang sanhi  ng pagkakahampas gamit ang isang matigas na bagay.

Ayon sa ulat ng pulisya, Si Kevin Perez ang tumayong lead initiator sa naganap na hazing na isinagawa ng grupo sa bulubunduking bahagi ng Twin Falls kung saan iniwan ng mga suspek ang nag-aagaw buhay na biktima.

       Noong ika- 4 ng Mayo, sina Simeon Rubin Mercado, Richard Dimaano Jr, at Vermon Rabutazo, pawang mga opisyal ng Tau Gamma Phi  Fraternity sa Kalayaan Laguna ay nauna ng kinasuhan sa piskalya hinggil sa naturang kaso.

1...727728729...860Page 728 of 860




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3697World News3623Asia1693Curiosity1121War Reports and Updates721

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved