Iminungkahi ni Presidential Adviser for Entrepreneurship Joey Concepcion na mag-require ng card para sa booster shots simula Hunyo ngayong taon upang matiyak na ang mga Pilipinong ganap na nabakunahan ay makakakuha ng kanilang ikatlong dosis ng coronavirus disease 2019 (Covid-19) vaccine.
Ginawa ni Concepcion ang pahayag dahil nakita ng Department of Health na mababa ang follow-up ng mga Pilipino upang makakuha ng kanilang booster shot laban sa Covid-19.
Ayon sa data ng gobyerno, 11.8 milyong indibidwal lamang sa mahigit 65 milyong tao na nakakumpleto ng kanilang pangunahing Covid-19 na dosis ang nakatanggap ng kanilang booster shot.
“I understand it will take time for them to get the booster but considering that vaccines are now more accessible, people are free to move around, and we have adequate supply. I think two and a half months, or until June, would be enough time to take the boosters,” ayon kay Concepcion, na siya ring founder ng Go Negosyo.
Sinabi ni Concepcion na hindi pa nakikita ng mga Pilipino ang pangangailangan sa booster shot.
Hinihikayat ng mga health experts ang mga fully vaccinated na Pilipino na kumuha ng ikatlong jab dahil ang bisa ng mga pangunahing dosis ay humihinapagkatapos ng apat hanggang anim na buwan pagkatapos makumpleto ang mga unang shot.
“Right now, there is no danger. The danger is in the next semester when the waning immunity might be felt already. And this is not counting the possibility that new variants might emerge,” ayon sa kanya.
Idinagdag ni Concepcion na sa pagtaas ng mobility, lalo na sa panahon ng kampanya, kailangan ng mga Pilipino ang dagdag na proteksyon upang maiwasan ang pagkakaroon ng malala at kritikal na kaso ng Covid-19.
Sinabi niya na ito ay maaaring maging isang “double whammy” kung ang bansa ay magkakaroon ng panibagong pagtaas ng mga kaso dahil ang mga epekto ng Ukraine-Russia conflict at mas mataas na mga presyo ng mga bilihin ay inaasahang magpapatuloy hanggang sa susunod na kalahati ng taon.
Idinagdag niya na ang pagpapabilis ng pagbibigay ng bakuna ay makakaiwas din sa pag-aaksaya ng mga biniling jab.
Sa datos mula sa gobyerno, ang bansa ay mayroong 27 milyong Covid-19 jabs inventory, ayon kay Concepcion.
“Our vaccines will not last until the end of the year and we need to encourage Filipinos to do their duty and take their boosters,” dagdag pa niya.
Nahaharap ngayon ang isang pulis na nakatalaga sa Police Regional Office (PRO)-4A (Calabarzon) sa kasong administratibo at kriminal dahil sa kanyang pagkagumon sa e-sabong (online cockfighting).
Batay sa mga ulat na nakarating sa Camp Crame nitong Huwebes, kinilala ang pulis na si Lt. John Kevin Menes, 24, nakatalaga sa PNP Drug Enforcement Group – Special Operations Unit – 4 (DEG– SOU4), PRO-4A, na nahaharap sa kasong sa estafa at ilegal na sugal.
Si Menes ay nagtapos ng PNP Academy ay unang nilagay sa restrictive custody sa headquarters ng PRO-4A sa Laguna dahil sa pagkawala ng humigit-kumulang PHP500,000 na cash na inilaan sa DEG sa Calabarzon na ginagamit bilang show money sa buy-bust operasyon at iba pang gastusin ng mga lokal na police anti-drug units.
Gayunpaman, nakatakas si Menes noong Marso 27 at umalis sa kampo gamit ang isang kotse na hiniram niya sa kanyang subordinate na si Pat. Melvin Bojocan Barbo. Tumanggi si Menes na ibalik ang kotse, na nag-trigger ng search and recovery operation.
Makalipas ang dalawang araw, nakatanggap ng tip ang mga awtoridad na nakita si Menes sa isang online betting station sa Sta. Mesa, Maynila. Pagdating ng mga pulis sa pinangyarihan, nalaman nilang hawak ng mga empleyado ng pasilidad si Menes dahil sa hindi pa nababayaran nito ang utang na umaabot sa PHP15,000.
Nang tanungin tungkol sa sasakyan, sinabi ni Menes sa mga imbestigador ng pulisya na iniwan niya ito sa Tondo, Maynila.
Pinuntahan ng pulisya ang lugar sa Tondo noong Huwebes ng madaling araw at natagpuan ang sasakyan na hiniram niya sa baguhang pulis.
Lumalabas sa karagdagang imbestigasyon na isinangla ng suspek ang kotse sa isang Angel Robert Maximo sa halagang PHP170,000 na may interes na 1 porsiyento kada araw.
“Knowing fully that the vehicle is owned by a Commissioned Officer and gaining his trust and confidence, he (Maximo) accepted the offer and paid Lt. Menes, the said amount, who in turn, delivered the mortgage vehicle to him,” ayon sa report.
Kasunod nito ay inaresto si Menes at dinala pabalik sa kampo ng pulisya habang narekober ang sasakyan at ibinalik sa baguhang pulis.
Noong nakaraang buwan, hinimok ni Philippine National Police (PNP) chief, Gen. Dionardo Carlos, ang lahat ng unit commander na siyasatin ang mga gadget ng kanilang mga nasasakupan upang matukoy ang mga nalululong sa ‘e-sabong.’
Tatlong phreatomagmatic eruptions ang naganap sa Taal Volcano ngayon araw, Marso 31, ayon kay Philippine Institute of Volcanology and Seismology (Phivolcs) Director Renato Solidum Jr.
Naganap ang mga ito sa mga oras na 10:39 a.m. sa loob ng dalawang minuto; 10:47 a.m. at 10:55 a.m., pareho sa loob ng isang minuto.
Sinabi ni Solidum na ang unang pagsabog ay lumikha ng mga plume na 900 metro ang taas, at ang dalawang iba pa ay parehong nakalikha ng mga plume na 500 metro ang taas.
Ang phreatomagmatic eruptions ay sanhi ng interaksyon ng magma at tubig.Karaniwang binubuo ito ng maraming pagputok na iba iba ang mga pagitan.
Iniulat ng Phivolcs na sa nakalipas na 24 na oras, walang na-detect na volcanic earthquake dulot ng paggalaw o pagsabog ng magma mula sa bulkan. Gayunpaman, ang mababang antas ng pagyanig sa background ay nagpatuloy mula noong Marso 29.
Nauna dito, sinabi ni Solidum na ang mababang antas ng pagyanig sa background ay maaaring magpahiwatig ng mas malakas na aktibidad ng hydrothermal o pagkulo ng tubig sa lupa, at degassing ng bulkan.
Ang pagtaas ng maiinit na likido ng bulkan sa pangunahing lawa ng bunganga ay nakabuo ng mga plum na may taas na 1,500 metro. Ang sulfur dioxide (SO2) emission ay may average na 6,405 tonelada kahapon, ayon sa Phivolcs.
Ang Alert Level 3 (magmatic unrest) ay pinananatili sa Bulkang Taal, na nagpapahiwatig na mayroong magmatic intrusion sa pangunahing crater na maaaring magdulot ng mga susunod na pagsabog.
Titigil na sa pag aartista si Bruce Willis matapos ma- diagnosis na may aphasia, isang kondisyon na nagsasanhi ng pagkawala ng kakayahang umunawa o magsasalita, ayon sa kanyang pamilya kahapon.
Sa isang pahayag na nai-post sa page ng Instagram ni Willis, sinabi ng pamilya ng 67-taong-gulang na aktor na kamakailan lamang ay na-diagnose si Willis na may aphasia at naaapektuhan nito ang kanyang mga kakayahan sa pag-iisip.
“As a result of this and with much consideration, Bruce is stepping away from the career that has meant so much to him,” ayon sa statement na may pirma ng awasa ni Willis na si Emma Heming Willis, ng kanyang ex-wife na si Demi Moore, at limang anak na sina Rumer, Scout, Tallulah, Mabel at Evelyn.
“We are moving through this as a strong family unit, and wanted to bring his fans in because we know how much he means to you, as you do to him. As Bruce always says, ‘Live it up’ and together we plan to do just that,” ayon pa rin sa statement.
Maraming mga potensyal na sanhi ng aphasia. Madalas itong nangyayari pagkatapos ng stroke o pinsala sa ulo, ngunit maaari ding unti-unting nade-develop dahil sa mabagal na paglaki ng tumor sa utak o isang sakit na nagdudulot ng degenerative na pinsala, tulad ng Alzheimer’s disease. Pangunahin itong ginagamot gamit ang speech therapy at pag-aaral ng non-verbal na paraan ng komunikasyon.
Isang Pinay ang kuwalipikadong sumali sa hanay ng mga elite jet fighter pilot ng bansa, ayon sa Philippine Air Force (PAF) kahapon.
Si 1st Lt. Jul Laiza Mae B. Camposano-Beran ay kwalipikadong lumipad sa labanan gamit ang SIAI-Marchetti AS-211 light jet combat aircraft, na ginagamit din ng PAF sa mga attack at surveillance mission, ayon sa tagapagsalita ng PAF na si Col. Maynard Mariano.
“The PAF made history (by) having its own, first-ever female fighter pilot on March 30, 2022 from the 5th Fighter Wing at Basa Air Base, Floridablanca, Pampanga. 1st Lt. Jul Laiza Mae B. Camposano-Beran was checked out as the first female AS-211 combat mission ready pilot and wingman,”dagdag niya.
Sinabi ni Mariano na unang lumipad ng mag-isa o nag-“solo” si Camposano-Beran sa AS-211 noong Disyembre 5, 2020.
“May (she had) 150 plus hours na siya sa (in flying the) AS-211,” ayon pa rin sa pahayag ni Mariano.
Sinabi ni Mariano na sumailalim si Camposano-Berran sa “Jet Qualification Training” at sa tinatawag na “Intro To Fighter Fundamentals and Combat Crew Training” sa AS-211, bago lumipad ng “solo”.
Ang mga pagsasanay na ito, na tumatagal ng humigit-kumulang dalawang taon, ay ginagawa upang matiyak na ang mga fighter pilot trainees tulad ni Camposano-Beran ay hindi lamang marunong magpalipad ng sasakyang panghimpapawid ngunit magbibigay-daan din sa kanila na matuto tungkol sa pakikipaglaban sa air-to-air, air-to-ground at air-to-surface sa AS-211, dagdag niya.
“And while doing this, she was also flying with the FA-50 as a backseat pilot and (becoming) combat experience having flown in the FA-50 on an actual strike mission,” ayon sa paliwanag ni Mariano.
Sa sandaling makakuha ng mas maraming karanasan at oras ng paglipad si Camposano-Beran sa AS-211, lilipat siya sa FA-50PHs sa sandaling makuha niya ang 300 oras sa AS-211, dagdag ni Mariano.
Ang FA-50PH ay ang pangunahing jet fighter ng PAF na may bilis na Mach 1.5 at nakuha mula sa South Korea noong 2015 hanggang 2017.
Sa panahon ng kanyang training, pinalipad ni Camposano-Beran sa kanyang pagsasanay sa PAF Flying School ang propeller-driven na T-41D o ang Cessna R-172 sa pangunahing yugto ng kanyang pagsasanay kasunod ng SIAI-Marchetti SF-260MP sa Basic Phase ng kanyang military pilot training .
Sa kabuuan, nakakuha siya ng humigit-kumulang 180 na oras ng paglipad sa dalawang propeller-driven na sasakyang panghimpapawid bago nagtapos noong 2017.
Si Camposano-Beran ay tubong Tulunan, Cotabato at miyembro ng Philippine Military Academy Class of 2015.
“She became the fifth female in the Academy to receive the Athletic Saber Award over 170 members of her class,” ang pagtatapos ni Mariano.
Inihayag din ni Mariano na dalawa pang babaeng piloto ang kasalukuyang sumasailalim sa fighter pilot training.
Tinanggal sa listahan ng mga botante ang humigit kumulag na 10.5 milyong rehistradong botante sa bansa para sa botohan sa Mayo 9, ayon sa ulat ng Commission on Elections (Comelec) kanina.
Ang data mula sa poll body ay nagsiwalat na may kabuuang 7,236,952 na deactivated na botante at 3,246,262 na pangalan ang tinanggal sa listahan ng mga botante.
Sa bilang, 7,229,493 ang na-deactivate dahil sa kabiguan nilang bumoto sa huling dalawang pambansang halalan, 3,993 ang hindi kasama dahil sa utos ng korte at 2,718 ang idineklara na sira ang ulo o incompetent ng mga awtoridad.
Na-deactivate din ang 536 na botante na nasentensiyahan ng mahigit isang taong pagkakakulong, 134 ang hindi nakapag-validate, 52 ang nawalan ng Filipino citizenship; at 26 na nasentensiyahan dahil sa paggawa ng mga krimen laban sa pambansang seguridad.
Para sa mga tinanggal na botante, 1,490,678 na botante ang lumipat sa ibang lungsod/munisipyo; 892,627 ang double registrants, at 755,769 na ang namatay.
Tinanggal din ang 64,320 na may double entries; at 42,868 na nag-aplay bilang mga botante sa ibang bansa.
Samantala, may kabuuang bilang na 6,950,449 na bagong rehistradong botante habang mayroong 1,520,500 Sangguniang Kabataan (SK) na mga botante, na 18 taong gulang na o sasapit na sa wastong gulang sa Araw ng Halalan, at awtomatikong naisama na sa listahan ng mga botante.
Naglaan ang Department of Agriculture (DA) ng pitong milyong pisong halaga ng tulong para sa mga magsasaka at mangingisda sa Batangas na naapektuhan ng kamakailang pag-aalburuto sa Bulkang Taal kamakailan.
Sa iniulat na Talk to the People na ipinalabas kahapon, sinabi ni DA Assistant Secretary Arnel de Mesa na nakakuha sila ng tulong para sa 1,561 na magsasaka at mangingisda, kung saan ang ilan ay inilikas na mula sa barangay Banyaga at Bilibinwang sa bayan ng Agoncillo.
“Ang ating pong regional offices at ang Bureau of Fisheries and Aquatic Resources (BFAR), naghanda ng PHP7 million na handa po nating ipamigay,” ayon sa kanya.
Kasama sa tulong ang 1,401 bags ng inbred seeds, 500 kilo ng glutinous corn, 250 kgs ng variety ng vegetable seeds, at 1.5 million tilapia at fingerlings.
Ngunit sakaling muling magkaroon ng disruptive eruption, sinabi ng DA na maaari itong maglaan ng hanggang PHP200 milyon bilang karagdagang tulong mula sa quick response fund ng departamento.
Bukod dito, binanggit din ni de Mesa ang iba pang mga programa na may budget na inilabas mula sa Department of Budget and Management (DBM).
“Inilabas na po ng DBM ‘yung ating Rice Farmers Financial Assistance ngayong taon na nagkakahalaga po ng PHP8.9 billion. Ito po ay malaking tulong kung sakaling magpapatuloy ang problema ng Taal Volcano,” dagdag niya.
Nananatili sa Alert Level 3 ang Bulkang Taal mula noong makita ang phreatomagmatic noong Marso 26, na nagsanhi ng malawakang paglikas ng 3,000 residente sa mga kalapit na barangay.
Patuloy na nag-alburuto ang bulkang Taal at kasalukyang nagaganap ang phreatomagmatic burst mula 10:39 am, ayon sa ulat ng National Disaster Risk Reduction and Management Council (NDRRMC).
Ang patuloy na kaguluhan sa Bulkang Taal sa ngayon ay nakaapekto sa 7,237 mamamayan, ayon sa ulat ng National Disaster Risk Reduction and Management Council (NDRRMC) kanina.
Sa pinakahuling ulat ng sitwasyon, sinabi ng ahensya naang nabanggit na bilang ay katumbas ng 2,047 pamilya sa 18 barangay sa lalawigan ng Batangas.
May kabuuang 20 evacuation centers ang kasalukuyang nagsisilbing ng tirahan ng 1,209 pamilya o humigit kumulang na 4,165 mamamayan.
Samantala, 500 pamilya o 1,952 tao ang tinutulungan sa labas habang ang iba ay nakisilong sa kanilang mga kamag-anak at kaibigan.
Mahigit P1.2 milyong halaga ng tulong ang naibigay na sa mga apektadong mamamayan.
Ayon sa datos ng Philippine Institute of Volcanology and Seismology (Phivolcs), sinabi ni Office of Civil Defense (OCD) Assistant Secretary Bernardo Rafaelito Alejandro IV na ang limang high-risk barangay ay ang Banyaga at Bilibinwang sa bayan ng Agoncillo at Boso-Boso, Bugaan East, at Gulod ng bayan ng Laurel.
Nagbabala sa publiko si National Task Force (NTF) Against Covid-19 medical adviser Dr. Ted Herbosa kahapon na huwag maging kampante sa gitna ng pagbaba ng aktibong kaso ng coronavirus sa bansa.
“Huwag nating kakalimutan ibaon ang ating mga face mask, surgical mask at N-95 mask. Tuluy-tuloy pa rin ang recommendation ko na huwag nating alisin iyang recommendation na iyan,” ayon kay Herbosa sa Laging Handa briefing.
Sinabi ni Herbosa na ang kinatatakutang coronavirus ay umiiral pa rin sa bansa, kahit na sa mga lugar na nasa ilalim ng hindi gaanong mahigpit na Alert Level 1 system.
“Ang experience ng ibang bansa na mataas ang vaccination rate, inalis nila lahat ng mga restrictions, iyong hindi pagsuot ng mask, tinanggal nila. Inalis na nila iyong mask then tumataas iyong kaso nila ,” ayon sa kanya.
Sinabi ni Herbosa na kailangan pa ring ipagpatuloy ang pagsunod sa public minimum health standards kahit na tumataas ang coverage ng pagbabakuna.
“Mas maganda iyong mga bakasyon na medyo hindi masyadong risky. So, gamitin natin iyong ating kaalaman at common sense sa dalawang taon na naman nating ginagawa. So, hindi na dapat maiba , even if we are allowed to do family vacation or visiting tourist destination dito sa Pilipinas,” dagdag pa niya.
Nakapagtala ang Pilipinas ng 2,651 bagong kaso mula Marso 23 hanggang 29, mas mababa sa 3,319 na impeksyon mula noong nakaraang linggo.
Ang average na bilang ng mga araw-araw na kaso ay nasa 378, na may isang kaso lamang ang nadagdag sa tally ng malubha at kritikal na mga kaso.
Nanatiling mababa sa 1.61 porsyento ang pinagsama-samang case fatality rate ng bansa habang nasa 97.3 porsyento ang recovery rate.
Kinilala ni San Pablo City Mayor Amben Amante ang mga nakiisa at sumuporta sa tagumpay ng laban sa Covid-19
San Pablo City, Laguna. Pinarangalan ni San Pablo City Mayor Amben Amante, City Health Officer James Lee Ho at City Adminsitrator Vicente B. Amante ang mga tinaguriang “Bayani ng Pandemya” kahapon sa San Pablo City Convention Center, lungsod na ito.
Pinarangalan bilang mga Bayani ng Pandemya at pinasalamatan ang kanilang tulong at suporta sa mass vaccination programs ng San Pablo City ang mga indibidwal, government at non government organization, civic clubs, religious groups, volunteer groups, health frontliners, media at mga private companies.
“Pinasasalamatan ko po ang lahat ng nakiisa sa laban sa lungsod sa Covid-19. Dahil po sa inyong suporta at pakiisa ay naging matagumpay ang mass vaccination sa ating lungsod. Pinasasalamatan ko ang lahat ng Mabuhay ang lahat ng frontliners na isinugal ang kanilang buhay masigurado lamang ang kaligtasan ng kanilang mga kababayan. Kayo po ay mga tunay na bayani.” ayon kay Mayor Amante.
Sinabi naman ni City Health Officer Lee Ho na dahil sa sinsero at marudob na pagtutulungan ng mamamayan ng San Pablo mula sa pinakamataas na opisyal hanggang sa janitor na naglinis ng mga vaccination centers. “Lahat po tayo ay kumilos at gumalaw para sa tagumpay ng ating laban sa Ciovid-19 at ako po ay lubos na nagpapasalamat sa inyong lahat. At malugod ko pong inirereport sa inyo na sa ngayon ay 97.35 na ng total population ng San Pablo ang nakakuha ng first dose at 93.68 na ang may second dose. Ongoing po ang bakunahan natin at patuloy po ang pagsisikap natin na maabot ang 100% na target,” ayon sa kanya.
Sa bukod na panayam, inihayag ni Dr. James na ang San Pablo General Hospital na may 42 na Covid-19 beds na laging nakahanda ay mabilis na naitatag sa pakikipagtulungan nila ni San Pablo City Administrator Vicente B. Amante sa Department of Public Works and Highways. Ang proyekto, ayon sa kanya ay isinagawa noong kasagsagan ng pandemya sa panahong walang ospital na mapagdalhan ng mga pasyenteng may Covid. “Hindi po maatim ni Former Mayor Vic Amante na mamatay ang ating mga kababayan ng hindi nalalapatan ng gamot kaya po minadali namin ang pagtatatag ng mga container isolation wards at ito po ay laging nakahanda sakaling kailanganing muli. Ilalayo, huwag ilalapit, tayo po ay laging nakahanda sakaling magkaroon ng Covid-19 resurge dito sa ating lungsod, At ang lahat ng ito ay nagagawa natin sa pamamagitan ng pagtutulungan ng lahat ng sektor sa ating komunidad,” dagdag pa niya.
“Nagkaisa ang government at private health frontliners sa pamamagitan ni Dr. Lee Ho kung kaya matagumpay nating naisagawa ang pagbabakuna. At ako po ay lubos na natutuwa sa napakagandang pagkakaisa nating lahat na siyang dahilan kung kaya napagwawagian natin ang ating laban sa Covid-19. Nagpapasalamat ako ng taos puso sa lahat,” ayon naman kay Amante sa isang panayam.
Inihayag din ng dating alkalde na muling lumalaban sa mayoralty race sa nabanggit na lungsod na patuloy na pinagbubuti ang mga mahahalagang pasilidad at rapid hospital readiness upang epektibong makatugon sa hamon ng Covid-19.
Kinilala bilang mga Bayani ng Pandemyaang Association of the Barangay Chairman, Barangay Health Workers of San Pablo City, Barangay Nutrition Scholars of San Pablo City, Philippine Red Cross-San Pablo City Chapter, San Pablo City Medical Society, SM City San Pablo, Laguna Provincial Hospital–San Pablo City District Hospital, Community General Hospital of San Pablo City, Inc., Immaculate Conception Hospital of San Pablo City, Inc., Saints Francis and Paul General Hospital, Inc., San Pablo Colleges Medical Center at San Pablo Doctors Hospital.
Ginawaran naman ng certificate of appreciation ang mga sumusunod na media outfit: Balitang San Pablo, The Monday Mail, Bridge Journal Group, Radio Group, Fastruct News, First Hermit Group, Manila Bulletin, Philippine Daily Inquirer, Liwanag Vlogs, Seven Lakes Press Corps, Laguna Courier, The Voice of the People, Journal Group, Herald Group, Tutubi News Magazine, National Press Club, Laguna Press Corps, Monday Times Group, Laguna Express Group, The Morning Chronicle, Parehas Group, Tribune Post, San Pablo Public Forum, Prince Wil Productions, Ang Dyaryo Natin, Laguna Scoop Group, The Barangay Group, Free Times Journal Group, UletLangunense at Laguna Patrol.
Kinilala din ang pakikiisa ng government offices kabilang ang Sangguniang Kabataan Federation of San Pablo, Department of the Interior and Local Government, San Pablo City BJMP, San Pablo City BFP, San Pablo City, Office of the Vice Mayor, City Government of San Pablo Navigators at San Pablo City Police Office.
Ang mga eskwelahan sa lungsod na tumanggap din ng certificate of appreciation ay ang mga sumusunod: San Pablo Central School, Liceo de San Pablo, Canossa College of Nursing, San Pablo Colleges-College of Nursing at ang Pamantasan ng Lungsod ng San Pablo.
Sa hanay ng private companies at civic organization ay kinilala ang Alliance of Public Health Advocates, Philippine Long Distance Telephone Company, SPC HIC Public Registration Service, Rotary Club of San Pablo City, Rotary Club of San Pablo City South, Rotary Club of Silangang San Pablo, Rotary Club of San Pablo City Central, Lens & Threads Digital Works, Unang Ermitanyo Elite Eagles Club, San Pablo City Supreme Eagles Club, Malinaw Masonic Lodge No. 25, San Pablo City Host Lions Club, San Pablo City Emerald Lions Club, 3J Corporation, Department of Education Division of San Pablo, Cathedral Parish of Saint Paul the First Hermit, Smart Communications, Inc. San Pablo City, San Pablo Pediatric Circle, Philippine Obstetrical and Gynecological Society-Southern Tagalog Chapter, San Pablo City Youth Volunteers’ Alliance, Kabataang Boluntaryo ng Lungsod ng San Pablo at ang Junior Chamber International JCI San Pablo 7 Lakes.
Ang City Traffic Management Office, Barangay Affairs, City Information Office, City Population Office at City Disaster Risk Reduction and Management, City Planning and Development Office ay tumanggap din ng certificate of appreciation.
Samantala ilang individual ang kinilalang bilang mga Bayani ng Pandemic kabilang si Dr. James Christian L. Lee Ho, Dr. Divina C. Antonio, MPH, PHSAE, Maria Theresa E. Del Rio, Maureen Ann E. Del Rio, Anthony E. Del Rio, Joseph AldwinSadsad Family, Angelica Faye Alvarez, Dan Lara Almira Lusoc, Justine Espina, Mc Marious Susmerano, Niño Earkim A. Mulimbayan, Jasper Alon, Christian Eneria, Rowelyn Nadine Talavera, Sandy Belarmino at Ruben Taningco.
Kasama ni PCOL Garry C. Alegre, chief of police ng San Pablo Cuty PNP ang ilang mamamahayag na giawaran ng parangal sa ginanap na Bayani ng Pandemya Awards.
Kinilalang Bayani ng Pandemya si San Pablo City Councilor Carmela Acebedo at ang buong team ng Acebedo Covid-19 Disinfection Team na mahigit na dalawang taon na patuloy na nagsasagawa ng disinfection advocacy sa buong lungsod partikular sa mga vaccination sites. Ang mga gastusin sa on call city wide disinfection ay galing sa sariling bulsa ng nabanggit na konsehal. Photo credits: Roy Tomandao
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
