Nangako si Presidential aspirant Bongbong Marcos Jr. na magsusulong ng limang taong termino para sa mga opisyal ng barangay at Sangguniang Kabataan (SK) sakaling manalo siya sa halalan sa Mayo 2022.
Sa kanyang mensahe sa harap ng mga barangay leaders at health workers ng Parañaque City, sinabi ni Marcos na hindi siya pabor sa pagpapaliban ng barangay elections.
“Huwag na tayong extend nang extend, postpone nang postpone, palitan na natin ‘yong batas para ang termino ng barangay official ay limang taon na at three-term limit (Let’s stop postponing and extending, let’s just amend the law so that the term of barangay officials would become five years with a three-term limit),” ayon sa kanya sa kanyang talumpati.
Sinabi ni Marcos Jr. na magbibigay-daan ito sa mga opisyal na magpatuloy at maipatupad nang mas mahusay ang kanilang mga kasalukuyang programa.
Ang barangay ang pinakamaliit na political unit sa bansa kung saan ang mga opisyal ay inihalal sa tatlong taong termino.
Inilatag ni Aksyon Demokratiko presidential bet Francisco “Isko Moreno” Domagoso ang kanyang mga plano para sa mga magsasaka at mangingisda at sa sektor ng agrikultura, sa pangkalahatan, sakaling manalo siya sa halalan sa Mayo 2022.
Sa isang press conference sa kanyang campaign sortie sa Cabanatuan City sa Nueva Ecija noong Biyernes, inihayag ni Domagoso ang ilang konkretong plano para makatulong sa pag-angat ng buhay at kabuhayan ng mga magsasaka sa bansa at kanilang mga pamilya.
Aniya, bukod sa 50 porsiyentong bawas sa excise taxes sa mga produktong langis at kuryente, na makakabawas sa gastusin ng mga magsasaka sa gasolina, pataba, at pestisidyo para sa mas mataas na ani ng pananim, ang kanyang administrasyon ay mamumuhunan sa mga pasilidad ng imbakan para sa ani.
Binanggit niya na isa sa mga dahilan kung bakit siya umiikot at nagsasagawa ng mga pulong sa town hall kasama ang mga magsasaka at iba’t ibang sektor ay gusto niyang personal na marinig mula sa mismong mga magsasaka ang kanilang sitwasyon.
Sa ganitong paraan, sinabi ni Domagoso, maaari niyang gamitin ang mga ito sa paggawa ng patakaran at lumikha ng mga programa at plano na pinakaangkop upang matugunan ang kanilang aktwal na pangangailangan.
Sinabi niya na ang mga magsasaka ng palay na nag-iimbak ng kanilang ani sa mga pasilidad ng imbakan ng gobyerno ay tutulungan din ng mga institusyong pinansyal ng gobyerno sa mga pag utang na walang interes habang naghihintay sila ng mas magandang panahon para ibenta ang kanilang palay.
Ipinaliwanag ni Domagoso na plano niyang pautangin ang mga magsasaka ng 20 porsyento hanggang 50 porsyento ng halaga ng kanilang palay, na maaari nilang bayaran sa oras na maibenta nila ang kanilang ani sa merkado.
Babayaran lamang ng mga magsasaka sa gobyerno ang eksaktong halaga ng kanilang utang.
Sa pamamagitan ng prosesong ito, aniya, makakamit ang sapat na pagkain.
“Kung tangan-tangan natin kasi gumawa tayo ng pasilidad, gumaan ang buhay ng magsasaka, meron na silang storage at dryer, tapos may makukuha pa silang pera na hindi galing sa patubuan, hindi galing sa pahigpitan. With this ecosystem, tingin ko panatag ang pamumuhay ng magsasaka,” ayon sa kanya.
Pangungunahan ni Manila Archbishop Jose Cardinal Advincula ang isang “Misa para sa Pandaigdigang Kapayapaan at Ukraine” mamayang ala singko ng hapon sa intensyon na matapos na ang sigalot sa silangang bansa sa Europa.
Magsisimula ang misa mamayang alas singko ng hapon at manalangin para sa pagbabagong loob ng Russia na nagsimula ng pag-atake noong Pebrero 24, para sa kaligtasan ng lahat ng tao sa dalawang bansa, at para sa mga kaluluwa ng mga namatay sa patuloy na labanan.
Ipapalabas ang misa sa Facebook page ng Our Lady of Fatima Parish.
Ayon sa United Nations, iniulat ng Anadolu Agency noong Sabado na hindi bababa sa 564 na sibilyan ang napatay at 957 ang nasugatan sa Ukraine mula nang magsimula ang digmaan.
Mahigit sa 2.5 milyong katao ang lumikas patungo sa mga kalapit na bansa.
“Hindi pinapasok ng mga tropang Ruso ang aming tulong sa lungsod at patuloy na pinahihirapan ang aming mga tao. Bukas susubukan naming muli, muli na magpadala ng pagkain, tubig, at gamot,” ayon sa pangulo ng Ukraine na si Volodymyr Zelenskyy sa isang video message sa pamamagitan ng Telegram instant messaging service.
Itinatag ng Department of Education (DepEd) ang DepEd Elections Task Force (ETF) Operation and Monitoring Center para tulungan ang mga guro at tauhan ng pampublikong paaralan sa kanilang mga tungkulin sa botohan sa Mayo.
Ang ETF ay isa sa mga inisyatiba ng Departamento upang matulungan ang Commission on Elections (Comelec) at matiyak ang malaya, maayos, tapat, mapayapa, at kapani-paniwalang pambansa at lokal na halalan.
“The ETF will ensure that teachers and personnel are provided with adequate information, and technical and legal assistance in the course of the performance of their duties as members of the Electoral Board. This will also serve as DepEd’s institutional link to volunteer organizations and individuals,” ayon kay DepEd Secretary Leonor Magtolis Briones sa isang news release noong Biyernes.
Itinalaga sina Undersecretary Alain Del Pascua at lawyer Revsee Escobedo ang DepEd ETF Operations and Monitoring Center chair at vice chair, ayon sa DepEd Memorandum No. 10, s. 2022.
Magsasagawa ang DepEd ETF ng central operations sa Bulwagan ng Karunungan sa central office sa Pasig City mula Mayo 8 hanggang 10 mula 1 p.m. hanggang 5 p.m. upang garantiyahan ang pagsunod sa mga utos at tagubilin na may kaugnayan sa mga tungkulin sa halalan.
Bilang karagdagan, lahat ng regional at mga paaralan/lungsod na dibisyon ng opisina ng Departamento ay awtorisado na lumikha ng kanilang mga ETF Operations at Monitoring Center sa parehong iskedyul.
“The regional directors and schools division superintendents are instructed to submit a list of five officials/employees who will compose its ETF, with their respective designation, position, salary grade, DepEd email address, and contact information,” ayon kay Pascua.
Ang pagkakaloob ng honoraria sa mga opisyal at tauhan na magbibigay ng kanilang mga serbisyo sa mga ETF ay sasailalim sa umiiral na mga alituntunin at regulasyon ng Commission on Audit sa paglalabas ng departamento at badyet.
“Payments of overtime pay or grant of compensatory time-off to qualified personnel in the central, regional, and schools/city division offices who will compose the DepEd ETF are authorized, subject to the availability of funds and existing auditing rules and regulations, as well as the pertinent Civil Service laws,” dagdag pa ni Pascua.
Dumadanas ngayon ng uhaw, gutom at ginaw ang 430,000 na sibilyan na naipit sa Mariupol habang hindi makapasok ang tulong na tubig, pagkain at gamot dahil sa walang tigil na pambobomba ng Russia sa nabanggit na siyudad.
Ang mga desperadong Ukrainians ay nagsimula ng mag away away para sa pagkain at nagnanakaw na sa mga botika. Ang kasalukuyang sitwasyon sa kinubkob na port ng Mariupol ay “lalong nging kalunos lunos” ayon sa babala ng isang opisyal ng Red Cross noong Huwebes.
Binayo ng bomba ng mga pwersa ng Russia ang Ukrainian port city ng Mariupol kahapon, pinaulanan ng bala ang downtown nito habang nagtatago ang mga residente sa isang iconic na mosque at sa ibang lugar upang makaiwas sa mga bomba. Naganap din ang labanan sa labas ng kabiserang Kyiv, habang patuloy ang pambobomba ng Russia sa ibang mga lungsod sa buong Ukraine.
Tiniis ng Mariupol ang ilan sa pinakamasamang parusa sa Ukraine mula nang sumalakay ang Russia. Ang walang tigil na mga barrage ay humadlang sa paulit-ulit na pagtatangka na magdala ng pagkain, tubig at gamot sa lungsod kung saan ay may naipit na 430,000 sibilyan. Mahigit sa 1,500 katao ang namatay sa Mariupol sa panahon ng pagkubkob, ayon sa opisina ng alkalde, at naabala pa nga ang mga pagsisikap na ilibing ang mga patay sa mass graves.
Nabigo ang mga pag-uusap na naglalayong muling maabot ang ceasefire kahapon, Samantala, sinabi ng U.S. ang mga plano nitong magbigay ng isa pang $200 milyon sa Ukraine para sa mga armas. Nagbabala ang isang senior diplomat ng Russia na maaaring atakihin ng Moscow ang mga deliverty ng military equipment.
Tumutugon ang Red Cross sa mga pinaka-kagyat na pangangailangan sa Mariupol. Sa Mariupol, ang International Committee of the Red Cross (ICRC) ay namahagi ng mga pagkain at mga hygiene items sa mahigit sa 4,000 mga taong naninirahan sa mga shelter. Sinabi ng ICRC na nakita nila ang pagtaas ng away sa mga kalye sa Mariupol, na nagsasabing: “The situation is incredibly tense, dangerous and distressing for people. We see that many people have no water, electricity, and minimal phone connectivity.”
Bihira pa ang kaso ng deltacron, ayon kay Dr. Maria Van Kerkhove, technical lead ng WHO forCOVID-19, na naiulat na may mga kaso sa Denmark, France at Netherlands.
Habang isinusulat ang balitang ito ay 17 na kaso nito ang natukoy sa mga pasyente.
Dahil maraming insidente ang hindi pa nakukumpirma, masyado pang maaga upang malaman kung paano naililipat ang mga impeksyon ng deltacron o kung magdudulot ito ng malubhang sakit, ayon kay Philippe Colson, isang mananaliksik na nag-publish ng isang ulat tungkol sa tatlong kaso ng deltacron sa France, sa Reuters.
Ang mga pasyente na inilarawan sa nabanggit na ulat ay nahawahan ng isang strain na pinagsasama ang spike protein mula sa isang variant ng omicron sa “katawan” ng delta variant.
Sa isang tweet noong nakaraang linggo, ipinaliwanag ni Van Kerkhove ang posibilidad ng isang delta at omicron recombinant virus ay dapat asahan dahil sa “matinding sirkulasyon” ng parehong mga variant.
Sinabi ng opisyal ng kalusugan ng WHO na mayroong “mahusay na pagsubaybay ang isinasagawa sa maraming bansa sa ngayon,” at “dahil sa dami ng mga pagbabago at mutasyon sa loob ng omicron, mas madali para sa mga mananaliksik, siyentipiko, propesyonal sa kalusugan ng publiko, mga taong nag-aaral ng genome para ma-detect ang mga recombinant na ito.”
Sinasabi ng mga eksperto na masyadong maaga para mag-alala tungkol sa deltacron.
“Ito ay maituturing lamang na isang variant lamang kung ito ay nagsasanhi na ng malaking bilang ng mga kaso,” ayon kay William Hanage, isang epidemiologist sa Harvard T.H. Chan School of Public Health. “So no, if it’s not causing lots of cases, people don’t need to be concerned.”
Walang pagbabago sa kalubhaan ang naiulat, ayon sa WHO at maraming pag aaral ang isinasagawa upang matuto nang higit pa tungkol sa nabanggit na variant.
Samantala, noong Marso 10 ay nakakita ang Cyprus ng bagong variant na “Deltacron.” Ang bagong variant, ayon sa kanila ay may katulad na genetic na background sa Delta variant, kasama ng 10 mutasyon mula sa Omicron. Dalawamput limang tao ang naapektuhan na ng variant sa Cyprus, ayon sa report.
Habang pinahihintulutan na ang full seating capacity sa mga unibersidad sa mga lugar sa ilalim ng Alert Level 1, sinabi ng Commission on Higher Education (CHED) na ang mga administrador ng paaralan ang magpapasya na limitahan ang dami ng mga estudyanteng papasok sa mga personal na klase.
Pinahintulutan ng Inter-Agency Task Force, sa pamamagitan ng Resolution No. 164, ang mga fully vaccinated na mga estudyante at guro na dumalo sa limitadong face-to-face na klase para sa mga higher educational institutions (HEIs) sa mga lugar na nasa ilalim ng Alert Level 1.
“Kahit na 100 percent ang allowed na capacity, kung sa palagay ng mga pamantasan ay mas maganda ‘yung sistema na mas konti ‘yung papapasukin at gagawing salit-salit ang klase, pinapa-ubaya natin ‘yan sa mga pamantasan na sila ang gagawa nito dahil sila ang nakakaalam sa kalagayan sa kanilang mga lugar ,” ayon kay CHED chair Prospero de Vera III sa Laging Handa briefing kanina.
Sinabi niya na ang mga hindi nabakunahan na mga mag-aaral ay maaari magpatuloy sa pagpasok sa mga klase ngunit sa isang virtual na setting habang pinapanatili ng CHED ang flexible learning policy, kung saan ang HEI ay nagpapasya sa harapan, online o magkakahalo na pamamaraan.
Para sa mga personal na klase, hindi na kailangan ng HEI na kumuha ng awtorisasyon mula sa CHED ngunit dapat kunin ang self-assessment checklist upang matiyak ang kanilang kahandaan.
Kabilang sa mga item sa listahan ay ang pagtatatag ng crisis management committee, contact tracing at quarantine protocols, at engineering controls para sa physical distancing at sapat na bentilasyon.
Sinabi ni De Vera na ang mga paaralan ay maaaring sumangguni sa CHED o sa kanilang lokal na pamahalaan para sa tulong teknikal sa Covid-proofing sa kanilang mga pasilidad.
“Tingnan ‘yung guidelines, ‘yung listahan at mag-comply doon at mag-konsulta rin sa kanilang local government dahil hindi naman lahat ng lugar sa Pilipinas ay Alert Level 1,” ayon sa kanya.
Mahigit 300 unibersidad ang muling nagbukas para sa harapang klase noong nakaraang taon ngunit ang ilan ay napilitang ,uling magsara noong Enero 2022.
Sa pagpapagaan ng mga paghihigpit, inaasahan ni De Vera na tataas ang bilang ng mga eskwelahan at unibersidad ang magbubukas sa unang semestre ng Academic Year 2022-2023.
Ang mga plastic campaign materials na ginagamit ng mga kandidato para sa May 9 elections ay maaaring i-recycle ng mga planta ng semento, isang hakbang na makakatulong na mabawasan ang solid waste generation ng bansa ng hindi bababa sa 40 porsyento.
Kaya naman hinimok ng Department of Environment and Natural Resources-Environmental Management Bureau (DENR-EMB) ang mga gumagawa ng semento na tuklasin ang mga paraan upang magamit ang mga basurang plastik bilang raw materials at binanggit na ilang mga kumpanya ng semento ang nagpatibay na ng environment-friendly conversion.
“When all these cement plants will participate, we can dramatically reduce the volume of plastic waste which will be now regarded as raw materials of the cement plants in their current processing.This measure will reduce by 40 to 60 percent the volume of plastic waste,” ayon kay DENR-EMB Director William Cuñado sa isang news release kanina.
Sinabi ni Cuñado na ang partisipasyon ng mga local government units sa pamamagitan ng kanilang solid waste management efforts ay makakatulong sa pagbaba ng plastic waste volume.
Ayon kay DENR Undersecretary for Policy, Planning and International Affairs at tagapagsalita, abogadong si Jonas Leones, ang mga tarpaulin tulad ng ginagamit ng mga kandidato ay maaaring tunawin upang makagawa ng iba pang produkto mula sa mga plastik.
“We are supporting the principle of circular economy and extended producer responsibility or EPR. For us, we are just preparing the policy that would hopefully give incentives to the industries for them to avoid using single-use plastics,’ ayon kay Leones.
Kapansin-pansin ang degassing o paglabas ng usok sa main crater ng Taal Volcano ay at mas aktibo ito nitong mga nakaraang araw, ayon sa ulat ng Philippine Institute of Volcanology and Seismology (Phivolcs) kahapon.
Sa isang Facebook post, sinabi ng Phivolcs na tumataas ang sulfur dioxide (SO2) emission ng Taal Volcano mula noong Marso 6, na umaabot sa 15,900 tonelada noong Marso 9.
Ang Alert Level 2 (increased unrest) ay pinananatili sa Bulkang Taal, na nangangahulugan na ang biglaang singaw o gas-driven na pagsabog, pagyanig ng bulkan, maliit na ashfall at nakamamatay na pagpapatalsik ng volcanic gas ay maaaring mangyari at nagbabanta sa mga lugar sa loob at paligid ng Taal Volcano Island (TVI).
Sa nakalipas na 24 na oras, nakapagtala ang Phivolcs ng walong volcanic earthquakes, kabilang ang apat na volcanic tremor events na may tagal na 2 hanggang 8 minuto, at tatlong low-frequency volcanic earthquakes.
Ang mga volcanic earthquakes ay sanhi ng paggalaw o pagsabog ng magma mula sa bulkan.
Ang pagtaas ng maiinit na likido ng bulkan sa lawa nito ay nakabuo ng mga plum na may taas na 1,200 metro.
Pinaalalahanan ng Phivolcs ang publiko na ang pagpasok sa TVI, ang permanenteng danger zone ng Taal, ay dapat na mahigpit na ipagbawal lalo na sa paligid ng main crater, Daang Kastila fissure.
Pinapayuhan ang mga opisyal ng lokal na pamahalaan na patuloy na suriin at palakasin ang kahandaan ng mga naunang lumikas na barangay sa paligid ng Taal Lake sakaling magkaroon ng panibagong kaguluhan na sanhi ng paglikas.
Naging aktibo ang social media nitong mga huling araw tungkol sa mga balita na sinabi ng mga scientist sa Cyprus na nakakita sila ng bagong hybrid na variant ng SARS-CoV-2. Pinangalanan itong Deltacron, kumbinasyon ng mga variant ng Delta at Omicron.
Gayunpaman, ang ibang mga eksperto ay nagtanong kung ito ba ay tunay na isang bagong variant, at nagmumungkahi maaaring resulta ito ng kontaminasyon sa mga testing sa laboratoryo.
Samantala, nagbabala ang World Health Organization (WHO) noong Miyerkules na ang recombinant virus ng mga variant ng Delta-Omicron ay maaaring kumalat matapos itong matukoy sa ilang lugar sa France.
Ang mga viral genome na may katulad na profile ay naiulat din na natukoy sa Denmark at Netherlands.
Kaugnay nito, sinabi ni Presidential Adviser on Covid-19 Response, Secretary Vince Dizon na laging handa ang Pilipinas sa paglitaw ng anumang variant ng coronavirus disease 2019 (Covid-19).
Hindi pa dominant variant of concern sa Pilipinas ang deltacron ngunit handa ang bansa, ayon kay Dizon kahapon.
“We’ll be ready for anything. But I think what the experts have also said is the so-called Deltacron is not new. It’s actually been there. I think the first cases were detected around December last year,” ayon sa kanya sa isang media interview sa Baguio City.
Sinabi ng WHO infectious disease epidemiologist na si Maria Van Kerkhove sa isang press conference kamakailan na walang mga pagbabagong naobserbahan sa kalubhaan at transmissibility nito ngunit maraming pag-aaral ang isinasagawa.
Pagkatapos ng mga nakaraang karanasan sa mga variant, kabilang ang napakabilis na naililipat na Delta at Omicron, tiwala si Dizon na mapamamahalaan ng bansa ang epekto ng Deltacron.
“Nakita naman natin, ilan na bang variant ang pumasok sa atin? Nasa lima na? So kahit papaano naman nakaraos tayo (We’ve seen that, with how many variants we had in the country, five? So we survived it somehow) We will be ready for it if it comes,” ayon sa kanya.
Inulit ni Dizon ang bisa ng mga bakuna laban sa anumang variant ng coronavirus, na dapat samahan ng patuloy na pagsunod sa minimum public health standards.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
