Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 730

Inagurasyon ni Marcos nakatakdang idaos sa National Museum sa Hunyo 30

Carlo Juancho Funtanilla
-
0
Inagurasyon ni Marcos nakatakdang idaos sa National Museum sa Hunyo 30

Pinili ng kampo ni president-elect Ferdinand “Bongbong” Marcos Jr. ang National Museum of the Philippines sa Maynila bilang venue para sa kanyang inagurasyon bilang ika-17 chief executive ng bansa sa Hunyo 30.

Ang Pambansang Museo, pagkatapos na siyasatin ng  inaugural committee ni Marcos, ay nakitang “angkop” na lugar para sa panunumpa ni Marcos, ayon kay Presidential Management Staff (PMS) secretary-designate Zenaida “Naida” Angping.

Sinabi ni Angping na ang mga paghahanda ay isinasagawa na upang matiyak ang maayos na inagurasyon ni Marcos.

“Ang National Museum of (the) Philippines building at ang mga nakapaligid na lugar nito ay tumutugma sa aming mga pangangalangan para sa inagurasyon ni President-elect Marcos. Puspusan na ang preparasyon para matiyak na ito ay handa na,” ayon sa kanya sa isang press statement.

Ang Pambansang Museo, na dating kilala bilang Old Legislative Building, ay nagsilbing venue para sa inagurasyon ng mga dating pangulong Manuel L. Quezon (1935), Jose P. Laurel (1943), at Manuel Roxas (1946).

Isa ito sa tatlong makasaysayang mga lugar na naunang itinuturing ng kampo ni Marcos bilang posibleng mga lugar ng pagpapasinaya.

Ang dalawa pa ay ang Quirino Grandstand at Fort Santiago.

Ang Quirino Grandstand ay kung saan idinaos ng ama at kapangalan ni Marcos, ang yumaong pangulong Ferdinand Marcos Sr., ang kanyang inagurasyon bilang ika-10 pangulo ng bansa noong 1965.

Sinabi ni Angping na hindi napili ang Quirino Grandstand bilang venue para sa inagurasyon ni Marcos dahil napansin ng ocular inspection team na napaliligiran ito ng ilang field hospitals na tumulong sa mga indibidwal na infected ng Covid-19. (PNA)

2.4K doses ng reformulated Pfizer vax dumating sa PH

Venus L Peñaflor
-
0
2.4K doses ng reformulated Pfizer vax dumating sa PH

Dumating sa bansa kagabi ang karagdagang 2,400 na dosis ng Pfizer vaccine na nakuha sa pamamagitan ng World Bank, para sa mga batang edad na 5 hanggang 11.

Inihatid ang kargamento sa pamamagitan ng Air Hong Kong flight LD456 bandang 8:37 p.m. kagabi sa Ninoy Aquino International Airport Terminal 3.

Batay sa dashboard ng pagbabakuna sa Covid-19 ng Department of Health (DOH), nakapagbigay na ang bansa ng 152,012,792 doses. Sa bilang na ito, 128,285 ang naibigay noong Hunyo 1.

Lumabas sa datos ng DOH na 70,917,708 ng populasyon ang nakakumpleto ng pagbabakuna, habang 66,897,882 ang nakatanggap ng unang dosis.

Hindi bababa sa 14,197,202 booster doses ang naibigay noong Hunyo 1.

Ang bansa ay bumili at tumatanggap ng mga bakuna na ginawa ng iba’t ibang manufacturer. Kasama sa mga ibinibigay na bakuna ang Pfizer, Moderna, Johnson&Johnson, Sinovac, AstraZeneca, Sputnik V, Sputnik Light, at Sinopharm.

Nauna rito, sinabi ni National Task Force (NTF) Deputy Chief Implementer Vivencio Dizon na ang Prevent, Detect, Isolation, Treat, Reintegrate and Vaccinate na diskarte ay nakatulong sa pamahalaan na mapigilan at mabawasan ang pagkalat ng virus sa pamamagitan ng pagpapaliit ng health risks nito.

P544-M halaga ng shabu nasabat sa Cavite ops, 5 arestado

Kevin Pamatmat
-
0
P544-M halaga ng shabu nasabat sa Cavite ops, 5 arestado

Dasmariñas City, Cavite. Inaresto ng mga anti-narcotics operatives ang limang drug suspect at nasamsam mula sa kanila ang hinihinalang shabu na may tinatayang street value na PHP544 milyon sa magkahiwalay na buy-bust operation sa Cavite noong nakaraang Huwebes, ayon sa mga opisyal ng Philippine Drug Enforcement Agency (PDEA).

Sinabi ni PDEA spokesperson Derrick Carreon na dalawa sa lima, na kinilalang sina Dominador Robasto Omega Jr. at Siegfred Omega Garcia, ay inaresto bansang alas-8 ng umaga sa nabanggit na lungsod.

Narekober ng mga operatiba ng PDEA at Philippine National Police (PNP) ang 60 kg. ng hinihinalang shabu na tinatayang nasa P408 milyon ang street value, butane stove, kagamitan sa pagluluto, galon ng hindi kilalang kemikal, hugis-parihaba na plastic container na may puting crystalline substance, air purifier (ginagamit para sa pagtatago), iba’t ibang drug paraphernalia, cellphone, at mga identification card .

Kakasuhan ang dalawa ng paglabag sa Comprehensive Dangerous Drugs Act of 2002 habang dinala sa PDEA ang mga ebidensya na nakuha sa operasyon para sa dokumentasyon.

Sa isa pang bukod na operasyon, nakuha ng mga awtoridad ang 20 kg. ng hinihinalang shabu na tinatayang nasa P136 milyon ang street value mula kina Elaine Maningas, Ricardo Santillan, at Laurel de la Rosa sa General Trias, Cavite bandang alas-8 ng umaga noong Huwebes.

Nasamsam din ang PHP1,000 bill na ginamit bilang boodle money, apat na android phone, dalawang analog phone, at identification card.

Himbabao: Isang katutubong gulay na masarap at masustansya

Joel Frago
-
0
Himbabao: Isang katutubong gulay na masarap at masustansya

Mapalad ang mga batang lumaki sa probinsya kaysa sa mga nasa siyudad dahil kahit mga munti pa sila ay alam nila kung saan galing ang mga gulay at mga prutas na kinakain nila sa araw araw. 

Isa sa gustong gusto kong balikan na naalala ay ang bulaklak ng Himbabao o Alukong na hindi kilala ng marami. Madami nito sa Batangas at Quezon. Pero sa Northern Luzon ay kilalang kilala ito at may kanya kanyang katawagan sa bawat bayan. 

Dito sa ating sa katagalugan ay tinatawag natin itong himbabao. Sa Ilocos, ang tawag dito ay Bungon, o Alukon at mas kilala sa tawag na Ba-eg. Sa Isabela ay Alibabag, babayan sa Bataan, sa Aurora ay Ba-og, Aplit sa Kapangpangan at maraming iba pang tawag dito. 

Kung gaano kadami ang tawag dito ay ganoon din karami ang lutong pwedeng gawin sa Himbabao o Alukon. Isinasangkap ito sa pinakbet at dinengdeng na may Bagoong na halubaybay o  Buridibod.Inilalagay din ito sa Munggo. May mga nagsasabi na masarap din  itog ilahok sa sinigang na isda or ginisa sa kamatis na may sinangag na dilis. Sa katagalugan ay napakasarap nito sa bulanglang na may puso ng saging, papaya, dilis,kamatis at kaunting luya. Naku, panalo na pag ito ang ulam. Pwede rin itong lutuin sa may oyster sauce at tufo. Ok din sa inamatisan na ka may kasamang dilis, 

Ang himbabao or alucon ay itinuturing na wild food plants. Ang kakaibang gulay na ito ay may scientific name na tinatawag na Broussonetia luzonica. Kilala ito sa ibang bansa na Birch flowers. Tumataas ang puno nito ng hanggang 15 meters a,t tumataba ang puno ng hanggang 30 centimeters. Namumulaklak  ito kahit maliit pa ang puno. Mahaba at matutulis na parang pancit ang korte ng bunga nito. Sa aking karanasan isang beses isang taon lang ito namumulaklak at kada summer lang. 

May lalaki at babaeng himbabao. Ang babaeng puno  ay bilog ang bulaklak na may buto. Kalimitan ay may parang kaliskis na kulay berde na pahaba na tinatawag ng mga Ilokano na mild spinach. Samantalang ang male flowers na tinatawag na catkins ay twisted at curved tubes na yellowish white na green din pero kalimitan ang haba ay 10 centimeters lamang. 

Pinararami ito sa pamamagitan ng cuttings, o ng marcotting. Pwede din ang  air layering and inarching.

Subukan nating magtanim ng Himbabao o Alukon sa ating bakuran dahil hindi lang sustansyang ang benepisyo nito kundi puno na nagbibigay ng malinis na hangin at sapat na oxygen na kailangan ng mga tao. Ang puno nito ay may mahalagang tungkulin sa agro-ecosystem dahil ang makapal na mga dahon nito ay epektibong humaharang sa araw kaya ginagawa itong magandang lilim ng mga halaman para sa abaca at iba pang katulad na pananim.

Nanalo si Johnny Depp sa kaso ng paninirang-puri laban sa kanyang dating asawang si Amber Heard

Paraluman P. Funtanilla
-
0
Nanalo si Johnny Depp sa kaso ng paninirang-puri laban sa kanyang dating asawang si Amber Heard

Nanalo si Johnny Depp sa kaso ng libel laban sa kanyang dating asawang si Amber Heard at napatunayan ng isang hurado sa US na ang aktres na si Heard ay nagpakalat ng paninirang-puri ng diumano ay pang-aabuso laban sa kanyang dating asawang si Depp.

Ginawaran si Depp ng hurado ng $15 milyon bilang danyos at karagdagang $10 milyon bilang compensatory damages at $5 milyon bilang punitive damages sa paninirang-puri. Ginawaran din ng hurado si Heard ng $2 milyon bilang compensatory damages.

Batay sa hatol ng hurado, ang isang artikulo na lumabas noong 2018 na isinulat ni Heard tungkol sa “sexual harassment” na diumano ay dinanas niya ay mapanirang-puri kay Depp ay isinulat ito na may malisyosong layunin. Dahil dito ay napatunayang nagkasala siya ng libel.

Tulsa Police: 4 ang patay, kabilang ang gunman matapos ang pamamaril sa isang ospital

EDGARDO HERNAL
-
0
Tulsa Police: 4 ang patay, kabilang ang gunman matapos ang pamamaril sa isang ospital

Maraming tao ang binaril at ang pinaghihinalaang gunman ay “patay” din pagkatapos ng isang active shooter incident kanina sa Tulsa, Oklahoma, ayon kay Tulsa Police Capt. Richard Meulenberg.

Sinabi ng Tulsa Police Department na nag responde sa Natalie Medical Building sa gitna ng mga ulat ng isang lalaking may rifle. 

“Naging aktibong sitwasyon ito,”ayon sa departamento. Patay na ang gunman at sinisiyasat ng mga pulis ang bawat silid ng gusali. 

Wala pang malinaw na balita sa pagkamatay ng suspek. Ang mga biktima ay ginagamot ng mga bumbero. Ginagamot ng mga bumbero ang mga biktima ngunit hindi sinabi ang kalagayan ng natamong mga pinsala.

“We can confirm 4 people are deceased, including the shooter, in the active shooting situation at St. Francis hospital campus. Officers are still clearing the building,” ayon sa Tulsa police spokesperson sa social media.

Ang Natalie Medical Building ay pangunahing ginagamit para sa sports medicine at orthopaedic surgery.

Ang mga kaanak ng biktima ay inutusan ng pulisya na pumunta sa Memorial High School. Hinihiling ng mga awtoridad sa mga tao na iwasan ang lugar na pinangyarihan ng insidente.

Natalie Medical Building sa Tulsa, Oklahoma. Patay ang isang pinaghihinalaang shooter kasama ng hindi bababa sa 3 iba pang mga tao sa isang aktibong insidente ng pamamaril kanina, ayon sa  pulisya. Photo credits: Tulsa Police Department

2 high value targets arestado sa Quezon; Php 1.5M na shabu nakumpiska

Kevin Pamatmat
-
0
2 high value targets arestado sa Quezon; Php 1.5M na shabu nakumpiska

Lucena City, Quezon.  Arestado ang isang babae at isang lalaking itinuturing na high value targets sa lungsod na ito at nakumpiska sa kanila ang tinatayang Php1,564.476.00 na halaga ng hinihinalang shabu.

Nahulog sa mga kamay ng  batas kahapon sa Purok Maligaya, Barangay 5, Lucena City si Suzette Sumayang Parto, 29 anyos at Alvin Pera Abellera, 28 anyos, pawang residente ng nabanggit na lungsod sa ilalim ng buy-bust operations ng Intel/Drug Enforcement Unit ng Lucena City Police Station sa pangunguna ni team leader PLT Jeromer R. Ubaldo ll at sa direktang pangangasiwa ni PLTCOL Reynaldo P. Reyes.

Nakuha sa dalawang nabanggit na suspek ang 76.69 gramo ng hinihinalang shabu at isang baril na isang unit cal. 9mm Glock 17 gen.4 at mga bala.

Kasalukuyang nasa custodial facility ng Lucena City Police Station ang mga inaresto at nakatakdang humatrap sa kasong paglabag sa Sec 5 & 11, Art II ng RA 9165 (Possession & Selling of Dangerous Drugs) at RA 10591 (Comprehensive Firearms and Ammunition Regulation Act) kaugnay ng COMELEC Resolution Nr. 10728 (Omnibus Election Code).

Naniniwala ang mga awtoridad na ang pagdakip sa mga suspek ay lilikha ng isa pang malawakang pagbagsak ng supply ng iligal na droga sa nabanggit na lungsod. 

Misis, pinatay sa baril sa harap ni mister

Arman B. Cambe
-
0
Misis, pinatay sa baril sa harap ni mister

Calauag, Quezon. Patay ang isang misis matapos barilin ng dalawang beses sa ulo ng hindi pa nakikilalang suspek sa harap ng kanyang asawa sa bayang ito, noong Linggo ng madaling-araw.

Kinilala ni PMAJ Reynaldo C. Panebe Jr., hepe ng Calauag Municipal Police Station, ang biktima na si Marilou Recentes, 55-anyos, residente ng Sitio Tinambolan, Brgy. Pinagsakayan, Calauag, Quezon.

Ligtas at hindi sinaktan ng suspek ang asawa ng biktima na si Andres Racentes.

Batay sa paunang imbestigasyon ng pulisya, nagsasampay ng nilabhang damit ang biktima ng dumating ang suspek at nakiusap na makiki kape, bandang alas-5:30 ng madaling-araw.

Ayon sa salaysay ni Andres, dinulutan nila ng kape ang suspek ngunit hindi pa nakakahigop nga kapeay nagsabi ito mg: “dapa kayo para walang masaktan!”

Habang nakadapa ang mag-asawa, inilabas ng suspek ang baril mula sa kanyang sling bag at binaril ng dalawang beses sa ulo si Marilou at saka nagmamadaling tumakas.

Inaalam pa ng mga awtoridad ang motibo sa krimen at tinitingnan nila ang anggulo ng usapin sa lupa na isang posibilidad, ayon kay PCol Joel Villanueva, direktor ng Quezon Police Provincial Office.

Paano maisasantabi ang pulitika kung naisasalokal ito?

Venus L Peñaflor
-
0
Paano maisasantabi ang pulitika kung naisasalokal ito?

Localized ang lahat ng pulitika, ayon sa konseptong pulitikal na laganap sa buong daigdig. Kung naisasalokal ang pulitika, ibig sabihin pala ay hindi maisasantabi ito. Pero bakit gayon na lamang ang panawagan sa bawat sulok ng Pilipinas na “isantabi na natin ang pulitika” lalo kung may papatapos na pamunuan at may papasok na bago?

Hindi na bago ang pagkukunwari, kaya’t sa tingin ko, nagkaka lokohan na lang kung may panig – kalimita’y parti-partido – na nagsasabing naisantabi na nila ang pulitika at meron na silang pakikipagkaisa sa ibang panig. Sunod na sasabihin, nagkakaisa na sila sa iisang layunin at iyon ay ang mapabuti ang kalagayan ng bayan, lungsod, lalawigan, o bansa.

Mahirap itong paniwalaan.

We can set aside differences, but not politics. Parang ang dating ng “pagsasantabi” ng pulitika ay makatutugon ito sa pagsasaayos ng mga lider ng mga gusot at maling kalakaran. Malabo ang layunin, at lalong malabo ang katuparan nito. Unang una, lahat ng konsepto ng pulitika ay maganda. Umiikot ang mga konsepto nito sa gawain ng pamahalaan, pagbabahagi ng kapangyarihan, pagtutuos ng palakad ng institusyong pampubliko, at ang pagsukli sa tiwala ng taumbayan. Kung gayon, ano pa ang isasantabi kung maganda naman ang bunga ng pulitika? Malinaw na ang pagkakaiba-iba ng paniniwala, ng layunin, ng mga pamamalakad at ng mga namamalakad ang maaaring isantabi. Mahirap ngunit posibleng maisantabi: ang pagkakaiba-iba.

Tao lang ang nagparumi (nagpaparumi) sa pulitika. Damay ang pulitika sa dumi ng isip. Inggitan at hilahan pababa. Tulungan sa lahat ng bagay pati kalokohan. Siraan, bait-baitan, at pagkukuntsabahan. Panahon na upang ibalik sa tamang konseptwalisasyon ang ating pagkamamamayan at pagsasabansa (nation-building). Pulitika ang kailangan. Bilang katunayan, may pulitika dati, ngayon, at magpakailanman. Sa malawak na pagtingin lalo na sa labas ng bansa, ang Pilipinas ay isang estado. Binubuo ang estado ng mga mamamayan, pamahalaan, teritoryo, at soberanya, kaya ang tanong ay: Meron naman – kumpleto naman – tayo sa apat na elemento ng estado, kung bakit hirap tayong isaalang-alang ang kapakanan ng Inang Bayan? Bakit ang pag-unlad ng Pilipinas ay nasusukat lamang sa paglago ng ekonomiya sa papel, ngunit ang naturang paglago ay hindi ramdam ng lahat at patuloy na may nalulugmok sa kahirapan?

Hindi naman ibig sabihin ay wala nang pag-asa ang bansa, ang lalawigan, ang bayan/lungsod, o ang barangay. Hindi naman ibig sabihin, wala tayong inunlad. Nataon lang na may bahaging tumatanda tayo at ang bansa natin ng paurong. Mayroong pag-unlad, mayroon ding underdevelopment. Nakatatamo ng katarungan ang ilan, at meron pa ring naghahanap ng katarungan samantalang ang iba sa kanila’y nawawalan na ng pag-asang darating pa ang katarungang hinahanap-hanap nila. Tumatanda na tayo, gayundin ang bansa. Huwag nating hayaang tumanda ng paurong ang ating kaisipan. Isama sa ating pamana ang tamang pag-iisip sa pulitika. Magtulong-tulong tayo sa kaayusan at angkop na trato sa pulitika.

Rapid response team ng DFA, tutulungan ang mga Pinoy sa Sri Lanka

EDGARDO HERNAL
-
0
Rapid response team ng DFA, tutulungan ang mga Pinoy sa Sri Lanka

Bumuo ng rapid response team ang Department of Foreign Affairs (DFA) upang tulungan ang mga Pilipinong humihingi ng saklolo upang makauwi mula sa Sri Lanka na kasalukuyang dumaranas ng matinding krisis sa ekonomiya ngayon, ayon Foreign Affairs Undersecretary Sarah Lou Arriola kahapon.

Sa isang briefing ng Laging Handa, sinabi ni Arriola na hindi bababa sa 25 sa 492 na mga Pilipino sa Sri Lanka ang naapektuhan ng krisis ang humiling na mapauwi. Siyam sa kanila ay mga anak ng mga Pilipinong kasal sa mga Sri Lankan.

Darating sa Bangladesh ang isang team mula sa Philippine Embassy sa Hunyo 2 na susundan ng pagdating ng mga tauhan ng DFA mula sa home office sa susunod na linggo.

Upang makapagbigay ng agarang tulong, maglalaan ang DFA ng hindi bababa sa USD300 na tulong pinansyal sa bawat Pilipinong nangangailangan.

“We stand ready to bring them home,” ayon kay Ariola.

Sa gitna ng krisis sa ekonomiya ng bansa sa Colombo, Sri Lanka, ang mga tao ay nag aagawan sa isang pakete ng mga biskwit mula sa isang libreng distributor, habang nakapila para bumili ng kerosene malapit sa isang istasyon ng gasolinahan na Ceylon Petroleum Corporation. Photo Credits: Dinuka Liyanawatte. The Hindu Business Line
1...729730731...860Page 730 of 860




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3697World News3623Asia1693Curiosity1121War Reports and Updates721

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved