Tutulak patungong Taiwan ang humigit kumulang na 5,000 Overseas Filipino Workers (OFW) sa darating na linggo sa muling pagbubukas ng border sa ilang bansa sa Pebrero 15, ayon sa Philippine Overseas Employment Administration (POEA) kahapon.
Sinabi ni POEA Deputy Administrator Villamor Plan na ang 5,000 na manggagawa ay ang mga hawak ng visa na bago ang ibaba ang deployment ban na ipinataw ng Taiwan noong nakaraang taon.
“When it comes to the number of OFWs that we can send there, it is estimated to be about 40,000. But as of now, we already have about 5,000 workers leaving,” ayon sa kanya sa Laging Handa public briefing.
Noong Mayo 2021, isinara ng Taiwan ang mga border nito sa sinumang walang citizenship o alien residency certificate.
Inanunsyo ng Central Epidemic Command Center (CECC) ng Taiwan noong Pebrero 7 ang susunod na yugto ng pagpapapasok sa mga fully vaccinated na migrant workers mula sa Pilipinas, Vietnam, Indonesia, at Thailand na makapasok sa Taiwan.
Pinaalalahanan din ni Plan ang mga OFW na ang mga gastos na may kinalaman sa protocol ay sasagutin ng employer o ng recruitment agencies.
Ang mga migranteng manggagawa ay dapat magkuwarentina sa loob ng 14 na araw at manatili sa iisang hotel para sa isa pang pitong araw ng self-health monitoring bago pumunta sa kanilang mga lugar ng trabaho.
Sinabi ni Chen Shih-chun, pinuno ng CECC, sa Taiwan News na ang quarantine para sa mga manlalakbay sa ibang bansa ay hindi paiikliin hanggang wala pang booster dose ang 50 porsyento ng kanilang mamamayan na inaasahan maaabot sa Marso.
Kaugnay nito, iniulat ni Plan na maraming bansa ang gustong kumuha ng manggagawang Pilipino, partikular sa health sector.
“There are many demands but we have to consider also our personal demands here so we still have a little bit of deployment cap to follow. We can only deploy up to 7,000 healthcare workers,” dagdag pa niya.
Pagsanjan, Laguna. Nagbigti ang isang 19 anyos na criminology student na nalubog sa utang dahil sa online sabong na naging sanhi ng pagkakalubog nito sa utang.
Ayon sa report ng Pagsanjan Police Station, si John Eleazar ay nakita ng isang kapitbahay na nakabitin sa puno ng sampalok sa likod ng bahay nito sa Poblacion 1 sa nabanggit na bayan, kamakalawa.
Naging libangan ng biktima ang online sabong mula noong magsimula ang pandemic, ayon sa salaysay ng ina nito na si Marcia ELeazar hanggang sa nalaman nila na nalulog na ito at nalubog na sa utang bukod sa nangungupit na ito sa kanilang tindahan.
Nauna dito, ang binata ay naihabla sa barangay at sumailalim sa community service bilang parusa at nangako na titigil na sa pagsusugal.
Bago naganap ang insidente, sunod sunod ang pagdating at paniningil ng mga taong pinagkakautangan ng biktima na hinihinalang naging sanhi ng pagpapakamatay nito, ayon pa rin sa salaysay ng ina.
Papasok ang bansa sa “new normal” kapag naideklara na ang Alert Level 1, ayon sa Department of Health (DOH) kahapon.
Bagama’t maaaring asahan ng publiko ang mas maluwag na mga restrictions sa ilalim ng kategoryang ito, sinabi ni Health Undersecretary Maria Rosario Vergeire na mananatili ang minimum public health standards, kabilang ang pagsusuot ng mask at physical distancing.
“Slowly, in the coming weeks and months, we will transition to our new normal kung magtuloy-tuloy ang pagbaba ng kaso natin. Kapag nag-alert level 1 tayo, ‘yon iyong ating pamantayan, that’s our protocol– na ‘yong restrictions talaga for establishments and even public transport mawawala po ‘yan. Kaya ang sinasabi natin ay alert level 1 really is our new normal,” ayon sa kanya sa Laging Handa briefing.
Wala pang tiyak na timeline kung kailan maaaring ibaba ang deklarasyon ngunit ayon sa mga opisyal, naghahanda na ang gobyerno para sa posibleng paglilipat na ito.
Sinabi niya na dapat munang panatilihin ng bansa ang trend ng kaso nito sa “minimal to low risk” at average na daily attack rate sa mas mababa sa pitong rehiyon.
Ang health care utilization risk ay dapat ding nasa low risk at ang coverage ng pagbabakuna sa lahat ng rehiyon ay dapat mahigit na sa 70 porsiyento ng mga target na indibidwal.
Ang mga pampubliko at pribadong lugar ay dapat ding sumunod sa mga protocol sa kaligtasan na ibinigay ng pamahalaan government-issued safety protocols.
“The government is now preparing, hindi lang para sa komunidad kundi para sa pangkalahatan, pati establishments we are preparing para maging safe spaces sila sa ating mga kababayan (we’re not preparing the community but also the establishments so that they can be safe spaces for our people)” ayon kay Vergeire.
Sa kasalukuyan, ang karamihan sa mga rehiyon ay nananatiling nasa ilalim ng alinman sa Alert Level 3 o 2.
Nakikipag-ugnayan ang Embahada ng Pilipinas sa Warsaw, Poland sa FIlipino community sa Ukraine, sa pamamagitan ng Honorary Consulate General sa Kyiv, sa gitna ng tumitinding tensyon at matapos magbabala ang Estados Unidos tungkol sa posibleng pagsalakay ng Russia.
Sinabi ni Department of Foreign Affairs (DFA) Deputy Assistant Secretary for Public and Cultural Diplomacy, Gonar Musor, na tinatayang 380 Filipino nationals ang naninirahan sa Ukraine.
Gonar Musor, said approximately 380 Filipino nationals are living in Ukraine.
“Most are in Kyiv and its environs and are therefore located far from the eastern border near Russia,” ayon sa kanyang statement kanina.
Sinabi ni Musor na sila ay “hinihikayat na makipag-ugnayan sa embahada, iulat ang anumang hindi kanais-nais na insidente na makikita nila sa kani-kanilang lugar, at patuloy na subaybayan ang kanilang mga kaibigang Pilipino sa pamamagitan ng social media.”
Ang deployment ban ay ipinataw ng Maynila mula noong 2014 noong pumutok ang political crisis sa Eastern European nation at annexed ng Russia na Crimea.
Sa mga unang linggo ng taong ito, muling tumaas ang mga tensyon kasunod ng mga ulat na ang Moscow ay nagpadala ng mahigit sa 100,000 na sundalo at mabibigat na armas malapit sa hangganan ng Ukraine na sa tingin ng US ay sapat na upang salakayin ang bansa “anumang oras.”
Dahil dito sinabihan ng Washington, DC at ilang iba pang mga bansa, tulad ng United Kingdom, Canada, South Korea, at Japan, ang kanilang mga mamamayan na lumikas kaagad sa Ukraine.
Habang isinusulat ang balitang ito ay walang inilalabas na advisory ang Pilipinas hinggil sa payo ng paglikas ng mga Filipino mula sa Ukraine.
Nakapondo ang isang daang libong sundalong Ruso sa hangganan ng Russia at Ukraine samantalang ang mga sundalo ng Ukraine ay nasa kabilang panig ng border. Photo credits: The National Interest
Pinaalalahanan ng Civil Service Commission (CSC) ang mga lingkod-bayan na huwag makisali sa electioneering at partisan political activity sa panahon ng kampanyahan para sa 2022 national elections.
Sinabi ng CSC sa isang pahayag kahapon na ang mga naturang gawain ay ipinagbabawal sa ilalim ng Saligang Batas at iba pang batas at statutes, na may layuning matiyak na ang mga pulic servants ay nakatutok sa pagtupad sa kanilang mga tungkulin at upang ihiwalay sila sa pulitika.
Ang mga mapapatunayang nagkasala ng direkta o hindi direktang pakikisangkot sa partisan political na mga aktibidad ay papatawan ng parusang isang buwan at isang araw hanggang anim na buwang suspensiyon para sa unang paglabag; at pagtanggal sa serbisyo para sa ikalawang paglabag ayon sa 2017 Rules on Administrative Cases sa CSC.
Ang electioneering at partisan political activity ay tumutukoy sa anumang aksyon na “idinisenyo upang isulong ang halalan o pagkatalo ng isang partikular na kandidato o partido sa public office”, ayon sa Commission on Elections (Comelec) at CSC Joint Circular No. 001, serye ng 2016, na may petsang Marso 29, 2016.
Ang mga ipinagbabawal na aktibidad ay kinabibilangan ng:
Pagbubuo ng mga organisasyon, asosasyon, club, komite, o iba pang grupo ng mga tao para sa layunin ng paghingi ng mga boto at/o pagsasagawa ng anumang kampanya para o laban sa isang kandidato/partido;
Pagsasagawa ng mga political caucus, kumperensya, pagpupulong, rali, parada, o iba pang pagtitipon para sa layunin ng paghingi ng mga boto at/o pagsasagawa ng anumang kampanya para o laban sa isang kandidato/partido;
Paggawa ng mga talumpati, anunsyo, o komentaryo, o pagdaraos ng mga panayam para o laban sa halalan ng sinumang kandidato/partido para sa pampublikong katungkulan;
Paglalathala, pagpapakita, o pamamahagi ng mga literatura sa kampanya o mga materyales na idinisenyo upang suportahan o tutulan ang halalan ng sinumang kandidato/partido;
Direkta o hindi direktang paghingi ng mga boto, pangako, o suporta para sa o laban sa isang kandidato/partido.
Bilang karagdagan, ang pagiging isang delegado sa anumang political convention, o miyembro ng anumang political committee o directorate, o anumang opisyal na political club o iba pang political organization; pagtanggap ng anumang mga kontribusyon para sa mga layuning pampulitika, direkta man o hindi direkta; at pagiging kilala sa publiko sa tagumpay o kabiguan ng sinumang kandidato o partido ay itinuturing ding partidistang mga aktibidad sa pulitika at mga batayan para sa aksyong pandisiplina.
Tinutukoy din ng joint circular ang mga sumusunod bilang mga ipinagbabawal na gawain:
Pagsusuot ng mga t-shirt o pin, cap, o anumang katulad na kagamitan sa halalan na naglalaman ng mga pangalan ng mga kandidato o partido politikal maliban kung pinahintulutan ng Comelec;
Ang pagiging tagabantay para sa isang partidong pampulitika o kandidato sa panahon ng halalan;
Ang patuloy na presensya sa mga political rally, mga caucus ng, at patuloy na pagsasama sa ilang mga kandidato sa pulitika at/o partidong pampulitika sa nasabing mga aktibidad sa pulitika, na nagiging sanhi ng malapit na pagkakakilanlan ng empleyado sa naturang kandidato at/o partidong pampulitika;
Pagbibigay ng personal, pinansiyal, o iba pang pera na kontribusyon, mga supply, kagamitan, at materyales para sa kapakinabangan ng isang kandidato at/o partidong pampulitika;
Paggamit ng mgaresources ng pamahalaan tulad ng mga tauhan kabilang ang mga job order o kontrata ng pag-upa ng serbisyo, oras, at mga ari-arian para sa mga layuning pampulitika.
Nilinaw ng CSC na hindi pinagbabawalan ang mga civil servant na bumoto; pagpapahayag ng kanilang mga pananaw sa kasalukuyang mga problema o isyu sa pulitika; pagbanggit ng mga pangalan ng mga kandidato o partido na kanilang sinusuportahan; pagpapahayag ng kanilang mga opinyon, o pakikisali sa mga talakayan ng mga posibleng isyu sa isang nalalapit na halalan; o pag-like, pagkomento, pagbabahagi, pag-repost, at pagsunod sa account ng isang kandidato/partido, maliban kung ang mga ito ay ginawa bilang isang paraan upang humingi ng suporta para o laban sa isang kandidato/partido sa panahon ng kampanya.
Ang mga miyembro ng serbisyong sibil sa lahat ng sangay, subdivision, instrumentalities, at ahensya ng gobyerno, kabilang ang mga korporasyong pag-aari-o-kontrolado ng gobyerno na may orihinal na charter, at mga unibersidad at kolehiyo ng estado, na ipinagbabawal na makilahok sa anumang aktibidad sa pulitika o partisan na mga aktibidad, ang kanilang mga appointment ay permanente, pansamantala, kontraktwal, o kahit na kaswal; mga career officers na humahawak ng mga katungkulan sa pulitika bilang officer-in-charge; at nakauniporme at aktibong miyembro ng Armed Forces of the Philippines at Philippine National Police.
Ang isang empleyadong naka-leave of absence ay sakop pa rin ng pagbabawal sa pag-election o partisan political na aktibidad.
Kinumpirma ng Department of Foreign Affairs (DFA) kagabi na bahagyang sugat lamang ang tinamo ng isang Filipino national na tinamaan sa tangkang drone attack ng Houthi militia sa Abha International Airport sa Saudi Arabia.
Ang unmanned aircraft ay naharang ng Saudi Air Defense noong Pebrero 10 ngunit ang ilan sa mga debris nito ay nahulog sa paligid ng airport, na ikinasugat ng 12 sibilyan.
Kabilang sa mga nasugatan ang isang Filipono, dalawang mamamayan ng Saudi, apat na Bangladeshi expatriates, tatlong Nepali nationals, isang Sri Lankan, at isang Indian, ayon sa report.
“The Philippine Consulate General in Jeddah is in touch with the Filipino affected by the incident at Saudi airport. He sustained minor injuries but is in stable condition,” ayon sa text message ni DFA Deputy Assistant Secretary for Public and Cultural Diplomacy Gonar Musor.
Ayon sa mga awtoridad, sinabi ng Saudi Press Agency na ang drone na puno ng bomba ay “sinasadya at sistematikong” tinarget ang mga sibilyan at kawani sa Abha International Airport.
“These acts confirm the hostile nature of the militia, and its transgressions against the customary International Humanitarian Law (IHL), under which Abha International Airport is considered a Civilian Object protected by the IHL,” ayon pa rin sa kanila.
Hinarang ng Saudi air defense ang dalawang ballistic missiles na pinaputok ng Houthi militia mula sa Yemen noong Linggo ng gabi. Photo credits: Reuters
Calamba City, Laguna. Inilunsad sa PRO Calabarzon, Bigkis Lahi Event Event, Camp BGen Vicente P. Lim Calamba City, Laguna ang KASIMBAYANAN or Kawani, Simbahan, at Pamayanan Regional Launching for Secure, Accurate, Free, and Fair Elections (S.A.F.E.) 2022, kahapon.
Ang nabanggit na kaganapan ay dinaluhan ng mga tauhan ng Police Regional Office CALABARZON sa pangunguna ni Regional Director, PBGEN Antonio C Yarra, iba pang ahensya ng gobyerno sa Calabarzon, mga kinatawan mula sa religious sector, Commission on Elections (COMELEC), at mga kinatawan mula sa Advocacy Support Group.
Ang paglulunsad ng S.A.F.E. ay naglalayong pangalagaan at protektahan ang integridad ng darating na pambansa at lokal na halalan sa Mayo 2022 sa pamamagitan ng mga panalanging interfaith at bigyang-daan ang aktibong partisipasyon ng publiko. Ito rin ay naghahangad na bigyang kapangyarihan ang pakikipagtulungan sa pagitan ng Kawani, Simbahan, at Pamayanan upang epektibong magampanan ang kanilang mga tungkulin sa pagpapanatili at pagtiyak ng ligtas at mapayapang halalan 2022.
Ipinahayag ni Commander Genito B. Basilio, Coast Guard District Southern Tagalog ang kanilang buong suporta sa lahat ng pagsisikap ng iba pang ahensya ng gobyerno na matiyak ang iisang layunin na magkaroon ng ligtas na halalan ngayong taon.
Ipinaabot din ni Deputy Commander, Southern Luzon Command, BGen Armand M. Arevalo ang kanyang pasasalamat sa PRO4A Command sa pamumuno ni PBGEN Yarra sa imbitasyon. Tiniyak niya sa bawat isa sa kanila ang walang patid na suporta at pakikipagtulungan sa PNP sa epektibong tumulong sa darating na halalan.
Ipinangako naman ni PBGen Remus Zacharias P Canieso, Deputy Commander, Area Police Command-Southern Tagalog ang kanilang pakiisa at pakikipagtulungan upang maging matagumpay ang aniya ay makasaysayang kaganapan.
Kaugnay nito, pinasalamatan ni COMELEC 4A Regional Executive Director Atty. Maria Juana S. Valeza ang lahat sa suportang ipinakita ng iba’t ibang sektor ng lipunang dumalo.
Samantala, kinilala naman ni PBGEN Yarra ang suporta ng mga panauhin mula sa religious sector, kinatawan mula sa Advocacy Support Group, at iba pang stakeholders na palagiang nakikipagtulungan sa PNP upang maisakatuparan ang malinis, tapat, at patas na halalan. “Nagkakaisa, nagsama-sama, ano man ang kulay ng ating tulungan, mananatili tayong magtutulong sa ating layunin”, dagdag pa ni Yarra.
Isinagawa ang pagsisindi ng SAFE candles at Pinning ng SAFE 2022 pin na sinundan ng Manifesto Signing na nilahukan ng mga dumalo sa PNP, PCG, AFP, COMELEC, Religious and Community Leaders at pagkatapos nito ay ang nagpakawala ng mga puting kalapati bilang simbolo ng kapayapaan at pagkakaisa.
Hangad ng WHO at mga kasosyo nito na palawakin ang kapasidad ng mga low-and middle-income na bansa (LMICs) na gumawa ng lokal na bakuna at palakasin ang manufacturing nito, pataasin ang global pag-access upang makontrol ang pandemya.
Ibinalita ng Afrigen na bahagi ng mRNA consortium noong nakaraang linggo na nakabuo na ito ng sariling bersyon ng mRNA shot, batay sa pampublikong datos sa komposisyon ng Moderna Covid-19 vaccine na susubukan na sa tao sa susunod na buwan, ayon sa mensahe ni WHO Director General Tedros Adhanom Ghebreyesus sa isang press conference kagabi.
Ang pangunahing layunin ng proyekto ay upang makapagtatag ng pasilidad ng pagsasanay kung saan ang teknolohiya ng mRNA ay bubuuin para sa mass production ng Covid-19 vaccine kasunod ng full package ng technology na maipapasa sa maraming low at middle income na mga bansa.
“We expect clinical trials to start in the fourth quarter of this year, with approval expected in 2024. The Medicines Patent Pool will manage the intellectual property, and where necessary issue licences to manufacturers,” ayon kay Ghebreyesus.
Ang mRNA global hub ay idinisenyo upang tulungan sa mga LMICs at bigyan sila ng kapangyarihan hindi lamang sa paggawa ng sarili nilang bakuna kundi pati na rin sa pagdedesisyon sa kung anong bakuna ang nais nilang gawin.
Hinihikayat ng WHO ang mga manufacturers mula sa LMICs na magpahayag ng interes upang mabigyan sila ng pagsasanay, paglipat ng teknolohiya at mga kailangang lisensya. Ang WHO at mga kasosyo nito ay maghahatid ng kaalaman sa produksyon, quality control at mga kailangang lisensya sa isang single entity upang padaliin ang proseso at mapabilis ang paglilipat ng teknolohiya sa maraming benepisyo.
Ang inisyatiba sa paggawa ng bakuna ay initulak ng isang consortium kabilang ang Medicines Patent Pool, Biovac, Afrigen Biologics and Vaccines, Department of Science and Innovation ng South Africa, ang South Africa Medical Research Council (SAMRC), isang network ng mga unibersidad at ang Africa Centers for Disease Control and Prevention (CDC). Naniniwala ang mga pamahalaan ng South Africa at France na pabibilisin nito ang manufacturing ng bakuna sa Africa.
“Covid-19 has demonstrated the importance of investments in science, technology and innovation. Therefore preparing for future pandemics is key and so the WHO mRNA global hub is a critical building block to ensure that South Africa and the whole continent has the production capacity that is essential for equitable vaccine rollout. The mRNA technology is not only for COVID-19, we hope it can be adapted to help us in the fight against HIV, tuberculosis and malaria, which is why we’re investing heavily, alongside international partners, in this initiative,” ayon kay Dr Blade Nzimande, Minister of Higher Education, Science and Technology of South Africa.
Sinasabi ng WHO na ang mga transfer hub ay magbibigay-daan sa teknolohiya ng mRNA na maitatag sa industrial scale na may pagsasanay kasama ang mga kailangan dokumento at lisensya na ibibigay sa mga lokal na manufacturer.
Nagbigay ng mahigit na 7,000 doses ng Covid-19 vaccine limang local government partners nito sa Region 4A ang Metro Pacific Tollways Corporation (MPTC), ang toll road development arm ng Metro Pacific Investments Corporation (MPIC), sa pamamagitan ng subsidiary nitong Metro Pacific Tollways South (MPT South).
“The vaccine donation to CALAX and CAVITEX communities through their LGU’s is our gesture of support in aid of the national government’s recovery plan towards attaining herd immunity against COVID-19 here in the Region IV-A,” ayon kay Arlette Capistrano, MPT South Spokesperson at AVP for Communication and Stakeholder Management.
Noong 2022, ang nabanggit na kumpanya ng toll road ay nagsimulang makipag coordinate at mag-donate ng 140 vials ng Moderna vaccines sa mga lokal na pamahalaan ng Parañaque sa Metro Manila; General Trias, Bacoor, at Silang sa Cavite; at Biñan sa Laguna.
“First of all, I would like to congratulate each and every one of you for making projects that make the lives of the Filipino people easier, from fast and reliable internet and telecommunication to connecting us through the roads your company builds. I would also want to send my heartfelt gratitude for remembering Silang and the thousands of Silangueños that will benefit from your donation,” ayon kay Silang Cavite Mayor Corie Poblete sa kanyang liham.
“We would like to take this opportunity to thank you and your company for your donation of 140 vials of Moderna anti-Covid booster vaccines. Your kindness and generosity will surely go a long way in our fight to contain the spread of COVID-19 and help us return to normal and productive lives,” ayon naman kay Paranaque City Mayor Edwin Olivarez sa kanyang liham kay Mr. Rodrigo Franco, President of Metro Pacific Tollways Corporation (MPTC).
Sinabi rin ng MPT South na nabakunahan na nito ang 99% na porsyento ng mga tauhan nito laban sa COVID-19. Sa kasalukuyan, patuloy itong nakikipagtulungan sa main office, MPTC at mga sister companies nito sa MVP Group of Companies upang mabigyan ng booster shot ang mga empleyado kanilang mga tauhan.
Ang MPTC ang pinakamalaking developer at operator ng toll road sa Pilipinas. Hawak nito ang mga concession rights para sa Cavite-Laguna Expressway (CALAX), Manila-Cavite Toll Expressway (CAVITEX), North Luzon Expressway (NLEX), NLEX Connector Road, Subic-Clark-Tarlac Expressway (SCTEX), at Cebu-Cordova Link Expressway (CCLEX) sa Cebu.
Ipinabatid ng National Police Commission (Napolcom) kanina na magiging aktibo ang Online Examination Application Scheduling System (OLEASS) nito sa Lunes.
Ang pagsusulit sa buong bansa ay sa Abril 9 para sa Philippine National Police Entrance Examination (PNPE) at Abril 10 para sa PNP Promotional Examination, ayon kay Napolcom Vice Chair at Executive Officer Vitaliano Aguirre II sa isang pahayag kanina.
Ang OLEASS sa www.oleass-napolcom.com ay magbubukas ng tanghali sa Pebrero 14 para sa PNPE para sa mga aplikante na may mga apelyido na nagsisimula sa letrang A at B; Pebrero 15 para sa mga aplikante na may mga apelyido na nagsisimula sa C, D, E at F; Pebrero 16 para sa G, H, I, J, K at L; Pebrero 17 para sa M, N, O, P at Q; at Pebrero 18 para sa R, S, T, U, V, W, X, Y at Z.
Para sa promotional examination, ang server ay magiging available simula tanghali ng Pebrero 19 para sa Police Officer 4th Class Examination (Corporal and Staff Sergeant); at mula Pebrero 21 pataas para sa Police Officer 3rd Class Examination (Master Sergeant, Senior Master Sergeant, Chief Master Sergeant, at Executive Master Sergeant); Police Officer 2nd Class Examination (Tenyente at Kapitan); at Police Officer 1st Class Examination (Major at Lieutenant Colonel).
Dahil sa mga resource constraints, lilimitahan ng mga regional offices ang bilang ng mga examinees na kanilang tatanggapin.
Ang pagtanggap ng mga online na aplikasyon ay first-come, first-served basis at sa bisa ng abiso ay maaaring ihinto kahit bago pa sumapit ang deadline.
“Taking into consideration the Covid-19 cases in the areas where the examinations are to be administered, the concerned regional office reserves the right to limit the number of examinees to be accommodated. The Napolcom can also cancel the examination anytime, as may be required by the concerned LGU (local government unit),” ayon kay Aguirre.
Ang panahon ng pagpa-file ng mga aplikasyon na may kasamang kumpletong requirements ay magsisimula Pebrero 21 hanggang Marso 14.
Ang bayad sa pagsusulit ay Php 400 para sa PNPE at 4th Class na eksaminasyon; Php 450 para sa pagsusulit sa 3rd Class; Php 500 para sa pagsusulit sa 2nd Class; at Php 600 para sa pagsusulit sa 1st Class.
Ang OLEASS ay nagpapahintulot sa mga aplikante ng PNPE at Promotional Examination na pumili ng examination center anuman ang lugar ng tirahan.
Ang PNPE Examination ay bukas sa mga mamamayang Pilipino na hindi lalampas sa 30 taong gulang at may bachelor’s degree.
Ang mga patrolmen at patrolwomen na ang mga appointment na pansamantala dahil sa kawalan ng nararapat na eligibility ay maaari ding kumuha ng entrance examination.
Ang Promotional Examination ay eksklusibo para sa lahat ng kwalipikadong unipormadong miyembro na makakatugon sa minimum qualification standards para sa pagsusulit batay sa ranggo at eligibility.
Ang aplikante ay dapat mag-file ng mga dokumento ng aplikasyon ng personal sa alinman sa 17 regional offices sa nakatakdang petsa ng appointment kasama ang e-mail na confirmation slip; duly accomplished form at index card; dalawang bago at magkapareho ang kulay na 1×1 ID picture na may puting background at kumpletong name tag (para sa mga miyembro ng PNP, dapat ipahiwatig ng name tag ang ranggo bago ang pangalan); isang legal na laki ng window envelope na may halagang PHP21 na selyo sa koreo; transcript ng scholastic record (na may Special Order na inisyu ng Commission on Higher Education (CHEd); diploma na inisyu ng CHEd-accredited schools, state universities and colleges; birth certificate sa security paper na inisyu ng Philippine Statistics Authority; at isang government-issued ID na may lagda (Social Security System, Government Service Insurance System, voter’s ID, postal ID, pasaporte, driver’s license, Professional Regulation Commission [PRC]).
Ang mga aplikante ng Patrolman/Patrolwoman na may mga pansamantalang appointment ay dapat magdala ng isang certified na kopya ng attested appointment, plantilla appointment o Special Order, at isang government issued ID may pirma.
Ang mga aplikante para sa Promotional Examination ay dapat magsumite ng unang apat na nabanggit na mga requirement: certified true copy ng attested appointment, plantilla appointment o PNP Absorption Order; Certificate of Eligibility/Certification na inisyu ng Napolcom central office, Civil Service Commission Certificate of Eligibility o PRC board certificate; at isang government ID na may pirma.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
