Tagkawayan, Quezon. Patay ang isang mag anak na sakay ng motorsiklo matapos salpukin ng isang delivery van sa Brgy. Sta. Cecilia, sa kahabaan ng Quirino Highway sa bayang ito bandang 7:00 ng gabi noong Linggo.
Kinilala ang mga biktima na sina Policarpio Oliva, isang real estate agent at asawa niyang si Delia at pawang mga residente ng Del Gallego, Camarines Sur. Dead on the spot si Policarpio samantalang DOA naman sa ospital si Delia. Namatay naman ang kanilang anak na si Orlando sa isang ospital sa Naga City noong Lunes ng umaga.
Batay sa pagsisiyasat ng Tagkawayan Police Station, angkas ni Policarpio ang kanyang mag ina sa kalakasan ng ulan habang bumabagtas sa highway ang motorsiklo ng mag asawang bigla silang mabundol ng delivery van na minamaneho ni Orlando Jualo mula sa likuran.
Ayon sa mga nakasaksi sa aksidente, tumilapon ang mag anak na Oliva at sa lakas ng pagkakabangga ay nalaglag si Jualo mula sa driver’s seat.
Posibleng maharap si Jualo sa kasong reckless imprudence resulting to double homicide si Jualo.
Inatasan ng Department of the Interior and Local Government (DILG) ang lahat ng local government units (LGUs), Philippine National Police (PNP), at Bureau of Fire Protection (BFP) na magpatupad ng crackdown sa paggawa, pagbebenta, at paggamit ng ilegal na paputok at pyrotechnic device (FC/PDs) para maiwasan ang mga pinsala at sunog na may kinalaman sa paputok ngayong bagong taon.
Kasabay nito, sinabi ni DILG Secretary Eduardo M. Año na dapat bantayan ng PNP ang indiscriminate firing sa bisperas ng Bagong Taon na maaaring magdulot ng hindi nararapat na pinsala o kamatayan sa mga hindi kilalang biktima.
“Maliban sa kaligtasan mula sa COVID-19, nais nating maging ligtas ang bawat isa sa iligal na paputok at indiscriminate firing. Habang papalapit ang New Year, nagsusulputan pa rin ang mga ipinagbabawal na paputok. Kaya inaatasan ko ang PNP na doblehin ang pagmomonitor at pag-iinspeksyon para siguruhing hindi kakalat sa merkado at walang gagamit o madidisgrasya sa iligal na paputok,” ayon kay Año.
Sinabi ng DILG Secretary na dahil sa biglaang pagtaas ng positivity rate sa National Capital Region, hindi ngayon ang tamang panahon para maging kampante at dapat tiyakin ng LGUs, PNP, at BFP na ang mga tao ay sumusunod sa alert level protocols at pagsunod sa mga alituntunin sa paggamit ng paputok sa pagdiriwang ng Bagong Taon.
Sinabi ni Año na responsibilidad ng PNP at ng LGUs na ipatupad ang pambansa at lokal na mga patakaran na nagre-regulate sa paggawa at paggamit ng paputok sa pamamagitan ng pagsasagawa ng mga inspeksyon, at pagkumpiska at pagsira ng mga ipinagbabawal na paputok at pyrotechnic device.
“Ang mga ayaw sumunod, huhulihin yan ng PNP. Mas mabuti pang sa kulungan sila mag Bagong Taon kaysa makadisgrasya o madisgrasya pa sila dahil sa iligal na paputok,” ayon sa tagubilin ni Año sa PNP.
Ang mga parusa para sa mga taong mahuling gumagawa, nagbebenta, namamahagi, o gumagamit ng mga ilegal na paputok at pyrotechnic device ay kinabibilangan ng multang P20,000-P30,000, pagkakakulong ng anim na buwan hanggang isang taon, pagkansela ng lisensya at business permit, at pagkumpiska ng mga stock ng imbentaryo.
Sa ilalim ng Memorandum Order No. 31 na inilabas ni Pangulong Duterte noong 2019, ang PNP, sa koordinasyon ng mga LGU, BFP, at iba pang kinauukulang ahensya, ay inatasang magsagawa ng mga inspeksyon upang matiyak na ang mga manufacturer, distributor, retailer, at gumagamit ng firecrackers at pyrotechnic devices ay sumusunod sa mga alituntunin sa kaligtasan.
Naglabas ang PNP ng listahan ng mga ipinagbabawal na FC/PD na hindi maaaring gamitin ng publiko sa loob man o labas ng mga firecracker zone o mga itinalagang community fireworks display areas na tinukoy ng mga LGU bilang paghahanda sa pagdiriwang ng Bagong Taon.
Kabilang sa mga ipinagbabawal na FC/PD ang Watusi, Piccolo, Poppop, Five Star, Pla-pla, Lolo Thunder, Giant Bawang, Giant Whistle Bomb, Atomic Bomb, Super Lolo, Atomic Triangle, Goodbye Bading, Large-size Judas Belt, Goodbye Philippines, Goodbye Delima, Bin Laden, Hello Columbia, Mother Rockets, Goodbye Napoles, Coke-in-Can, Super Yolanda, Pillbox, Mother Rockets, Boga, Kwiton, at Kabasi.
Ang iba pang mga uri ng ipinagbabawal na FC/PD ay ang mga sobra sa timbang at sobrang laki, lahat ng imported na finished products, at mga mga locally made products na walang label.
Samantala, ang mga FC/PD na ibinebenta sa ilalim ng mahigpit na mga regulasyon at pinapayagan lamang na gamitin sa loob LGU-designated community fireworks display areas ay Baby Rocket, Bawang, El Diablo, Judas’ Belt, Paper Caps, Pulling of Strings, Sky Rocket (Kwitis), Maliit na Triangulo, at iba pang uri ng paputok na hindi kalakihan, hindi sobra sa timbang, at hindi imported.
“We encourage people to use regulated firecrackers in designated areas only. The police is authorized to confiscate and destroy prohibited firecrackers and pyrotechnic devices as well as firecrackers used outside of community fireworks displays,” ayon pa rin kay Año.
Batay sa Executive Order (EO) No. 28, series of 2017 o Control of the Use of Firecrackers and Other Pyrotechnic Devices, ang paggamit ng mga regulated na paputok ay pinapayagan lamang sa mga community fireworks display area.
Sinasabi ng EO 28 na ang isang fireworks display ay kwalipikado lamang bilang community fireworks display kung ito ay pasado sa lahat ng mga sumusunod na kondisyon: (a) ito ay isinasagawa sa okasyon o bilang bahagi ng isang pagdiriwang, kompetisyon, o kaganapan na ginanap sa ibang lugar o sa labas ng tirahan; (b) ito ay isinasagawa sa ilalim ng pangangasiwa ng isang trained na tao at lisensyado ng PNP; at (c) ito ay may pahintulot ng munisipyo o lungsod at naisyuhan ng permit na nagsasaad ng petsa at oras ng fireworks display at ang partikular na lugar kung saan isasagawa ang display alinsunod sa mga pambansang pamantayan, tuntunin, at regulasyon.
Mahigpit na babala laban sa indiscriminate firing
Mahigpit din ang babala ng DILG Chief laban sa paggamit ng baril sa pagsalubong sa bagong taon. “The DILG will not tolerate the use of firearms in welcoming the new year. We will apply the full force of the law against those that will fire their firearms during the new year. Let’s welcome the new year with clean hands and clean hearts,” ayon sa DILG chief.
Kung may mangyaring insidente ng indiscriminate firing, tiniyak ni Año sa publiko na ito ay lalapatan ng kaukulang parusa. “Napakasakit po mabalitaang may mga nasasaktan o namamatay dahil sa indiscriminate shooting. Kung iyong mga paputok nga mahigpit nating ipinagbabawal na gamitin, paano pa kaya iyong pagpapaputok ng baril,” dagdag pa niya.
Idineklara ng mga nakasasakop na health offices na Covid-free ang 20 lungsod at bayan sa Laguna kabilang ang San Pablo City, Bay, Victoria, Alaminos, Rizal at Liliw ng Ikatlong Distrito. Pila, Sta. Cruz, Pagsanjan, Magdalena, Lumban, Kalayaan, Paete, Pangil, Pakil, Famy, Mabitac, Sta. Maria, Majayjay, Luisiana at Cavinti.
Ang Lungsod ng San Pablo na nasa Ikatlong Distrito ng Laguna ay nanatiling Covid Free sa nakalipas na isang linggo. Iniulat noong nakaraang Disyembre 21, 2021 ang paggaling ng huling covid patient dito na nakatala sa health bulletin.
Ayon pa rin sa report, 25 ang kasalukuyang active cases ng lalawigan. Ang 11 ay nasa 1st District, 10 sa 2nd District, 3 sa 3rd District at 1 sa4th District.
Habang sinusulat ang balitang ito ay San Pablo City lamang ang nakatalang Covid-free sa Laguna Health Bulletin na huling na update noong Disyembre 26, 2021.
Ang kalakhang bahagi ng bansa ay makararanas ng mga pag ulan mula kahapon, huling Lunes ng 2021 dahil sa two weather systems.
Ayon sa 4 am weather bulletin, sinabi ng Philippine Atmospheric, Geophysical and Astronomical Services Administration (PAGASA) na ang shear line ay nakakaapekto sa Metro Manila, Calabarzon, Mimaropa, Bicol Region, Eastern Visayas, Caraga, Aurora, Aklan, Capiz, Davao de Oro, at Davao Oriental, na nagdadala ng maulap na kalangitan, kalat-kalat na pag-ulan at pagkidlat-pagkulog sa mga lugar na ito.
Samantala, ang northeast monsoon o “amihan” ay magdadala ng maulap na papawirin na may mga pag-ulan sa Cagayan Valley, Cordillera Administrative Region, at nalalabing bahagi ng Central Luzon.
Ang Rehiyon ng Ilocos ay makakaranas din ng bahagyang maulap hanggang sa maulap na papawirin na may pulu-pulong mahinang mga pag-ulan dahil sa northeast monsoon habang ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan dahil sa shear line o localized thunderstorms.
Katamtaman hanggang sa malakas na hangin mula sa hilagang-silangan ang iihip sa Luzon, Visayas, at silangang bahagi ng Mindanao na may katamtaman hanggang sa maalon na tubig sa baybayin habang mahina hanggang sa katamtamang hangin patungo sa hilagang-silangan ang mararanasan sa natitirang bahagi ng Mindanao na may banayad hanggang sa katamtamang pag-alon sa baybayin.
Ang pinakamababang temperatura ay 22.6 °C at ang pinakamataas na temperatura ay 30 °C.
Tumaas lamang 3% o 324,000 ang populasyon ng Pilipinas sa taong 2021 kumpara sa datos ng 2020 na 914,797 births.
Ayon sa Commission on Population and Development (PopCom) kahapon, ang taunang “natural increase” ay pinakamababa mula noong 1946 at 1947 panahong lumaki ang populasyon ng 254,000.
“Filipinos remained prudent by continuing to delay having children or forming families during the combined economic crisis and Covid-19 health emergency. Couples in growing numbers continue to avail of family planning commodities and services in all regions of the country, with eight million users of modern family planning methods in 2020, or an addition of about 500,000 from 2019,” ayon sa paliwanag ni PopCom chief Dr. Juan Perez III sa isang livecast.
Ang nabanggit na datos ay resulta ng mga computations ng PopCom batay sa preliminary reports ng Philippine Statistics Authority mula Enero 2020 hanggang Agosto 2021.
Batay sa pagtatantya, ang populasyon ng Pilipino ay magiging humigit-kumulang na 109,991,095 sa pagtatapos ng 2021, mas mababa ng dalawang milyon kaysa sa mga naunang pagtataya batay sa 1.63 porsyento ng rate ng paglaki ng populasyon.
Ayon kay Perez, ang mababang paglaki ng populasyon noong 2020-2021 ay nangangahulugan ng mas malaking pagkakataon para sa bansa at sambahayan upang makabangon sa pagsiklab ng Covid-19, kasabay ng pagtaas ng kakayahan ng bansa at lokal na pamahalaan sa pagbibigay ng mga de-kalidad na serbisyo.
“Filipinos remained prudent by continuing to delay having children or forming families during the combined economic crisis and Covid-19 health emergency. Couples in growing numbers continue to avail of family planning commodities and services in all regions of the country, with eight million users of modern family planning methods in 2020, or an addition of about 500,000 from 2019,” PopCom chief Dr. Juan Perez III explained in a livecast.
“If integrated population and development measures are sustained, we can look forward to a more stable population that can effectively support Philippine development. Smaller family sizes need to be supported by a national living wage structure that also allows parents to save for their households’ unmet needs in food, housing, and education. Uneven regional wage structures only lead to individuals falling further behind than those in progressive areas such as the National Capital Region, Calabarzon, and Central Luzon,” ang pagtatapos ni Perez.
Hinikayat ni Senator Win Gatchalian ang mga local government units (LGUs) na paghandaan ang pagbabakuna sa mga batang may edad 5 hanggang 11, isang hakbang na ayon sa kanya ay magiging napakahalaga sa pagpapalakas ng kumpiyansa sa ligtas na pagbubukas ng mga paaralan sa gitna ng banta ng variant ng Omicron.
Sinabi ito ni Gatchalian matapos aprubahan ng Food and Drug Administration (FDA) ang paggamit ng Pfizer-BioNTech COVID-19 vaccine para sa inoculation ng mga bata.
Ayon sa Department of Health (DOH) noong Nobyembre, target nitong bakunahan ng 13.5 milyon sa category ng edad na ito. Kamakailan ay inaprubahan ng FDA, ang Pfizer-BioNTech at Moderna na mga bakuna ay ginamit upang mag-inoculate ng mga menor de edad na 12 hanggang 17.
Sa isang Senate panel hearing tungkol sa pagpapalawak ng face-to-face classes na ginanap noong Disyembre 17, iniulat ng DOH na 7.1 milyong menor de edad na may edad 12 hanggang 17 ang nakatanggap ng hindi bababa sa isang dosis ng bakuna laban sa COVID-19, kung saan 2.7 milyon na ang ang kabuuang bilang ng mga fully vaccinated. Mayroong 12.7 milyong menor de edad na 12 hanggang 17 sa buong bansa.
“Napapanahon ang pagbabakuna natin sa ating mga kabataan lalo na’t inaasahan ang muling pagbubukas ng mga paaralan para sa face-to-face classes. Kung marami sa mga kabataan ang mababakunahan, mas tataas ang kumpiyansa ng mga mag-aaral at kanilang mga magulang,” dagdag ni Gatchalian.
Dahil sa pinsalang idinulot ng bagyong Odette sa ilang bahagi ng bansa, hinihimok din ni Gatchalian ang National Task Force Against COVID-19 na tulungan ang mga LGU na sinalanta ng bagyong Odette sa paglulunsad ng mga bakuna para sa COVID-19 para sa 5 hanggang 11 taong gulang na mga bata. Binigyang-diin ng mambabatas ang pangangailangang mabakunahan ang mga bata sa mga lugar na tinamaan ng Odette dahil nahaharap sila sa mga isyung resulta ng bagyo at ng COVID-19.
Inanunsyo ng Philippine Deposit Insurance Corporation (PDIC) na ang mga depositor ng nagsarang Rural Bank of Lemery, Inc. ay may hanggang Enero 3, 2022 para maghain ng kanilang mga claim sa deposit insurance.
Ang huling araw para sa paghahain ng mga claim sa seguro sa deposito ay inilipat sa Enero 3, 2022 mula Nobyembre 4, 2021 upang bigyang-daan ang mga depositor ng mas mahabang panahon na ihanda ang mga kinakailangang dokumento para sa paghahain ng mga claims, at upang matiyak na ang mga apektadong depositor ay hindi maaalisan ng karapatan dahil sa pagpapatupad ng community quarantine.
Batay sa pinakahuling datos ng PDIC, ang deposit insurance claims para sa 194 deposit accounts na may aggregate insured deposits na nagkakahalaga ng P3.6 milyon ay hindi pa naihahain ng mga depositor. Ipinakita rin sa datos na noong Nobyembre 30, 2021, binayaran na ng PDIC ang mga depositor ng nagsarang Rural Bank of Lemery, Inc. ng kabuuang halaga na P55.5 milyon, na katumbas ng 93.3% ng kabuuang insured na deposito ng bangko na nagkakahalaga ng P59.5 milyon.
Pinapayuhan ang mga depositor na maghain ng kanilang mga online claim sa pamamagitan ng e-mail sa pad@pdic.gov.ph o sa pamamagitan ng postal mail o courier na naka-address sa PDIC Public Assistance Department, 3rd Floor, SSS Bldg., 6782 Ayala Avenue corner V.A. Rufino Street, Makati City 1226.
Maaari ding personal na ihain ang mga claim sa Public Assistance Center ng PDIC sa Makati City kung may appointment. Upang gumawa ng appointment, maaaring tumawag ng mga depositor sa Public Assistance Hotline sa (02) 8841-4141 o sa Toll Free na numero 1-800-1-888-7342 o 1-800-1-888-PDIC, magpadala ng e-mail sa pad@pdic.gov.ph, o magpadala ng pribadong mensahe sa opisyal na Facebook page ng PDIC, www.facebook.com/OfficialPDIC.
Kapag nag-file ng mga claim sa pamamagitan ng e-mail, mag scan ng kopya o larawan ng nilagdaan at natapos na Claim Form, ebidensya ng deposito (savings passbook, certificate ng time deposit, atbp.), at isang valid photo-bearing ID na may pirma ng depositor ay dapat na naka-attach sa e-mail.
Ang na-scan na kopya o larawan ng unang pahina na may pangalan/numero ng account at huling pahina na may balanse sa account, o ang harap at likod na bahagi ng certificate of time deposit ay dapat ipadala bilang mga attachment ng e-mail.
Para sa mga paghahabol na personal na isinampa o sa pamamagitan ng koreo o serbisyo ng courier, ang mga depositor ay pinapayuhan na isumite ang natapos, nilagdaan at notarized na Claim Form, orihinal na Savings Passbook at/o Certificate of Time Deposit at photocopy ng isang (1) valid photo-bearing ID na may lagda ng depositor.
Pinapayuhan din ang mga depositor na ang mga karagdagang dokumento at/o orihinal na kopya ng mga dokumentong isinumite sa pamamagitan ng e-mail ay maaaring kailanganin ng PDIC, kung kinakailangan, sa panahon ng pagsusuri at pagproseso ng mga claims.
Maaaring ma-download ang Claim Form mula sa website ng PDIC sa:
Ang Claim Form ay libre at walang bayad ang paghahain ng deposit insurance claims.
Ang mga depositor na wala pang 18 taong gulang ay dapat magpadala o magsumite ng alinman sa isang photocopy ng kanilang Birth Certificate na inisyu ng Philippine Statistics Authority (PSA) o isang duly certified copy na ibinigay ng Local Civil Registrar.
Ang mga kinatawan ng mga naghahabol ay kinakailangang mag-mail o magsumite ng orihinal na kopya ng isang notarized na Special Power of Attorney ng depositor o magulang ng isang menor de edad na depositor. Maaaring ma-download ang template ng Special Power of Attorney mula sa website ng PDIC sa:
Sa ilalim ng Charter ng PDIC, binibigyan ang mga depositor ng dalawang taon mula sa pag takeover ang PDIC upang maghain ng mga claim sa seguro sa deposito sa PDIC. Ang Rural Bank of Lemery, Inc. ay kinuha ng PDIC noong Nobyembre 4, 2019 matapos itong ipasara ng Monetary Board ng Bangko Sentral ng Pilipinas noong Oktubre 31, 2019.
Ang mga depositor na may mga utang pa sa bangko ay ire-refer sa itinalagang Loan Officer bago ma settle ang kanilang mga deposit insurance claim.
Para sa karagdagang impormasyon, maaaring tawagan ng mga depositor ang PDIC Public Assistance Hotline sa (02) 8841-4141, o ang Toll-free hotline 1-800-1-888-PDIC o 1-800-1-888-7342 sa oras ng opisina. Ang mga depositor ay maaari ding magpadala ng e-mail sa PDIC Public Assistance Department sa pad@pdic.gov.ph o pribadong mensahe sa official PDIC Facebook page, www.facebook.com/OfficialPDIC.
San Pablo City, Laguna. Anim na araw na ngayon na Covid-free ang lungsod na ito, ayon sa report ni San Pablo City Anti-Covid-19 Incident Commander Assistant City Health Officer Dra. Mercydina Abdona Mendoza-Caponpon kina Mayor Amben Amante at City Health Officer Dr. James Lee Ho.
Nanatiling 8,892 ang total confirmed cases mula Marso 2020 at 8,518 ang total recoveries at 374 ang total fatalities, ayon sa report.
Kaugnay nito, Ipinapaalaala at ipinag uutos pa rin ni Dr. Lee Ho ang palaging pagsusuot ng facemask, malimit na paghuhugas at pag aalcohol ng mga kamay, social/physical distancing, pagpapaputok ng covid vaccine at pananatili sa loob ng tahanan kung walang essential na gagawin sa labas.
Mula sa kaliwa: Laguna Governor Ramill Hernandez, San Pablo City Anti-Covid-19 Incident Commander Assistant City Health Officer Dra. Mercydina Abdona Mendoza-Caponpon, San Pablo City Health Officer Dr. James Lee Ho, Laguna Vice Governor Karen Agapay at Dulce H. Rebanal, Provincial Administrator of the Provincial Government of Laguna sa pagkilala sa lungsod ng San Pablo sa pagsisikap na makapagtaguyod ng maayos ay epektibong vaccination programs.
Dasmariñas City, Cavite. Natagpuan sa banyo ng isang abandonadong bahay ang naaagnas na bangkay ng isang binatilyobinatilyo sa lungsod na ito.
Batay sa imbestigasyon ng Dasmariñas Police Office, ang natagpuang bangkay ay kinilalang si Antonio Miguel de Asis, 17 anyos, estudyante at residente ng Brgy. Salawag sa nabanggit na lungsod.
Ayon sa mga salaylay ng pamilya ng biktima, huli nilang nakita ito na naglalaro ng basketball dalawang buwan na ang nakalipas.
Ang bangkay ni de Asis ay nadiskubre ng isang nagngangalang Niño John Allen Yambot, caretaker ng abandonadong bahay. Ayon sa kanya, matagal siyang nagbakasyon sa probinsya at umuwi lamang siya bago mag Pasko upang maglinis. Agad niyang inireport sa mga awtoridad ang natagpuang bangkay.
Kasalukuyang pang nagsasagawa ng imbestigasyon ang pulisya hinggil sa pagkamatay ni de Asis.
Tutulungan ng Department of Agriculture (DA) ang mga magsasaka at mangingisda sa mga lugar na apektado ng Bagyong Odette gamit ang PHP852.47M standby na pondo.
Kasama sa badyet ang PHP500 milyong Quick Response Fund para sa rehabilitasyon ng mga apektadong lugar; PHP148-milyong halaga ng mga buto ng palay; PHP57.6-milyong halaga ng buto ng mais; PHP44.6-milyong halaga ng sari-saring gulay; at PHP100 milyon sa ilalim ng Survival and Recovery Assistance Program ng Agricultural Credit Policy Council.
Magbibigay din ang Bureau of Fisheries and Aquatic Resources ng PHP164 milyon halaga ng fingerlings at tulong samantalang PHP625,150 na halaga ng mga gamot at biologics ang ibibigay para sa mga pangangailangan ng mga hayop at manok.
Inanunsyo din ng DA na mayroong magagamit na pondo mula sa Philippine Crop Insurance Corporation para mabayaran ang mga apektadong magsasaka.
Ang ahensya ay patuloy na nagsasagawa ng pagtatasa ng pinsala at pagkalugi na dala ni “Odette” sa sektor ng agri-fisheries.
Nakikipag-ugnayan ang nabanggit na departamento sa mga kinauukulang ahensya ng national government, mga local government units, at mga tanggapang may kinalaman sa pagtugon sa kalamidad.
Bago bumagyo, may kabuuang lawak na 11,454 ektarya ng palay ang naani mula sa Mimaropa, Regions 6, 8, 9, 11, at 12 na may katumbas na produksyon na 34,433 metriko tonelada na nagkakahalaga ng PHP615.53 milyon.
Para naman sa mais, 2,452 ektarya ang naani mula sa Calabarzon, Mimaropa, Regions 8, 9, 11, at Caraga na may katumbas na produksyon na 6,965 metriko tonelada na nagkakahalaga ng PHP82.55 milyon.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
