Saturday, May 23, 2026


Your Daily News Update About CALABARZON and Beyond.
ISSN 2799-1911

Home Blog Page 803

Papunta na sa herd immunity ang SPC, 7% na lang ang walang first dose: Sinusuyod ngayon ang 80 barangay sa house to house vaccination program

Venus L Peñaflor and Sandy Belarmino
-
0
Papunta na sa herd immunity ang SPC, 7% na lang ang walang first dose: Sinusuyod ngayon ang 80 barangay sa house to house vaccination program

San Pablo City, Laguna. Malapit ng maabot ang  100% ng target population upang magkaroon sa herd immunity sa lungsod na ito, ayon kay San Pablo City Health Officer James Lee Ho.

Ayon sa report, lang o 7% na lamang ang wala pang first dose at 27% ang naghihintay ng kanilang second dose sa nabanggit na lungsod. 

Upang mabakunahan ang 100% target population, pinupuntahan ng city health frontliners ng lungsod ang bawat barangay upang magsagawa ng house to house vaccination.

Ngayong araw ay umiikot ang mga lokal na frontliners sa mga barangay ng Sta Maria Magdalena, Sta. Filomena at Santiago. Bukas ay nakatakda namang suyurin ang mga barangay ng Del Remedio, Sto. Niño, Bautista, San Francisco at Farconville Village.

“Mas maganda na nasusuyod natin ang bahay-bahay upang mabakunahan ang mga nasa malalayong lugar na walang kapasidad na bumaba sa kabayanan. Kasabay po ng house to house vaccination program ay tuloy tuloy ang bakunahan sa ating mga vaccination sites para maabot natin ang 100% target population para po agad-agad tayong magkaroon ng protection laban sa mga variant,” ayon kay Dr. Lee Ho.

Samantala patuloy  ang information campaign para sa ikalawang bahagi ng National Vaccination Days. Upang ipahayag ang suporta sa nabanggit na programa, i-share at gawing temporary photo ang larawan sa ibaba.

Nasa slideshow ang mga larawan sa puspusan ang kasalukuyang pagsasagawa ng hose to house vaccination program sa 80 barangay ng San Pablo City sa pangunguna ni San Pablo City Mayor Amben S. Amante at City Health Officer Dr. James Lee Ho.

Pinayagan ni PNP Chief Carlos ang mga tauhan ng PNP na mag pasko sa piling ng kanilang mga pamilya

Roy Tomandao
-
0
Pinayagan ni PNP Chief Carlos ang mga tauhan ng PNP na mag pasko sa piling ng kanilang mga pamilya

Bibigyan ng pagkakataon ni Philippine National Police Chief, Police General Dionardo Carlos na ang mga pulis na makasama ang kanilang pamilya ngayong Pasko.

Upang maging posible ito, inihayag ng police chief sa ceremonial lighting ng Christmas lights sa PNP headquarters sa Camp Crame na magpapatupad ang PNP ng scheme na magbibigay-daan sa mga pulis na magsagawa ng tungkulin malapit sa kanilang mga tahanan.

“I am asking the Directorate for Personnel and Records Management to find a way for commissioned and non-commissioned officers to perform their duties away from their original assignments if needed, “The policy of cancelled holiday vacation for police personnel will be sustained but at least they will have the opportunity to still spend Christmas with their families,” ayon kay Carlos.

Ipapakalat ang mga pulis sa mga police station na pinakamalapit sa kanilang mga tahanan. Maaari rin silang magsilbing augmentation force kung magkakaroon ng mga emergency na mangangailangan ng kanilang tulong.

Mabagal ang industrialization sa PH kaya mabagal din ang pag ahon sa kahirapan

Marius Myrone S Zabat Jr
-
0
Mabagal ang industrialization sa PH kaya mabagal din ang pag ahon sa kahirapan

Sa  recovery mula sa global crisis, ang policy ng Pilipinas ay muling tutuon sa isang pangmatagalang agenda sa pag-unlad. Nakakadismaya ang long-term growth ng Pilipinas sa kabila ng mga magagandang paunang kondisyon. Sa paglipas ng mga dekada, ang ekonomiya ay nagdusa dahil sa mataas na kawalan ng trabaho, mabagal na pag ahon sa kahirapan, at walang pag-unlad na investments.

Bakit hindi maabot ng Pilipinas ang high growth na kagaya ng mga bansa sa paligid natin? Ano ang mga pangunahing sanhi ng talamak na problema sa kawalan ng trabaho, kahirapan, at kakulangan sa investment? Ayon sa ADB Economics Working Paper Series ni Norio Usui na may pamagat na Transforming the Philippine Economy: “Walking on Two Legs,” ang mahinang pag usad ng paglago ng Pilipinas ay maiuugnay sa mababang pag asenso ng productivity. Mabagal na industrialization partikular sa manufacturing. Ang mga talamak na problema ng mataas na unemployment, mabagal na pag ahon sa kahirapan, at mababang pamumuhunan ay mga repleksyon ng mabagal na industriyalisasyon. 

Ang paunang tagumpay sa electronics ay nagbigay ng kakayahan sa ekonomiya na magkaroon ng mga kakayahan para sa productive diversification. Gayunpaman, ang mga insentibo upang magamit ang mga kakayahang ito ay humina dahil sa kakulangan sa mga pangunahing imprastraktura, mahinang investment at matabang na business climate.

Sinusuri din ni Usui ang lumalaking services sector, partikular ang umuusbong na business process outsourcing industry sa epekto nito sa paglikha ng trabaho. Ang pangunahing konklusyon ay, sa halip na “tumalon” sa industriyalisasyon, ang Pilipinas ay kailangang “lumakad gamit ang dalawang paa” upang paunlarin ang industriya at mga serbisyo na bubuo ng mga oportunidad sa trabaho para sa lumalaking working-age population.

Ayon sa mga datos ng Industrial Revolution noong lumipat sa bagong manufacturing processes ang Britain, continental Europe at US noong mga 1760 hanggang sa pagitan ng 1820 at 1840, ilang mga ekonomista ang nagsabi na ang pinakamahalagang epekto nito ay ang pagtaas ng antas ng pamumuhay ng general population ng western world sa unang pagkakataon sa kasaysayan.

Kailangan ang seryosong pag aaral sa tulong ng mga eksperto upang sa wakas ay makita ang daan sa tunay na pag unlad sa Pilipinas. Iniisip ko kung kasama ba ang agenda na ito sa plataporma de gobyerno ng mga kandidato para sa 2022 elections.

Reference: Asian Development Bank

Precious moments: Mga bagong life skills na alay ng pandemya

Venus L Peñaflor
-
0
Precious moments: Mga bagong life skills na alay ng pandemya

Nagsasawa na tayo sa mga kwento at balita tungkol sa Covid-19 at bakuna. Kasi nga naman ay ito na lang ang laman araw araw ng mga pahayagan at telebisyon. Kaya pag usapan naman natin ang magagandang aral na itinuro ng krisis na ito sa atin. 

Family is everything

Pamilya ang pinakamahusay na gamot sa lahat. Ngayon, alam na ni Lola at ni Lolo na kung hindi man nila mayakap nang personal ang kanilang apo, pwede naman nilang tingnan si tutoy o si ineng sa video call. Na pwede rin palang mangumusta sa mga anak gamit ang email. Na maaari pa rin nilang ibahagi ang kanilang wisdom sa family group chat. Ang mga bagong technology skills na ito ang pinakadakilang regalo ng COVID sa older generation na karaniwan ay takot sa isolation.

Relax. Unwind. Indulge

Naging normal ang pagpapalayaw natin sa sarili dahil mahalaga ito sa wellbeing – para sa atin at para sa mga nakapaligid sa atin. Naging mahalaga para sa health at equilibrium natin ang mga gawain na dating itinuturing na makasarili. Isa na dito paliligo ng matagal sa bubble bath, ang pagkukukot ng halaman sa likod bahay, pag inom ng tsaa o kape habang nakataas ang paa o pag upo sa may bintana hanggang lumubog ang araw na suot mo pa rin ang iyong robe. Ang pagiging mabait sa sarili ay nag aalok ng konsolasyon sa kung anumang nakakatakot na pangyayari ang meron sa labas ng bahay.

Being broke is no joke

Salamat sa mga quarantine at sapilitang pagtitipid. Kung hindi man tayo mag pasyal, mag shopping o mag party, nakatipid naman tayo ng malaki. Naisip natin kung gaano kahalaga ang may nakatago para sa bukas. Bukod syempre ito sa pambili ng milk tea sa foodpanda o ng fried siomai sa Wentan. Iba pa rin sa pambili ng baking ingredients mo sa Wish Bonilla na pinick up ni rider Liezel. Natutuhan nating magsubi para sa emergency.

Hello po, Chairman

Kung dati ay hindi kasali si Chairman sa programa ng ating buhay, ngayon ay nakita natin kung gaano siya kahalaga sa mga panahon ng krisis. Lalo na kung ang chairman mo ay kasing sipag at kasing galing ni Kap Jeng. Na appreciate natin ang kahalagahan ng barangay system sa bigayan ng ayuda. Ramdam na ramdam natin na safe tayo pag naririnig nating dumadaan ang patrol bike ng mga barangay tanod. Kitang kita natin kung paano inasikaso ni Kap ang mga kapitbahay nating nagkasakit. Nabuhay ang cultural at social character natin.

Life is better with friends

If ever there is tomorrow when we’re not together there is something you must always remember. You are braver than you believe, stronger than you seem, and smarter than you think. But the most important thing is, even if we’re apart, I’ll always be with you. – Winnie-the-Pooh
Tulad ng maraming bahagi ng ating buhay, ang pagkakaibigan ay apektado din ng pandemya. Na miss natin ang mga tsikahan sa office at parties. Nawala ang mga class reunions at nag cancel ng bakasyon ang mga tropang nasa malayo. Naging close tayo sa iilang kaibigan lang. Sa kabilang banda, kapag malungkot tayo, hindi naman natin kailangan ang maraming kaibigan. Mas kailangan natin ang real talk sa ilang kaibigan lang kung saan ay nararamdaman natin ang suporta, pagmamahal at pagtanggap. Ang mahahabang video o audio call noong lockdown sa bestfriend mo ay priceless. Maswerte ako dahil meron akong Vinia at Paul na hindi nagagalit kahit kinukulit.

Ilan lamang ito sa mga bagong awareness na nakuha natin sa gitna ng krisis. Hindi ko na binanggit ang mga plantita at plantito at mga naging mahusay sa pagbuburda at gantsilyo, pagpipinta, pagluluto at pagbi-bake at marami iba pang bagong craft skill. Tayong lahat ay may kanya kanyang adjutsment sa new normal na kinapulutan natin ng mahalagang aral. Nakadagdag ang mga leksyong ito sa emotional intelligence natin. Maituturing nating mga bagong life skills ang mga ito.

Frontliners Partylist nakipag thanks giving kay Rep. Sol Aragones

Kevin Pamatmat and Roy Tomandao
-
0
Frontliners Partylist nakipag thanks giving kay Rep. Sol Aragones

Liliw, Laguna. Nagpahayag ng suporta kay Laguna 3rd District Representative Sol Aragones si dating Taekwondo practitioner Jayke Joson ng Frontliners Partylist noong Sabado sa Balay Celina, bayang ito.

Ang ginanap na thanksgiving event ay dinaluhan ng humigit kumulang na 500 bisitang frontliners na nabigyan ng maagang pamaskong cellphone, gift certificates, bisikleta at bigas mula kay Aragones.

“I would like to thank the Frontliners for saving the life of my parents last year during the height of the pandemic when they were infected by Covid-19. I know the everyday struggle of being a Frontliner, not only those working in hospitals but also the police, soldiers and our delivery boys,” ayon kay Joson na first nominee ng nabanggit na partylist.

Si Laguna 3rd Rep. Sol Aragones na tumatakbo ngayon bilang gobernador ng Laguna ay nagpahayag ng kanyang pasasalamat sa Frontliners Partylist sa pagsuporta sa araw-araw na laban ng mga doktor, nars, pulis, sundalo at mga food delivery boys, bukod sa iba pang manggagawa.

“I would like to thank Frontliners Partylist for being the voice of our very own life savers in the Congress soon. Thank you for offering your time and life to help them. We are with you in this fight, we will support you,” ayon kay Aragones.

Dumalo din dito si Liliw Mayor Nhon Montesines at ang kandidatong vice mayor nito na si Maria “Ayette” Ticzon.

Rabbit farming, ang pinakabagong livestock diversification na makapagbibigay ng dagdag na kita sa farmers

Joel Frago
-
0
Rabbit farming, ang pinakabagong livestock diversification na makapagbibigay ng dagdag na kita sa farmers

Kapag nanunuyo sa dalaga ang binata, lagi itong nagbibigay ng ng mga regalo sa kanyang nililiyag. Yan ang itinanim ng Diyos sa puso ng mga binata – ang maging maalalahanin sa kanyang minumutya. Naalala ko lang, rabbit ang regalo ko sa unang valentines day namin ng aking gf noon na wife ko na ngayon. Tuwang tuwa siya at hindi na nga pumayag na hindi niya ako maging asawa.

May kakaibang charm kasi ang mga rabbit. Dahil siguro sa  maamong itsura nito at malambot na balahibo.  Kaya naman maraming nag aalaga ng rabbit bilang pet.

Madalas din itong iregalo sa mga bata dahil safe kahit para sa toddlers. Pwede nilang hawakan o himasin dahil hindi ito nangangagat. Karaniwan ay sa rabbit nabubuksan ang isip at puso ng tao upang maging mapagmahal sa hayop.

Mayroong 305 breeds ng domestic rabbit sa 70 bansa sa buong mundo. Ang pinakamalaking breed ay ang Transylvanian rabbit na tumitimbang ng 10 kilo. Mga giant rabbit ito na kasing amo din ng mga regular na rabbit.

Dito sa Pilipinas naging bisita namin sa Forest Wood Garden farm si Doc  Sari Casanova na importer ng Giant Rabbit na nagkakahalaga ng Php 80,000 ang isa. Isa lamang ito sa mga breed ng rabbit na inaalagaan sa Pilipinas na may iba ibang laki, sukat at presyo, depende sa lahi.

Territorial animals ang rabbit. Nanganganak ito ng anim na beses sa loob ng isang taon. Mula sa pagkasilang,  kailangan ay 5 buwan bago ito kastahan. Mas mabuti kung ang doe rabbit ang dadalhin sa buck rabbit para siguradong makakastaan.

Instinctive ang proseso ng panganganak ng rabbit kaya hindi na nila kailangan ang tulong natin. May ugali din sila na magtanggal ng palahibo sa dibdib para ihanda ang  suso para sa mga baby rabbits. Ginagawa namang anakan at higaan ng kanyang mga kittens ang mga natanggal na balahibo.

Depende sa uri at klase ng lahi ng rabbit ang laki nito. May fancy breed ng rabbit na pang pet at breed na meat rabbit.  Ang mga pet type ay pwedeng pang cross breed sa mga meat rabbit para lumaki  ang lahi. 

Ang rabbit ay hindi mahirap alagaan dahil ang pagkain nito ay 70% forage gaya ng Mani mani plant, Madre de agua, at kangkong. Pero kahit mga ito ay herbivore, kailangan din ng mga ito ang 30% ng protina na galing sa pellet food upang sila ay maging malusog. Mahalaga ring malinis ang kanilang tirahan para hindi sila magkasakit. 

Kung mayroon kayong bukid, mas mainam kung ihahanda muna ang mga halaman na pwedeng pagkain bago mag alaga ng rabbit. Tamang tama naman na ang bukid namin ay mayaman sa halaman gaya ng mani mani at madre de aqua kaya’t hindi ako gagastos ng  malaki sa pagkain. 

Maraming pakinabang sa rabbit bukod sa ito ay nakakatuwang pet. Ang karne nito ay healthy all-white meat na mayaman sa high quality proteins, omega-3 fatty acids, vitamin B12,at minerals gaya ng calcium at potassium. Ang rabbit meat ay low in cholesterol din. 

Kaya nga dumadami na ang rabbit themed restaurant sa bansa at kailan lang ay lumabas na din sa market ang lechon rabbit.

Ang dumi ng rabbit ay pagkain ng African night crawlers, isang uri ng bulate na ginagamit sa composting. Ang ihi naman ay ginagamit na foliar o pampabulaklak. 

Sa kasalukuyan ay itinutulak ng Department of Agriculture ang pag aalaga ng rabbit dahil ito ay isang healthy at murang alternatibo sa pork. Bukod pa sa ito ay isang uri ng sustainable farming na may magaan na impact sa earth. Nakikita din nila ito na isang livestock diversification na mapagkikitahan ng farmers.

Dito sa atin sa Laguna ay kapuri puri ang  mga batang bata pang mga entrepreneur na mga former OFWs na ngayon ay nasa rabbit-raising enterprise na gaya nina Eric Manalo, Aldwin Chozas at  Resty Almoite. Sila ay mga haligi ng tahanan na sumubok landasin ang panibagong hamon ng buhay sa larangan ng pagnenegosyo. 

Dalangin ko ang tagumpay nila at ng bagong rabbit farming sa buong bansa. Kaugnay nito, alalahanin natin ang sinasabi sa Mga Awit 90:17 – Panginoon naming Diyos, kami sana’y pagpalain, magtagumpay nawa kami sa anumang aming gawin! Magtagumpay nawa kami!

Beyond politics: Kindness matters

Melinda Bagsic Evangelista
-
0
Beyond politics: Kindness matters

A lot of things had been said and written about former San Pablo City Mayor, now City Administrator Vicente B. Amante all pointing to his achievements as Chief Executive.  To say that he is the ‘Architect of Progress’ in this city to me is an understatement.  He will not be named the “Living Legend” simply for doing the things he had done in the past because those were part of his duties and functions as elected local official.

One must look beyond the man as a leader, public servant, friend, son, partner, father, political ally and nemesis to be able to know who he really is and why many Sampablenyos continue to support him from the time he was first elected in 1992.  I have been monitoring his program of government and I am amazed by how he placed a premium on health and education by putting up General Hospital and rural high schools in different barangays. These are on top of the many facilities he built like memorial parks, convention center and the Paseo de San Pablo where everyone could meet, dine and enjoy the beauty of the surroundings.

Mayor Vic or Pareng Biteng to many is not perfect.  Like an ordinary father of the family, he has his idiosyncrasies and habits but it is his imperfection that makes him adorable. His love for the city and its people is encompassing.  When asked for financial help or otherwise, he is always willing to extend a helping hand unlike others who will shoo away or hide behind the invisible curtain of office works and meetings.  

His empathy for the poor is real.  It transcends beyond politics and political colors.  I remember the story of this old woman from the Province of Batangas who approached him begging for help because her son needed an urgent operation in a hospital.  The good mayor was going to a derby somewhere and normally, he would not want to be disturbed but seeing the tears in the woman’s eyes, he went out of his car and gave her the money enough to cover for the operation.  What better Christian work is this, giving aid to the needy without expecting any return?

For the information of those who do not know him, Mayor Vic is putting into practice his political mantra “Your health is my concern!” This is why he put up the San Pablo City General Hospital which caters not only to the residents of San Pablo but also to the residents of the neighboring towns and provinces especially during this pandemic. As proof that his love transcends beyond politics, he spent a fortune financing the open-heart surgery of two of his political rivals with no strings attached.

One thing I appreciate so much about Mayor Vic is the kind of rearing he and his wife did to his children.  Unlike other kinds of influential politicians, the Amante siblings keep their feet on the ground.  They are courteous, helpful, soft-spoken and easy to approach.  I have yet to hear stories about them using their name to advance their personal interest.  I will not wonder if they will continue to rule in the years to come.

Manatili tayong alerto at laging isaisip ang malasakit sa kapakanan ng ating kapwa

Sandy Belarmino
-
0
Manatili tayong alerto at laging isaisip ang malasakit sa kapakanan ng ating kapwa

Noong Disyembre 5, 2021, ayon sa ulat ni San Pablo Asst. CHO Dra. Mercydina Abdona Mendoza-Caponpon kina Mayor Amben Amante at  CHO Dr. James Lee Ho  ay apat ang  nagpositibo at walang nakarekober na covid patient kaya naging sampu ang active cases ng lungsod.

Ayon sa detalyadong ulat ni Dr. Caponpon, tatlo ang natuklasang carrier ng virus habang naga-apply ng health clearance sa lokal na pamahalaan. Nangangahulugan na nasa tabi-tabi lamang pala ang Covid-19 at anumang oras ay pwedeng mahawa at mabiktima ang mga burara at panatag na mamamayan!

Isang matibay na pagpapatunay ng husay at galing ng San Pablo City LGU noong ang huling resulta ng whole genome sequencing (WGS) ay natanggap nina Caponpon mula sa DOH-4A sa Genome Center ng Pilipinas. Sabi dito, unang linggo ng nakaraang November 2021, ay may nagpositibo sa delta variant at nakahawa ng  close contacts. Sapagkat tatlong linggo na ang nakalipas mula ng suriin ang specimen ng covid patient, bago pa man dumating ang resulta ay pawang mga deklaradong negatibo at fully recovered na ang lahat. Mabuti at maagap ang naging isolation at contact tracing na isinasagawa ng San Pablo kaya napigilan agad ang pagkalat ng local transmission.

Hindi maaaring ang tanging pag basehan ay ang bilang ng mga active cases upang masabing ligtas na ligtas na ang lahat. Kakaunti nga ang bilang sa  ibang bayan subalit wala namang silang isinasagawang patuloy na mass testing, mahigpit na contact tracing, isolation at tamang sistema ng pagdedeklara ng mga fully recovered patients.  Dito sa ating lungsod ay maaaring mataas ng kaunti ang active cases subalit may kapanatagan naman ang kalooban ng lahat dahil sa mahusay na nagagampanan ng LGU San Pablo ang tamang sistema at proseso.

Natatakot tayo sa posibleng pagpasok ng Omicron Variant samantalang nasa paligid pa rin pala ang Alpha, Beta at Delta. Libong  San Pableños ang dinapuan ng mga ito at daan kababayan ang nasawi samantalang ni anino ng Omicron ay wala pa yata rito?

Ano mang oras ay pwedeng mag-spike ang mga kasong covid katulad ng nangyayari sa Europe at ibang bansa kahit wala pa ang presensya ng Omicron. Mapalad ang San Pablo sapagkat malapit na nitong maabot ang herd immunity. Magiging protektado na ang populasyon. Subalit mas kailangang ang dobleng pag iingat at huwag makampante. Kailangan ay manatili tayong alerto at laging isaisip ang malasakit sa kapakanan ng ating kapwa.

Omicron, posibleng hindi nagsasanhi ng malalang sintomas ngunit pinangangambahang doble ang bilis na makahawa kaysa Delta

EDGARDO HERNAL
-
0
Omicron, posibleng hindi nagsasanhi ng malalang sintomas ngunit pinangangambahang doble ang bilis na makahawa kaysa Delta

Tatagal pa ng ilang linggo bago malaman ang mga katangian ng bagong variant ng Covid-19 na Omicron, ang unang pinaka heavily mutated variant, ngunit ang mga naunang indikasyon ay nagmumungkahi na hindi ito nagsasanhi ng mas malalang sakit kaysa sa Delta, ayon kay Anthony S. Fauci, top infectious-disease expert ng US bagaman at nagbabala siya na data ay hindi pa tiyak.

Ayon sa kanya, “hindi ito mas malala kaysa sa Delta batay sa mga obserbasyon sa mga binabantayan na pasyente sa South Africa. Ang ratio sa pagitan ng bilang ng mga impeksyon at ang bilang ng mga naospital ay tila mas mababa kaysa sa Delta. Ngunit ang mga bagong ebidensya ay nagmumungkahi na ito ay mas mabilis makahawa kaysa sa Delta, ayon kay Fauci. 

Dalawang beses na mas mabilis makahawa ang Omicron kaysa sa Delta at posibleng tatlong beses na mas malamang na muling mahawahan ang mga nakarekober na sa Covid-19, ayon sa paunang pag-aaral mula sa South Africa ngayong linggo.

Sinabi ng CEO ng Pfizer na si  Albert Bourla sa Wall Street Journal na ang variant ng Omicron ay mas mabilis kumalat kaysa sa ibang strain ng COVID-19 at maaari itong humantong sa mas maraming mutasyon sa hinaharap. “Hindi magandang balita na ang Omicron ay mabilis na kumakalat dahil maaari itong makahawa sa bilyun-bilyong tao at lumikha ng mas maraming mapanganib na mutasyon,” ayon sa kanya.

Batay naman sa isang bagong pag-aaral sa laboratoryo sa South Africa, nagpapakita na ang variant ng omicron ay may significant ngunit walang buong kakayahan upang talunin ang mga antibodies na lumalaban sa virus na nabuo ng mga bakuna.

Samantala, ang manufacturer ng Sinovac na nag-supply ng pinakamaraming bakuna sa Covid-19 sa buong mundo ay tiwala na mabilis itong makakagawa ng bersyon laban sa variant ng Omicron kung kakailanganin at kung may makukuhang mga ebidensya at aprubadong regulasyon na kailangang i update ang bakuna.

Ang Sinovac ay nakapaghanda ng mga inactivated na bakuna laban sa mga variant ng Gamma at Delta ngunit hindi binago ang orihinal na formula ng bakuna dahil nakitang epektibo ito laban sa mga naunang strain, ayon sa report ng South China Morning Post.

Illustration: Lau Ka-kuen

Scholarship applicants sa isla ng Tingloy tumatanggap internet support mula sa DOST

Carlo Juancho Funtanilla
-
0
Scholarship applicants sa isla ng Tingloy tumatanggap internet support mula sa DOST

Tingloy, Batangas. Napagtagumpayan ng DOST Batangas ang hamon sa isyu ng internet connectivity at pinadali ang aplikasyon ng 2022 DOST-SEI Undergraduate Scholarships sa islang ito.

Ang pagtutulungan ng lokal na pamahalaan ng Tingloy at Tingloy Senior High School ay nagbukas sa mga kwalipikadong aplikante ng mabilis at epektibong paraan sa pagsusumite ng scholarship application sa DOST-SEI online application system. Ang scanning, konsolidasyon ng mga kailangang dokumento libreng ID picture ay bahagi din ng tulong na ibinigay ng DOST.

Kaugnay nito, nagpapasalamat si Ms. Juvie Ann Gabrieles, Officer-in-Charge para sa Tingloy Senior High School sa tulong ng DOST sa kanilang mga estudyante. Binanggit niya na pinalakas nito ang paghikayat sa mga mag aaral na mag apply DOST-SEI Scholarships at makapagsimula ng karera sa STEM.

Sa nakalipas na mga taon, ang DOST Batangas ay naging pursigido sa paghikayat sa mga mag-aaral mula sa Tingloy na ipadala ang kanilang mga aplikasyon para sa DOST-SEI Scholarship programs at makakuha ng pagkakataong matamasa ang mga benepisyo nito. Gayunpaman, kakaunti ang aplikasyon ang natatanggap kada taon dahil sa mabagal na internet speed. 

Ang nabanggit na aktibidad ay nagsisilbing  support intervention ng DOST Batangas sa bayan ng Tingloy at kinilala bilang isa sa Community Empowerment ng DOST CALABARZON sa pamamagitan ng pagpapalakas sa access sa mga site ng Science & Technology (CEST).

Ang mga aplikasyon para sa 2022 DOST-SEI Undergraduate Scholarships ay patuloy pa rin at extended hanggang Disyembre 31, 2021. Ang mga interesadong estudyante ay maaari na ngayong magsumite ng mga kinakailangang dokumento sa pamamagitan ng link na ito: 

https://usas.science-scholarships.ph

1...802803804...826Page 803 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3538World News3446Asia1490Curiosity1035War Reports and Updates644

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved