Your Daily News Update About CALABARZON and Beyond.
ISSN 2799-1911
Binaha ang kahabaan National Highway sa Purok 6 Brgy. Bucal sa Calamba City dahil sa patuloy na malakas na pagbuhos ng ulan na dala ng bagyong si Odette.
Mabagal ang daloy ng trapiko sa nabanggit na national highway. Pinapayuhan ang mga motorista na mag ingat o magpatila muna ng ulan bago maglakbay patungong Calamba City o Metro Manila.
Mga ngiting hindi matatawaran. Namahagi ng pamaskong handog sa mga residente ng Brgy. Sorosoro sa Biñan, Laguna si Biñan Mayor Arman Dimaguila kasama si Vice Mayor Gel Alonte at ang mga miyembro ng sangguniang panlungsod dito. Ang Pamaskong Handog project ay sa pakikipagtulungan sa tanggapan ni Laguna Representative 1st District Len Alonte Naguiat.
Mahigit 400 na kalahok ang lalaban sa pambansang kompetisyon sa kasanayan ngayong taon, para sa pagkakataong makasali sa World Skills Competition sa China sa susunod na taon, ayon sa pahayag ng Technical Education and Skills Development Authority (TESDA) noong Lunes.
Ang mga kalahok mula sa buong bansa ay nagpakita ng kanilang mga talento hanggang kahapon, Disyembre 16 sa kompetisyon na ginanap sa TESDA Central Office sa Taguig City, gayundin sa mga opisina nito sa Cordillera Administrative Region, Regions 2(Cagayan Valley), 3 (Central Luzon), 4-A (Calabarzon), at 7 (Central Visayas).
“This started with provincial skills competition, then moving to the regional skills competition. We modified the way competitions are held. There were three ways the competition can be conducted: in-person, virtual and hybrid competition. We developed our health and safety protocol for the competition which were strictly followed by the competitors,” ayon kay TESDA Secretary Isidro Lapeña sa panayam ng Philippine News Agency noong Lunes.
Dagdag pa niya, tiniyak nilang ganap na nabakunahan ang lahat ng kalahok. Nagbigay din ang TESDA ng health kits sa lahat ng sasali.
Kabilang sa mga skills areas sa pambansang kompetisyon ay ang electrical installation, carpentry, plumbing and heating, refrigeration at air conditioning, wall and floor tiling, landscape gardening, cabinet making, at joinery para sa construction at building technology sector; mechanical engineering CAD, electronics, mechatronics, welding, at prototype modeling para sa manufacturing at engineering technology sector; at 3D digital game art, fashion technology, at graphics design technology para sa creative arts at fashion sector.
Kasama rin ang IT network systems administration, IT software solutions for business, cybersecurity, and web technologies for the information and communication technology sector; beauty therapy, hairdressing, cooking, restaurant services, bakery, and hotel reception for the social and personal services sector; and automobile technologies for transportation and logistics sector.
Sinabi ni Lapeña na bukas din ang kompetisyon para sa mga hindi nagtapos ng TESDA.
Ang Bagyong “Odette” ay tuloy tuloy na tumutungo sa Palawan habang binabaybay nito ang Panay Gulf, ayon sa Philippine Atmospheric Geophysical and Astronomical Services Administration (Pagasa) ngayong Biyernes ng umaga.
Batay sa Sa 5 a.m. storm advisory ng Pagasa, ang mata ni Odette ay nasa layong 75 kilometro (km) timog-kanluran ng Iloilo City, simula 4:00 a.m.
Bahagyang humina ang bagyo dahil kasalukuyang nagdadala ito ng maximum sustained winds na 155 km per hour (kph) at pagbugsong aabot sa 235 kph, habang kumikilos pakanluran sa bilis na 35 kph.
Inaasahang magla-landfall ito sa vicinity ng northern o central portion ng Palawan mamayang hapon.
Ang nakasisirang lakas ng hangin ng bagyo ay inaasahan sa loob ng 18 oras sa hilagang bahagi ng Palawan (El Nido, Taytay, Araceli, Dumaran, Roxas, San Vicente, Puerto Princesa City) including Cagayancillo and Cuyo Islands
Inaasahan ang nakakasirang gale- to-storm-force sa loob ng 24 oras sa katimugang bahagi ng Oriental Mindoro (Bansud, Bulalacao, Roxas, Bongabong, Mansalay), katimugang bahagi ng Occidental Mindoro (Rizal, San Jose, Magsaysay, Calintaan, Sablayan), kanlurang bahagi ng Romblon (Looc, Ferrol, Santa Fe, San Jose, Alcantara, Santa Maria, Odiongan, San Agustin, San Andres, Calatrava), at gitnang bahagi ng Palawan (Narra, Sofronio Española, Quezon, Aborlan, Rizal, Brooke’s Point) kasama ang Kalayaan at Calamian Islands
Ang malakas na hangin ay inaasahan sa loob ng 36 oras sa kanlurang bahagi ng Camarines Sur, Albay (Del Gallego, Ragay, Lupi, Sipocot, Libmanan, Cabusao, Calabanga, Bombon, Magarao, Canaman, Pamplona, Camaligan, Gainza, Pasacao, Naga City, Milaor, San Fernando, Pili, Ocampo, Sagñay, Buhi, Iriga City, Baao, Bula, Minalabac, Nabua, Balatan, Bato), Sorsogon, Masbate kasama ang Ticao and Burias Islands, Marinduque, katimugang bahagi ng Quezon (San Antonio, Tiaong, Candelaria, Sariaya, Dolores, Lucena City, Pagbilao, Padre Burgos, Atimonan, Agdangan, Unisan, Gumaca, Plaridel, Pitogo, Lopez, Guinayangan, Buenavista, Catanauan, General Luna, Macalelon, Mulanay, San Narciso, San Andres, San Francisco, Tagkawayan, Calauag, Quezon, Alabat, City of Tayabas, Perez), ang natitirang bahagi ng Occidental Mindoro kasama ang Lubang Islands, Oriental Mindoro, Palawan at Batangas.
Lian, Batangas. Dalawang construction worker ang namatay matapos mahulog ang cement mixer truck na kanilang sinasakyan sa ginagawang kalsada sa gilid ng Lian River sa loob ng Lian Eco Park sa Sitio Hermosa, Barangay Malarahutan, bayang ito.
Kinilala ng Lian Rescue Team ang mga nasawi na sina Aniceto Oal , 38 taong gulang, may-asawa, driver at John John Obligado, 27, binata na pawang residente ng Lian.
Ayon sa imbestigasyon ng Lian Police Station, tumagilid ang cement mixer truck habang bumabaybay sa ginagawang kalsada sa tabing ilog ng bigla itong tumagilid at tuluyang nahulog. Ayon sa mga nakasaksi, nagtangka pang tumalon si Obligado ngunit kasabay nitong nahulog ang trak.
Ayon sa report, mabilis ang isinagawang pag saklolo ng Lian Rescue Team ngunit hindi na umabot ng buhay ang mga biktima sa Apacible Memorial Hospital.
Nagbabala ang Department of Social Welfare and Development (DSWD) kahapon sa publiko laban sa pagsunod sa isang impostor na DSWD Facebook page, na umano’y nag-aalok ng tulong pinansyal sa mga netizens.
Nakatanggap ang kagawaran ng ulat mula sa isang concerned citizen na ang isang pekeng FB page, na kumakalat online, ay nag-post ng status na humihiling sa publiko na magparehistro sa pamamagitan ng isang link upang makatanggap ng Php 10,000 na tulong pinansyal.
Binigyang-diin ng DSWD na wala itong mga programa o tulong pinansyal na ipinapatupad online o sa pamamagitan ng social media platforms.
Samantala, pinaalalahanan ng ng DSWDna sumangguni lamang sa opisyal na Facebook Page ng DSWD, https://www.facebook.com/ dswdserves o @dswdserves, na mayroong mahigit 1.1 milyong followers, para sa mga anunsyo at update tungkol sa iba’t ibang serbisyo at programa nito.
Kasalukuyang nagsasagawa ng angkop na aksyon at pagsisiyasat ang nabanggit na departamento tungkol sa usapin.
Para sa mga katulad na concern, pinapayuhan ang publiko na isumbong ito sa DSWD Agency Operations Center sa 8888 hotline.
Bacoor City, Cavite. Mahigit 1,400 pamilya ang tatanggap ng maagang pamasko ngayong taon kasunod ng seremonyal na turnover ng bagong proyekto ng pabahay ng pamahalaan kahapon sa lungsod na ito.
Pinangunahan ni Department of Human Settlements and Urban Development (DHSUD) Secretary Eduardo Del Rosario ang ceremonial turnover ng Ciudad de Strike Phase I, ang pinakabagong proyekto ng Social Housing Finance Corporation sa Barangay Molino 1, Bacoor City.
May kabuuang 1,440 units ang itatayo sa ilalim ng scheme, bahagi ng Community Mortgage Program ng SHFC, at makikinabang ang mga pamilyang nakatira sa mga danger zone sa buong Bacoor City.
Sa kanyang mensahe, binati ni Secretary Del Rosario ang mga benepisyaryo ng proyekto, sinabing maswerte silang nabigyan ng mga housing unit na tiyak na maipagmamalaki nila.
“Masasabi po natin para po sa inyo ang pinakamaganda at pinakamahalagang Christmas gift na maibibigay ng Bacoor City LGU. Na magkaroon kayo ng isang housing settlement na masasabi nating disente, affordable at sustainable. Ito po ang proyekto na subsidized housing na pinapairal ng national government with direct coordination with the LGU with a subsidized rate. Pinababa po namin nang husto ang interest rate dahil yan po ang utos ng ating mahal na Pangulo to ensure na tulungan ang ating mga kababayan 81% of Filipinos to have their own dream house,” ayon kay Del Rosario.
Binanggit din ni Del Rosario ang mga prinsipyo ng pabahay ng DHSUD na ang pabahay ay karapatan ng bawat pamilyang Pilipino, responsibilidad ng Departamento na bigyang kakayahan ang mga mahihirap na magkaroon ng access sa disente at abot-kayang pabahay, gayundin ang pagtiyak na walang sub-standard na proyektong pabahay na itatayo. sa ilalim ng administrasyong Duterte.
Dumalo rin sa okasyon sina SHFC President Arnolfo Ricardo Cabling, Cavite 2nd Representative Strike Revilla, Bacoor City Mayor Lani Mercado-Revilla, iba pang lokal na opisyal at mga tatanggap ng housing units.
Nagpahayag ng pasasalamat sina Rep. Revilla at Mayor Mercado-Revilla sa administrasyong Duterte sa pamamagitan ng DHSUD, gayundin sa SHFC sa pagsasakatuparan ng proyekto.
Lucena City, Quezon. Tinambangan at pinagbabaril ang isang kabo ng small town lotto (STL) sa Barangay Marketview, lungsod na ito.
Ang biktima ay kinilala ng Lucena PNP na si Abelma Paguio, 42 anyos, may asawa at residente ng Baranggay Barra sa nabanggit na lungsod.
Ayon sa paunang imbestigasyon ni Lucena Chief PNP Reynaldo Reyes, si Paguio ay naglalakad bandang 8:30 ng gabi ng siya ay harangin ng dalawang lalaking sakay sa motorsiklo at pagbabarilin ng backride nito.
Si Paguio, ayon sa ilang naninirahan sa pinangyarihan ng krimen, ay matagal ng kubrador ng jueteng at diumano ay malawak ang sakop ng pangungubra nito.
Naitakbo pa ng ilang bystander si Paguio sa St. Claire Hospital subalit idineklara itong dead on arrival.
Inaalam pa ng mga pulis ang motibo sa pagpatay.
Ngayong year 2021, maraming bagong lingo ang kabataan na nababasa ko sa social media at ako ay napapanganga. Kung hindi tayo updated, gaya namin ni Myna, na malapit ng maging senior ay talagang mapapaisip kayo sa mga bagong salitang ito. Ilang halimbawa nito ang “Maritess” o mare, anong ang latest, “sakalam” o malakas, “awit” o aww sakit, “lodi” o idol, “petmalu” o malupit. Ah eh, at maraming iba pa.
Ganun pa man, ang mga kabataan ay marami ring salita na kailangang habulin sa ating mga plantitas at plantitos at magsasaka. Isang halimbawa nito ang halamang mani manian. Madalas akalain ng mga kabataan na ito ‘yong halamang mani na naglalaman ng peanut pods na nilalaga o inaabodo.
Ano nga ba ang halamang mani manian o golden glory, Arachis pintoi o Pinto Peanut? Ang scientific name nitong Arachis pintoi ay ipinangalan sa Brazilian botanist na si Geraldo Pinto. Mukhang mani ngunit hindi mani.
Ang halamang ito ay paboritong pagkain ng mga alaga nating hayop sa bukid gaya ng rabbit, manok, pabo, baboy, baka, kalabaw, kabayo, kambing, tilapia, hito at iba pang forage animals gaya ng chicken, turkey, pig, cow, hoarse, goat, tilapia at catfish. Mataas ang nitrogen fixing rate ng halamang ito. Ang high quality forage na mani manian ay may protein content na naglalaro sa pagitan ng 17% at 20%, at dry matter digestibility na nasa pagitan ng 67% at 71%.
Ang bulaklak nito ay edible at pwedeng gamitin na color ingredient sa mga soup at salad.
Isa sa mga bagong paborito ng mga landscape artist itong Arachis pintoi para sa mga home garden at landscape institutions, theme park, botanical garden, golf course, tabing daan, resort, pathway, at marami pa. Ayon kasi sa mga pag-aaral, pinabubuti ng Arachis ang kundisyon at fertility ng lupa. Mabilis itong kumalat kaya madaling natatakpan ang lupa at nakakatulong ito ng malaki sa pagkontrol ng soil erosion.
Mainam itong itanim sa mga dahilig na lugar sapagkat nakakatulong upang huwag gumuho ang lupa. Maganda din itong gamitin na ground cover sa landscape. Dahil mga tatlo o apat na linggo matapos itong sumibol ay namumulaklak na at buong taon na namumulaklak. Ideal na background ang mani manian field para sa mga prenuptial, anniversary at birthday pictorial.
Ang mga halaman ay kasama natin na nilikha ng Diyos. Ang mga ito ay may mahalagang ginagampanan sa biodiversity at sa ecosystem ng ating mundo. Mahalaga na maging mapanaliksik tayo at magdagdag ng kaalaman bilang pagpapahalaga sa inang kalikasan.
Sabi nga sa Genesis 9:3, bawa’t gumagalaw na nabubuhay ay magiging pagkain ninyo; gaya ng mga sariwang pananim na lahat ay ibinibigay ko sa inyo.
Just a few days from now and the entire christendom shall be celebrating the birth of Christ – the true reason for the season. But if you will notice, the celebration of his birth is very much commercialized nowadays not only here in the Philippines but in some other parts of the world. Instead of giving emphasis to why He came to this earth, commercial establishments see and use it as a perfect time to sell all sorts of novelty items ranging from clothes, shoes, bags, jewelries and other stuffs like lanterns, curtains, bedding and many more with colorful designs that will attract buyers.
Not only that. Even hotels, restaurants, fast food chains and resorts are busy advertising innovation so they can entice visitors. Some are giving away freebies to customers depending on the chosen accommodation. Nowhere in the malls will one find the portrait of Christ as depicted to us by the church, instead we will see the picture of Santa Clause and his reindeers, the star of Bethlehem and all sizes and colors of Christmas trees wrapped with flamboyant lights.
Christmas season is very good for business because everybody, save the poorest of the poor, are spending money to buy new things. I see nothing wrong celebrating the birth of Christ with revelries, songs and extravagant foods because it boosts the economy though it shows a great divide between the rich and the poor. The pompous celebration of the rich during Christmas is totally opposed to the coming of the Lord in a manger wrapped in swaddling clothes.
I am not saying that we should wear rags and eat unpleasant bread. What I would like to impart is we should live a modest life and learn to share our blessings to the less fortunate because for me that is the true spirit of Christianity. Frowning upon the poor while living lavishly in comfort is atrocious and presumably a disgrace to humanity if not an abomination to the Lord.
I appreciate those who voluntarily set up pantries during the height of this pandemic to feed those who were trapped in their homes due to the lockdown imposed by the government and who subsequently lost their jobs. They showed the world that “giving and sharing is not seasonal” as contemplated by the people running St. Martin De Porres Kids Home at Brgy. Concepcion in San Pablo City. They are living exemplars of Christians whose works are worthy of emulation because they gladly share their time and skills to make the lives of abandoned and orphaned kids productive and useful every day of the year.
Because God is love, I guess love is the key to everything good and beautiful. As wisely stated in the old Filipino Christmas carol, “Ang pag-ibig pag s’yang naghari, araw-araw ay magiging pasko lagi.”
