Handang makipagtalakayan ang Ukraine hinggil sa pagpapatibay ng neutral status nito upang wakasan ang digmaan sa Russia, habang nagpapatuloy ang peacetalks, ayon kay Ukrainian President Volodymyr Zelensky.
Si Zelensky ay gumugol ng 90 minuto sa pagsasalita sa mga independiyenteng Russian news outlet ngayong araw.
Ipinagbawal ng gobyerno ni Vladimir Putin ang Russian media ang pag-uulat o pag-publish ng panayam ngunit hindi nito napigilan ang footage sa malawakang pag-post, kasama ang mismo ang mismong Telegram channel ni Zelenky.
Sinabi ni Mr Zelensky na siya ay bukas sa “neutrality”, pati na rin sa isang “compromise” tungkol sa sinasakop na silangang rehiyon ng Donbas.
“Security guarantees and neutrality, non-nuclear status of our state. We are ready to go for it. This is the most important point,” ayon sa kanya.
Idiniin ni Mr Zelensky na ang seguridad ng Ukraine ay kailangang garantisado ng mga ikatlong partido, at ang neutralidad ay kailangang maaprubahan sa isang reperendum.
Inamin din niya na hindi tatangkain ng Ukraine na bawiin ang lahat ng teritoryong sinakop ng Russia sa pamamagitan ng puwersa, na sinasabing magsisimula ito ng “World War III”.
Noong una ay neutral ang Ukraine noong naging independyente ito noong 1991, ngunit nagbago iyon pagkatapos gawing annex ng Russia ang Crimea noong 2014, na nag-udyok sa gobyerno ng Ukrainian na magpatibay ng bagong layunin na maging miyembro ng NATO.
Ang pagtanggap ng neutralidad bilang isang kondisyon ng kapayapaan ay magiging isang makabuluhang konsesyon sa Russia, dahil kaakibat nito ang pagtanggal sa ambisyon nito na sumali sa NATO.
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
