Los Baños, Laguna. Lubhang makikinabang ang mga magsasaka ng kape at mga nagpoproseso ng kape sa Inclusive Innovation Center (RIIC) initiative in Calabarzon, ayon kay Emelita Bagsit, Department of Science and Technology Region IV-A Director.
“Kapeng barako is the focus commodity of RIIC as this is an important commodity in the region. It would also help re-establish the branding and reintroduce barako coffee,” ang paliwanag ni Bagsit.
Ang kapeng barako (liberica) ay matapang na variety ng kape at karaniwang itinatanim sa mga lalawigan ng Batangas at Cavite.
Ang RIIC sa Calabarzon ay isang inisyatiba ng pakikipagtulungan ng DOST, Department of Trade and Industry, Batangas State University (BatStateU), NEDA, PCCI, na may suporta mula sa USAID STRIDE. Nangako ang DOST-Calabarzon ng Php1.4 million upang palakasin ito.
Ang DOST-Calabarzon at ang mga katulong na ahensya nito sa pagtatatag ng RIIC ay may layuning tumulong sa mga nasa pagtatanim at kalakalan ng kape sa pamamagitan ng pagbibigay ng mga makabagong programa at serbisyo, at research and development sa mga micro, small at medium enterprises.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
