LUCENA CITY, Quezon. Nahulog at namatay ang isang 36-taong-gulang na kasambahay ang mula sa ikalimang palapag ng bahay ng kanyang amo noong Sabado ng hapon, Hunyo 15, sa Barangay Ibabang Dupay, sa lungsod na ito.
Ayon sa ulat, kinilala ng mga pulis ang biktima na si Marites, na may live-in partner, at residente ng Sitio Abukaduhan, Barangay Munting Parang, Tagkawayan, Quezon.
Batay sa imbestigasyon, nabasag ang fiberglass na bubong ng isang hardware store sa ikalimang palapag habang ito ay tinatapakan ni Marites. Bumagsak siya mula sa ikalimang palapag hanggang sa ground floor ng bodega at agad na binawian ng buhay.
Sinabi rin ng pulisya na gusto nang umalis ng biktima sa kanyang trabaho sa hindi pa nalalamang dahilan, at ang kanyang paraan ng pagtakas ay sa pamamagitan ng ikalimang palapag ng bahay.
Isinailalim ang katawan ni Marites sa post-mortem examination ng Lucena City police upang malaman ang iba pang detalye ng kanyang pagkamatay.
Ang mga imbestigador ng homicide ay patuloy na nagpoproseso ng ebidensya upang masagot ang mga tanong kaugnay ng insidente.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
