Dolores, Quezon. Dead on spot ang isang municipal councilor ng bayang ito matapos tambangan kaninang umaga.
Ayon sa report ng Dolores Municipal Police Station (MPS), naglalakad upang mag exercise si Councilor Orly Barsomo nang lapitan ito ng suspek at pagbabarilin sa iba’t ibang bahagi ng katawan.
Duguan na bumagsak sa lupa ang biktima. Isang fruit vendor ang nakakita sa pangyayari at kaagad nag-report sa pulis.
Ang biktima nasa ikatlong termino na bilang konsehal at nakaupong chairman ng budget, finance appropriations.
Sa kasalukuyan ay patuloy na nagsasagawa ng imbestigasyon ng Dolores MPS upang alamin ang motibo ng pagpatay at kung sino ang nasa likod nito.
Dumating na sa lugar ang SOCO o Scene of the Crime Operatives na nagsasagawa ng pagsisiyasat sa pinangyarihan ng krimen.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
