Magpadala ang South Korea ng isang team ng mga eksperto at PHP11 milyon na halaga ng kagamitan bilang tulong sa paglilinis ng Mindoro oil spill na dulot ng lumubog na tanker noong nakaraang buwan.
Sinabi ng Korean Embassy sa Manila noong Huwebes na apat na tauhan mula sa Korean Coast Guard (KCG) ang darating sa Maynila sa Marso 27 upang makipag tulungan sa Philippine Coast Guard.
Magbibigay din ang Korea ng 20 toneladang sorbent pad at snares, 1,000 metro ng solid flotation curtain boom, at 2,000 set ng personal protective equipment (PPE) para sa mga responders.
Inaasahang darating ang mga item na nagkakahalaga ng USD210,000 o humigit-kumulang PHP11.4 milyon sa Abril 5.
Sinabi ng embassy na ito ang unang pagkakataon na ang South Korea ay nagpadala ng tulong para sa pag-iwas sa marine pollution.
“For the oil spill in Mindoro, the Government of Korea has been closely working with the Philippine Coast Guard and decided to offer assistance in solidarity with the Philippines, including needed materials and support from the KCG Emergency Response Team. Korea will continue to support the Philippines’ response and clean-up efforts to expedite the recovery of the affected towns and their residents’ livelihoods and to prevent further damage to its natural resources,” ayon sa statement ng Korea.
Korea ang pangatlong bansang nagpaabot ng tulong mula nang tumaob at lumubog ang oil tanker na MT Princess Empress sa karagatan ng Naujan sa lalawigan ng Oriental Mindoro noong Pebrero 28, na naglabas ng humigit-kumulang 800,000 litro ng industrial fuel oil sa dagat.
Nagpadala din ang Japan at United States ng mga eksperto, kabilang ang mga miyembro ng kani-kanilang Coast Guards upang magbigay ng teknikal na suporta sa PCG.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
