Nagpapahayag ang mga kompanya ng langis sa bansa na magpapatupad sila ng malaking dagdag-presyo sa mga produktong petrolyo simula ngayong Martes Santo.
Sa anunsyo ng mga nasabing kompanya na kinabibilangan ng Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz, at Phoenix Petroleum, inanunsyo nila na magpapatupad sila ng dagdag-presyo na P2.20 bawat litro ng gasolina, P1.40 bawat litro ng diesel, at P1.30 bawat litro ng kerosene simula 6:00 ng umaga ngayong araw.
Bukod dito, magkakaroon din ng malaking pagtaas sa presyo ng mga nabanggit na produktong petrolyo sa parehong halaga ang kompanyang Caltex (CPI), na ipapatupad sa alas-12:01 ng madaling araw bukas, at ang CleanFuel, na magpapatupad naman 4:01 ng hapon bukas.
Ang mga pagtaas sa presyo ng produktong petrolyo ay dulot ng patuloy na paggalaw ng mga presyo sa pandaigdigang merkado.
Kamakailan lamang noong nakaraang Martes ay nagkaroon din ng pagbabago sa presyo ng mga produktong petrolyo sa bansa, na nagresulta sa dagdag-presyo na P0.10 bawat litro ng gasolina at bawas-presyo naman na P0.10 bawat litro ng diesel, ngunit walang pagbabago sa presyo ng kerosene.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
