Makakaranas ng maulap na papawirin at ilang mga pag-ulan sa Sabado ang kalakhang bahagi ng bansa, kung saan ang ilang mga lugar ay makakaranas ng masamang panahon dahil sa Bagyong Henry.
Sa 5 a.m. tropical cyclone bulletin, sinabi ng Philippine Atmospheric, Geophysical and Astronomical Services Administration (PAGASA) na huling tinataya na nasa 360 km ang sentro ng mata ni “Henry”. silangan-hilagang-silangan ng Itbayat, Batanes at dahan-dahang kumikilos pahilaga.
Taglay nito ang lakas ng hanging aabot sa 150 kph malapit sa gitna at pagbugsong aabot sa 185 kph, at tinatayang lalabas ng Philippine Area of Responsibility (PAR) pagsapit ng 2 a.m. bukas, Linggo.
Ang Tropical Cyclone Wind Signal No. 2 ay itinaas sa Batanes habang ang Signal No. 1 ay nakataas sa Babuyan Islands at hilagang-silangan na bahagi ng mainland Cagayan.
Samantala, sa forecast ng PAGASA ang maulap na papawirin na may kalat-kalat na pag-ulan at pagkidlat-pagkulog sa Metro Manila, rehiyon ng Ilocos, nalalabing bahagi ng Lambak ng Cagayan, rehiyon ng Cordillera, Central Luzon, Calabarzon, at Occidental Mindoro, dala ng labangan ng “Henry” at southeast monsson o “habagat”.
Ang nalalabing bahagi ng bansa ay makakaranas ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog.
Hinimok ng Malacañang nitong Biyernes ang publiko na manatiling alerto kahit patuloy na humihina ang Bagyong “Henry.”
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
