Inaasahang magkakaroon ng rollback sa presyo ng mga produktong petrolyo sa susunod na linggo matapos ang isang linggong paggalaw, ayon sa Department of Energy-Oil Industry Management Bureau. Ayon kay Assistant Director Rodela Romero, base sa oil trading sa nakaraang apat na araw, magkakaroon ng pagbaba sa presyo ng mga produktong petrolyo.
Ang inaasahang rollback ay ang sumusunod:
- Gasolina – P0.50-P0.80 kada litro
- Diesel – P0.20-P0.50 kada litro
- Kerosene – P0.20-P0.45 kada litro
Depende sa kalakalan ngayong Biyernes, maaaring magbago ang mga taya.
Karaniwang nag-aanunsyo ng mga adjustment sa presyo ang mga kumpanya ng langis tuwing Lunes, na ipapatupad sa susunod na araw.
Noong Martes, Marso 5, ibinaba ng mga kumpanya ng gasolina ang presyo ng diesel at kerosene ng P0.40 at P0.35 kada litro, ayon sa pagkakasunod. Ngunit itinaas ang presyo ng gasolina ng P0.50 kada litro.
Sa kabuuan, ang year-to-date adjustments ay nagdala ng pagtaas na P5.95 kada litro para sa gasolina, P4.05 kada litro para sa diesel, at P0.05 kada litro para sa kerosene.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
