Quezon City. Naaresto ang dalawang most wanted persons (MWPs) sa Region 4A (Calabarzon) sa kamakailang serye ng arrest warrant operations, ayon sa ulat ng Criminal Investigation and Detection Group (CIDG) nitong Biyernes.
Sa isang pahayag, sinabi ni CIDG chief, Brig. Heneral Ronald Lee, na ang 24 anyos na construction worker na si Arnante Domingo, na tinaguriang ika-10 most MWP ng Police Regional Office sa Calabarzon (PRO-4A) ay naaresto sa isang operasyon sa Barangay 7 Panungyanan sa General Trias, Cavite noong Huwebes.
Si Domingo ay mayroong standing arrest warrant para sa dalawang kaso ng panggagahasa na inisyu ng Trece Martires City Regional Trial Court (RTC) Branch 5 noong Nobyembre 8, na walang inirekomendang piyansa.
Dinala sa CIDG ang naaresto para sa kaukulang disposisyon at dokumentasyon.
Samantala, naaresto si Jeffrey Moscosa sa Brgy. Luzviminda 2 sa Dasmariñas City, Cavite noong Miyerkules.
Mayroon siyang dalawang standing arrest warrant na inisyu ng mga korte sa San Pedro City, Laguna province at sa Quezon City na inisyu noong Setyembre 2017 at Marso 2022.
“Si Moscosa na sinasabing Top Most Wanted Person sa Region 4A ay wanted rin sa mga kasong Murder at Frustrated Murder in relation to RA 7610, ayon kay Lee.
Nasa ilalim na ngayon ng pansamantalang kustodiya ng CIDG sa Laguna si Moscosa habang hinihintay ang pagbabalik ng kanyang mga warrant sa courts of origin.
“The operation is still part of an all-out operation launched by the CIDG against wanted persons in compliance with the directive of General Rodolfo Azurin to conduct extensive manhunt operations on criminals wanted by the law,” dagdag ni Lee.
Samantala, naaresto na sa Parañaque City ang nangungunang pugante sa Mimaropa Region.
Ayon kay Police Regional Office-Mimaropa (PRO-4B) Director, Brig. Gen. Sidney Hernia, ang suspek na si Rodel Ulan, 19 anyos, tubong Naujan, Oriental Mindoro, ay inaresto ng magkasanib na tauhan ng Regional Anti-Cybercrime Unit sa Mimaropa at ng Naujan Municipal Police Station, sa pakikipag-ugnayan sa Coast Guard Station Oriental Mindoro sa harap ng Grand West Side Hotel, Bay Boulevard sa Bagong Nayong Pilipino, Parañaque City noong Huwebes.
Si Ulan ay may nakabinbin na ilang warrant of arrest para sa grave coercion, dalawang counts ng robbery, 11 counts ng acts of lasciviousness at 11 counts ng paglabag sa Anti-Child Pornography Act of 2009.
Nasa kustodiya na siya ngayon ng pulisya para sa turnover sa issuing court sa lalong madaling panahon.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
