Nakapagtala ang Pilipinas ng 32,246 na bagong impeksyon sa coronavirus at 5,063 ang gumaling, ayon sa ulat ng Department of Health kanina.
Ang pinakahuling bulletin ng Covid-19 ay nagpakita na mayroong 208,164 na active cases habang ang kabuuang mga gumaling ay tumaas sa 2,797,816, o 91.5 porsyento ng 3,058,634 mula nang magsimula ang pandemya noong Marso 2020.
Ang bilang ng mga bagong kaso noong Miyerkules ay mas mataas kaysa sa 28,007 noong Martes.
Sa mga aktibong kaso, 197,091 ang banayad, 2,872 ang katamtaman, 6,435 ang asymptomatic, 1,468 ang malala, at 298 ang kritikal.
“Of the 32,246 reported cases today, 31,793 (99 percent) occurred within the recent 14 days – Dec. 30, 2021 to Jan. 12, 2022,” ayon sa Department of Health.
Ang mga rehiyon na may pinakamaraming kaso sa nakalipas na dalawang linggo ay ang National Capital Region (NCR) na may 17,902 o 56 porsiyento ng mga bagong impeksyon; Region 4-A (Calabarzon), 6,838 o 22 percent; at Central Luzon, 3,268 o 10 porsyento.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
