Ang pagbabakuna pa rin laban sa sakit na coronavirus 2019 (Covid-19) ang nananatiling pinakamahusay na proteksyon laban sa variant na Omicron, ayon sa mga adviser ng National Task Force (NTF) against Covid-19 noong Lunes ng gabi.
“We hope that people will continue to get their booster doses and protection. The DOH (Department of Health) detected the third Omicron variant case. Our best protection is more vaccination,” ayon kay Dr. Teodoro Herbosa sa isang panayam noong dumating sa bansa ang 976,950 doses ng Pfizer Covid-19 vaccine.
Sinabi ni Herbosa na nagsisikap ang gobyerno na maabot ang target na ganap na mabakunahan ang 54 milyong Pilipino bago matapos ang taon.
Nagpahayag din siya ng pag-asa na ang mga rehiyong sinalanta ng Bagyong Odette ay makakahabol sa kanilang mga aktibidad sa pagbabakuna.
Ngayon Disyembre 19, ang Pilipinas ay nakapagbigay na ng 100,907,667 doses ng mga bakuna. Mahigit 43.5 milyon na ang ganap na na-inoculate, habang 1,113,377 shots ang nabigyan na ng booster doses.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
