Lumban, Laguna. Nahuli sa bayang ito kahapon ang isang number 6 most wanted person sa Brgy. Maylatang, bayang ito. Kinilala ni Laguna Provincial Director at Police Provincial Office PCOL Rogarth Bulalacao Campo ang nadakip na si Alexander Quijano y Mamonong alias Alex, lalaki, Filipino, 42 taong gulang, may asawa, isang negosyante at residente ng nabanggit na bayan.
Ayon sa report, si Quijano ay naaresto sa loob ng operasyon na isinagawa ng Lumban Municipal Police Station sa pangunguna ni PSMS Mark Valliant C Rey, Chief Warrant PNCO sa ilalim ng pangangasiwa ni PCPT Ed Richard P Pacana.
Si Quijano ay dinakip sa bisa ng warrant of arrest na ibinaba ni Judge Iluminado M. de la Pena ng RTC Branch 28, Sta Cruz, Laguna sa kasong murder.
Nakuha ng mga awtoridad sa nadakip ang isang baril na kalibre 45 at mga bala nito at isang itim na bodybag.
Sasampahan si Quijano ng bukod na kaso ng paglabag sa RA 10591.
Kevin Pamatmat
Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.
