MAYNILA. Itinaas ng Philippine Atmospheric, Geophysical and Astronomical Services Administration (PAGASA) nitong Miyerkules ang kategorya ng tropical depression Opong matapos itong lumakas at maging isang tropical storm habang nasa loob ng Philippine Area of Responsibility (PAR).
Ayon sa tropical cyclone bulletin ng PAGASA, “Opong is less likely to directly affect the weather condition of the country in the next 24 hours. The onset of heavy rains due to Opong is possible by tomorrow, 25 September, onwards.”
Inaasahang maglalagay ng Tropical Cyclone Wind Signal No. 1 sa northeastern Mindanao, Eastern Visayas, at Bicol Region sa loob ng araw. Posibleng umabot sa Wind Signal No. 3 ang itaas habang tinatahak ni Opong ang PAR, dahil maaari itong lumakas hanggang severe tropical storm category.
Samantala, nananatiling malakas ang super typhoon Nando habang tumatahak sa coastal waters sa timog ng China.
Inaasahan ng PAGASA na kikilos si Nando pa-kanluran hilagang-kanluran patungo sa katubigan sa timog ng mainland China at posibleng mag-landfall sa southern China nitong Miyerkules ng hapon o gabi.
“Nando will begin to weaken due to marginally favorable environment over the waters south of mainland China and the increasing frictional effects due to proximity to land. Further weakening is expected post landfall this afternoon or evening,” ayon pa sa PAGASA.
Weather forecast
Sa Miyerkules, makararanas ng paminsan-minsang pag-ulan ang La Union, Pangasinan, Zambales, Bataan, Tarlac, Pampanga, at Occidental Mindoro dahil sa epekto ng Southwest Monsoon.
Ang Metro Manila at iba pang bahagi ng Luzon ay makakaranas ng maulap na papawirin na may kalat-kalat na pag-ulan at thunderstorms dulot din ng Southwest Monsoon.
Sa Visayas at Zamboanga Peninsula, asahan ang bahagyang maulap hanggang maulap na kalangitan na may mga isolated rainshowers o thunderstorms.
Samantala, ang nalalabing bahagi ng Mindanao ay makararanas ng bahagyang maulap hanggang maulap na papawirin na may mga localized thunderstorms.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
