MAYNILA. Hinimok ng Malacañang ang mga bangko na pagbutihin ang kanilang mga polisiya upang mapigilan ang lumalalang cyber fraud at pag-atake sa sektor ng pananalapi.
Ito ay matapos makumpirma na ang mga financial institutions na pinangangasiwaan ng Bangko Sentral ng Pilipinas (BSP) ay nakaranas ng P5.82 bilyong pagkalugi dahil sa cyberattacks noong 2024. Ang halagang ito ay mas mataas ng 2.6% kumpara sa P5.67 bilyon na naitala noong 2023.
Mas Matibay na Cybersecurity Policies
“In line with that, atin din pong hinihikayat na magkaroon din po ang mga bangko, mabago ang kanilang mga internal policies patungkol po dito,” pahayag ni Presidential Communications Office (PCO) Undersecretary at Palace Press Officer Claire Castro sa isang press briefing sa Malacañang.
Binigyang-diin ni Castro na kailangang mas pagtibayin ang cyber resilience ng financial sector upang maprotektahan ang publiko laban sa mga cybercriminals.
Kasabay nito, sinabi niya na patuloy ang pamahalaan sa pagpapalakas ng information dissemination upang maturuan ang publiko kung paano makakaiwas sa mga online scam.
“Nag-e-evolve po talaga ang paggawa ng krimen. So, kailangan din po ang mga proyekto natin, ‘yong ating mga panuntunan dito ay dapat nag-a-upgrade din po,” dagdag ni Castro.
Patuloy na Pagtaas ng Cyber Threats
Ayon sa BSP circular, ang lahat ng pinangangasiwaang financial institutions ay inaatasang magsumite ng regular at event-driven reports hinggil sa teknolohiyang ginagamit, pati na rin ang mga insidente ng malalaking cyberattacks.
“The number of reports on crimes and losses submitted by supervised institutions has increased from 40,780 in 2024 to 40,572 in 2023,” ayon sa data ng BSP.
Kabilang sa pangunahing cybersecurity risks na kinaharap ng mga BSP-supervised institutions noong 2024 ay phishing, “card-not-present” fraud, account takeover o identity fraud, at hacking.
“Estimated losses due to phishing and card-not-present fraud rose to PHP1.8 billion and PHP1.5 billion, respectively,” ayon sa BSP.
Patuloy na pinapayuhan ng mga eksperto ang publiko na maging maingat sa pagbibigay ng personal at financial information online upang maiwasan ang pananamantala ng mga cybercriminals.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
