Dahil sa panganib na maging kritikal ang suplay ng kuryente, naglabas ng kautusan si Pangulong Ferdinand “Bongbong” Marcos Jr. na nag-uutos sa lahat ng ahensya ng gobyerno at sa publiko na magtipid sa paggamit ng kuryente.
Ang panawagan ay sumunod matapos ilagay sa red at yellow alert status ang Luzon power grid ng National Grid Corporation of the Philippines (NGCP).
Nakipag-ugnayan din ang chief executive sa Department of Energy (DOE) upang mahigpit na bantayan at kausapin ang mga stakeholders upang tugunan ang sitwasyon sa suplay ng kuryente.
Inatasan din ni Pangulong Marcos ang lahat ng ahensya ng gobyerno na magtakda ng mga pamantayan sa paggamit ng enerhiya, at hinihimok ang publiko na magtipid din sa paggamit ng kuryente.
“Sa panahong ito, mahalaga na sama-sama tayong magtulungan upang matiyak ang isang stable na suplay ng kuryente sa mga susunod na araw. Tayo’y magsagawa ng mga energy-efficient practices at magkaisa upang lampasan ang hamon na ito,” sabi pa ni Pangulong Marcos.
Ayon sa NGCP, ang yellow alert status ay inilalabas kapag hindi sapat ang operating margin upang matugunan ang mga pangangailangan ng transmission grid contingency. Samantala, ang red alert status ay iniisyu kapag hindi sapat ang suplay ng kuryente para sa mga consumer at ang regulating requirement ng transmission grid.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
