Itinalaga si Police General Dionardo Carlos bilang ika 27 Philippine National Police Chief matapos niyang tanggapin ang rango na 4 star general mula kay Pangulong Rodrigo Duterte sa Palasyo ng Malacañang noong Nobyembre 17.
Pinalitan ni Dionardo ang nagretirong si PGen. Guillermo Eleazar.
Si Carlos ay dating Chief of Directorial Staff ni PGen Eleazar. Naging Director for Integrated Police Operations (DIPO) sa Visayas, Director for Police Community Relations (DPCR), Director for Information and Communication Technology Management (DICTM), Director ng Highway Patrol Group, Director ng Aviation Security Group, Regional Director ng Police Regional Office 8 sa Eastern Visayas; at Provincial Director of Police Provincial Offices sa Negros Oriental at Quezon province.
Ang bagong PNP Chief ay alumnus of the Philippine Military Academy “Maringal” Class 1988. Nagtapos sya ng dalawang Master’s Degree in Management sa Asian Institute of Management (AIM) at sa Philippine Christian University (PCU).
Nakatatanda niyang kapatid si Rear Admiral Alberto B Carlos ng Philippine Navy.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
