Nagtalaga ang Philippine Coast Guard (PCG) ng mga K9 units at uniformed personnel sa buong bansa bilang bahagi ng pinaigting na security operations nito noong Mayo 9 na pambansang halalan.
Sa isang post sa Facebook noong Lunes, sinabi ng PCG na mahigit 400 explosives at narcotics detection dogs at ang kanilang mga handler ay naka-deploy sa buong bansa upang mag-inspeksyon sa mga lugar ng botohan, vote counting centers, at city halls.
Bilang bahagi ng “OPLAN Biyaheng Ayos: National and Local Elections 2022”, binabantayan din ng PCG ang mga papalabas at papasok na pasahero sa lahat ng daungan sa buong bansa.
Sa 3 p.m. update, nag-ulat ito ng kabuuang 20,062 papalabas na pasahero at 16,304 papasok na mga pasahero sa lahat ng daungan.
Sinabi nito na 2,237 frontline personnel na naka-deploy mula sa 15 PCG districts ang nag-inspeksyon sa kabuuang 170 vessels at 273 motorbancas.
“The PCG has placed its districts, stations, and sub-stations on ‘heightened alert’ to manage the influx of port passengers to ensure the secure, accurate, free, and fair conduct of elections,” ayon sa PCG
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
