San Pablo City. Iniulat ng San Pablo City Health Office ngayong gabi ang labing isang bagong kaso ng Covid, pinakamababang naitala sa loob ng humigit kumulang na dalawang buwan.
Sa pinakahuling case bulletin, iniulat din ng nabanggit na ahensya na umabot na sa 7,860 ang total recoveries.
“Sa labing isang bagong kaso ay lima lang ang maituturing na bagong kaso dahil ang anim dito ay naging close contacts ng mga naunang inilistang positive. Ibig sabihin, bukod sa mababang average daily attack rate ay mababa rin ang naging reproduction number natin ngayong araw. Dalawang araw na pong mababa ang kaso natin at nawa ay magtuloy tuloy na po ito. Pinapayuhan ko po ang lahat na patuloy na mag ingat at sumunod sa minimum health protocols,” ayon kay San Pablo City Health Officer James Lee Ho.
Sandy Belarmino
Si Sandy Belarmino ay 17 taon ng naglilingkod sa larangan ng pamamahayag. Naging broadcaster siya sa radyo at local TV. Media correspondent din sya at columnist sa iba’t ibang dyaryo ng lokal sa San Pablo City. Si Sandy ay kasalukuyang pangulo ng Seven Lakes Press Corps.
