MAYNILA. Pinag-iingat ng Philippine National Police-Anti Cybercrime Group (PNP-ACG) at ng e-wallet provider na GCash ang publiko laban sa paggamit ng free Wi-Fi sa mga pampublikong lugar, na maaaring maging sanhi ng iba’t ibang uri ng cyber threats.
Ayon kay PNP-ACG Director PBGen. Ronnie Francis Cariaga, ang mga free Wi-Fi hotspot ay karaniwang makikita sa mga malls, hotel rooms, coffee shops, airports, at iba pang pampublikong lugar. Bagaman nagbibigay ito ng libreng koneksyon, importante pa ring kilalanin na ang mga unsecured connection na ito ay maaaring magdulot ng cyber threats tulad ng hacking, remote access, at account takeovers.
“Hindi lahat ng mga free Wi-Fi ay ligtas,” ani Cariaga. Ipinaliwanag niya na ang mga ito ay maaaring maging daan ng iba’t ibang uri ng cyber threats. Isa sa mga halimbawa ay ang Man-In-The-Middle (MITM) attacks, kung saan maaaring ma-intercept ng isang attacker ang komunikasyon sa pagitan ng mga device at web browsers, na posibleng magresulta sa pagnanakaw ng sensitibong impormasyon at pag-hijack ng mga device.
Nagpahayag din ng pagkabahala ang GCash tungkol sa panganib na dulot ng paggamit ng public Wi-Fi. “Public and open Wi-Fi networks are risky because they often lack strong encryption, allowing cybercriminals to intercept data or distribute malware, and they may feature fake hotspots set up to steal information,” sabi ni GCash Chief Information Security Officer Miguel Geronilla.
Dahil dito, pinapayuhan ng GCash at PNP-ACG ang publiko na umiwas sa paggamit ng public Wi-Fi at gumamit na lamang ng ligtas na mobile networks, lalo na kapag nasa biyahe o nasa pampublikong lugar. Sa ganitong paraan, maiiwasan ang posibilidad ng pagnanakaw ng impormasyon at iba pang cyber threats.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
