26.06 porsiyento ng kabuuang populasyon ng Pilipinas fully vaccinated na
Tinatarget ng pamahalaan na makapag bakuna ng limang milyong Pilipino sa tatlong araw na National Vaccination Day ngayong buwan ng Nobyembre.
“Our target here is to administer jabs for about five million. The plan is this November and that’s already in the pipeline. It’s a convergence of all sectors, of the national government, private, and other entities so that we can arrive at that particular target.,” ayon sa isang panayam kay National Task Force (NTF) Against Covid-19 head of strategic communications on current operations, Assistant Secretary Wilben Mayor.
Ang nabanggit na malaking vaccination drive ay bahagi ng pagsisikap ng pamahalaan na magkaroon ng herd immunity o “population protection” bago matapos ang taong 2021.
Hindi lamang bakuna ang isasagawa ng nabanggi na kampanya. Mayroon din itong pakikipag dayalogo sa mga eksperto hinggil sa kahalagahan ng bakuna, ayon sa report.
Habang sinusulat ang balitang ito ay umabot na sa 28,718,856 na Pilipino ang may dalawang doses ng bakuna. Ang bilang na ito ay katumbas ng 26.06 percent ng kabuuang populasyon ng Pilipinas.
Samantala, batay sa pinakahuling datos ng NTF, umabot na sa 28,718,856 ang Pilipino ang fully vaccinated o 26.6 percent ng kabuuang populasyon ng Pilipinas.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
