Liliw, Laguna. Inaresto ng mga operatiba ng Liliw Municipal Police Station (MPS) ang isa nilang kasamahang pulis matapos mahulog ito sa ikinasang buy bust operation kahapon ng gabi sa Purok 9, Barangay 1, bayang ito.
Kinilala ni Police Col. Randy Glenn Silvio, Laguna police director ang suspect na si Staff Sgt. Benjur Dejesa Verdera, 40, nakatalaga bilang hepe ng warrant section ng Liliw MPS.
Si Verdera ayon kay Col. Silvio ay isa sa mga nasa listahan ng high value individual ng pulisya.
Nakilala naman ang dalawang sibilyan na sina Kevin John Ballos, 32 anyos, at Alejandro Rodriguez, 40 anyos, pawang mga residente ng Liliw, Laguna.
Ang tatlo ayon kay Corporal Raymark Basco, officer- in- case, ay nakatakdang humarap sa kasong paglabag sa R.A. 9165 o ang Comprehensive Dangerous Drug Act of 2002.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
