Kinumpirma ni Philippine National Police (PNP) chief Gen. Dionardo Carlos nitong Lunes na narekober na ang “recorder” ng Airbus H-125 helicopter na bumagsak sa Real, Quezon noong nakaraang buwan.
Sa kanyang regular na briefing sa Camp Crame, sinabi ni Carlos na patuloy pa rin ang imbestigasyon sa helicopter crash na ginagawa ng Civil Aviation Authority of the Philippines (CAAP).
“Sila (CAAP) ‘yung nagde-determine niyan. ‘Yung amin pong ginagawang investigation is for policy review. Was there any violation on the policy of the PNP?. After that, ididikit namin kung ano ‘yung naging resulta,” ayon sa kanya.
Sinabi ni Carlos na malalaman din nito kung may nagawang paglabag o kung may mga kailangan pang i-update o baguhin sa mga umiiral na patakaran sa paggamit ng PNP choppers.
Sinabi ni Carlos na ang iba pang apat na H125 Airbus unit ng PNP ay nanatiling grounded habang hinihintay ang imbestigasyon sa insidente.
Sinabi niya na maaari niya itong i-unground anumang oras sa panahon ng mga emergency na sitwasyon.
Sa hiwalay na panayam, sinabi ni PNP spokesperson Col. Jean Fajardo na si Lt. Col. Dexter Vitug, ang piloto, at co-pilot na si Lt. Col. Michael Melloria ay hinilingan ng Criminal Investigation and Detection Group (CIDG) na magbigay ng karagdagang pahayag bilang bahagi ng isinasagawang imbestigasyon.
“Meron na silang na-submit na affidavit sa PNP air units pero minabuti po ng CIDG na kuhanan po sila ng (they have already submitted their affidavit in PNP air units but the CIDG asked for) additional statements to help in the ongoing investigation, pati na rin po yung mekaniko ng PNP aircraft na nag (as well the mechanic) conduct technical maintenance inspection of the chopper,” ayon kay Fajardo.
Noong Pebrero 21, bumagsak ang isang H125 Airbus ng PNP na may registry number na RP-9710 sa Real, Quezon.
Naging headline si Carlos para sa kanyang pagbisita sa Balesin matapos bumagsak ang PNP Airbus H-125 helicopter na naka-deploy para sunduin siya, kung saan ay nasugatan ang dalawang piloto at namatay ang enlisted crew member na si Pat. Allen Noel Ona.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
