MAYNILA. Magkakaroon ng rollback sa presyo ng mga produktong petrolyo sa susunod na linggo, ayon sa Department of Energy (DOE). Ayon kay Department of Energy-Oil Industry Management Bureau Director III Rodela Romero, “magkakaroon ng rollback sa mga presyo ng mga produktong petrolyo batay sa apat na araw na kalakalan sa Mean of Platts Singapore.”
Narito ang inaasahang rollback sa presyo ng petrolyo:
- Gasolina: P0.70 hanggang P0.95 kada litro
- Diesel: P0.70 hanggang P0.95 kada litro
- Kerosene: P0.80 hanggang P0.90 kada litro
Regular na nag-aanunsyo ng mga pagsasaayos sa presyo ang mga kumpanya ng gasolina tuwing Lunes, na ipinatutupad kinabukasan.
Noong Martes, Hulyo 23, itinaas ng mga kumpanya ng langis ang presyo ng gasolina ng P0.10 kada litro, habang P0.40 naman sa diesel at P0.70 sa kerosene. Ang pinakahuling paggalaw ng presyo ay nagdala sa year-to-date na kabuuang pagsasaayos sa netong pagtaas ng P10.35 kada litro para sa gasolina, P7.75 kada litro para sa diesel, at P0.50 kada litro para sa kerosene.
Dagdag pa rito, sinabi ng isang opisyal ng DOE na ipinatutupad ang 15-araw na price freeze para sa kerosene at 11-kilogram at pababa na liquefied petroleum gas (LPG) sa mga lugar na idineklarang nasa ilalim ng state of calamity.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
