Nagcarlan, Laguna. Binuksan at pinasinayaan ang satellite office ni Laguna Rep. (3rd District) Loreto ‘Amben’ Amante sa Brgy.Poblacion Uno sa bayang ito noong Enero 31.
“Hindi lamang sa Nagcarlan at Liliw magtatayo ng Satellite Office ngunit maging sa bayan din ng Calauan para ang mga taga Victoria upang mabilis na silang maka access sa ating at hindi nila kailangang pang magtungo sa San Pablo City,” ayon kay Amante sa isang panayam.
Dumalo sa kaganapan sina Nagcarlan Mayor Elmor Vita, Nagcarlan Vice Mayor Rexon Arevalo, Liliw Mayor Ildefonso”Ide”Monleon at Vice Mayor Eric Sulibit.
Dumalo rin sa pasinaya ang mga miyembro ng sangguniang bayan at mga punong barangay ng bayan ng Liliw at Nagcarlan.
Malayang magkakalapit ang mamamayan ng Nagcarlan at Liliw na may iba’t ibang pakay kay Amante sa nabanggit na satellite office tuwing araw ng Biyernes.
Kevin Pamatmat
Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.
