Iniutos ng Korte Suprema (Supreme Court o SC) ang Philippine Charity Sweepstakes Office (PCSO) na ibigay ang P12.3 milyong premyo sa isang residente ng Batangas na may nanalong tiket sa Lotto 6/42 draw noong 2014, subalit ito ay bahagyang nasunog matapos plantsahin.
Sa desisyon na isinulat ni Associate Justice Jhosep Lopez, itinataguyod ang naunang desisyon ng Court of Appeals (CA) noong 2020 na sumang-ayon sa utos ng Balayan, Batangas Regional Trial Court na nagpapabor kay Antonio F. Mendoza.
Ayon sa SC, “Kahit na wala nang mabasang impormasyon sa tiket, naipakita ni Mendoza na pinili niya ang tamang numero para sa nanalong kumbinasyon ng 6/42 Lotto draw noong Oktubre 2, 2014.”
Ipinagtanggol ng SC na may karapatan si Mendoza na tanggapin ang jackpot prize, at ang PCSO ay kinakailangang magbayad ng 6% na interes bawat taon mula sa petsa ng pinal na desisyon hanggang sa ito ay “fully paid.”
Noong Oktubre 2, 2014, tumaya si Mendoza ng tatlong numero sa pamamagitan ng “lucky pick” sa isang lotto outlet sa Batangas. Kinabukasan, nalaman nila na tumama ang isa sa kanilang mga numero, subalit nasunog ang tiket dahil sa pagplantsa ng anak niya na may takip na damit. Dahil dito, nasunog na kaunti ang tiket at hindi na mabasa ang lahat ng impormasyon sa tiket, maliban sa unang dalawang numero ng kanilang taya, ang outlet kung saan itinaya, ang petsa ng draw, at ang oras nito.
Noong Oktubre 5, pumunta si Mendoza sa tanggapan ng PCSO sa Mandaluyong City upang kunin ang kanyang premyo, ngunit tinanggihan siya ng ahensya. Ayon sa PCSO, hindi maaaring ibigay ang jackpot prize dahil nasira ang tiket at hindi ito ma-validate.
Nagsimula ang kaso ni Mendoza sa Kongreso bago ito iniharap sa mga mas mababang hukuman. Nag-apela ang PCSO sa CA, subalit hindi sila pinagbigyan, at ngayon, sa pamamagitan ng desisyon ng SC, ang hustisya ay nagiging posible na para kay Antonio F. Mendoza.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
