Bilang paggunita sa ika-124 na Araw ng Kalayaan ng Pilipinas noong Hunyo 12, inilunsad ng Philippine Postal Corporation (Post Office) ang commemorative Stamps upang markahan ang ika-150 anibersaryo ng pagiging martir nina Padre Mariano Gomes, Jose Burgos, at Jacinto Zamora, na pinagsama-samang kilala bilang GOMBURZA.
“Ang mga selyo ay naglalarawan ng mga sakripisyo at kabayanihan nina Padre Gomes, Burgos at Zamora na nagbuwis ng kanilang buhay para sa kalayaan,” ayon kay Postmaster General Norman Fulgencio.
Kilala sa kasaysayan bilang GOMBURZA, nagsilbing inspirasyon din ito para sa makasaysayang obra ng Pambansang Bayani ng bansa na si Dr. Jose Rizal, ang El Filibusterismo.
Noong Peb. 17, 1872, napatunayang nagkasala ng pagtataksil sa korte militar ng Espanya ang tatlong sekular na pari, sina Jose Burgos, Mariano Gomes at Jacinto Zamora, na nagkasala ng pagtataksil bilang mga pasimuno ng isang pag-aalsa sa bakuran ng hukbong-dagat ng Cavite at sinentensiyahan ng public execution sa pamamagitan ng garrote noong taong ding yon.
Ang tema ng selebrasyon ng Independence Day ngayong taon ay “Kalayaan 2022: Pagsuong sa Hamon ng Panibagong Bukas (Rise Towards the Challenge of a New Beginning”).
Itinuturing na pambansang holiday sa mga Pilipino, ang taunang pagdiriwang ng Araw ng Kalayaan ng Pilipinas ay nilagdaan bilang batas ni dating Pangulong Diosdado Macapagal sa pamamagitan ng Republic Act No. 4166 noong Agosto 4, 1964.
Ayon sa kasaysayan ng Pilipinas, ang deklarasyon ng Kalayaan mula sa kolonyal na pamumuno ng mga Espanyol ay idinaos noong Hunyo 12, 1898 ni Heneral Emilio Aguinaldo sa Cavite El Viejo (Kawit), Cavite.
Ang Post Office in-house graphic artist na si Israel A. Viyo ang nagdisenyo ng commemorative stamp, na ibebenta sa PHP12 bawat piraso.
Ang mga Selyo at Opisyal na First Day Cover ay makukuha simula Hunyo 13, sa Philatelic Counter, Manila Central Post Office. Para sa mga katanungan, tumawag sa 8527-01-08 o 8527-01-32 o i-follow/like ang Facebook page https://www.facebook.com/PilipinasPhilately/ para sa updates. (PNA)
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
