Sentro ng pagdiriwang ng ika-124 na Araw ng Kalayaan bukas ang isang sinaunang puno ng “duhat” (Java plum) sa Brgy. Kaligayahan, Novaliches na pinalitan ng pangalan noong 1980 bilang puno ng Katipunan.
Ang event na bubuksan ng flag-raising at wreath-laying ceremonies sa ganap na 7 a.m. ay magtataglay ng temang “Pagsulong sa Hamon ng Panibagong Bukas” (Rise towards the challenges of a new beginning).
Matatagpuan ang puno sa compound ng 75-anyos na Metro Manila College (MMC), dating Novaliches Academy, ang pioneer secondary at tertiary educational institution sa nabanggit na bayan na ngayon ay pinagsasaluhan ng magkapitbahay na Quezon City at Caloocan City.
Ang pagdiriwang ay sasailalim sa joint sponsorship ng MMC management at ng Knights of Columbus Fourth Degree – Saint Maximilian Ma. Kolbe Church sa nasabing barangay.
Ayon kay Novaliches civic-religious leader Mario Malacad, past grand knight ng Knights of Columbus – Immaculate Conception Parish sa kalapit na Barangay San Agustin, ang kaganapan ay magmamarka sa pagbabalik ng kasiyahan pagkatapos ng 2020 at 2021 suspension sanhi ng Covid-19 pandemic
Ang heritage tree ay pinalitan ng pangalan na Katipunan upang mapanatili ang alaala ng rebolusyonaryong lipunan sa pamumuno ni Andres Bonifacio gayundin ng rebolusyonaryong bayaning si Melchora Aquino, na kilala rin bilang “Tandang Sora”. (PNA)
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
