Calamba City, Laguna. Arestado ang isang sexagenarian at ang kanyang kinakasama matapos magbenta ng shabu sa isang pulis na nagpanggap na buyer.
Kinilala ni Laguna Police Provincial Office Director Police Colonel Cecilio R. Ison Jr. ang mga suspek na sina Segunda G. Capusi alyas Dina, 60 anyos na naninirahan sa Brgy. Sampiruhan, Calamba City, Laguna; at Mark Joseph R. Decena alyas Kambal, 19 anyos na at residente ng Brgy. Pansol, Calamba City.
Inaresto ng Calamba City Police Station (CPS) ang mga suspek sa ilalim ng isang drug buy-bust operations kahapon sa Brgy. 1, Calamba City, Laguna at nakumpiska sa kanila ang hinihinalang shabu na tinatayang tinatayang nagkakahalaga ng PHP 47,600.00.
Ang mga naarestong suspek ay kilalang source ng shabu sa Brgy. 1 at mga kalapit na Barangay.
Nasa kustodiya na ngayon ng Calamba CPS ang mga suspek at nakatakdang humarap sa paglabag sa Sec. 5, 11, at 26 ng R.A. 9165 (Comprehensive Dangerous Drugs Act of 2002).
Si Alyas Dina at Alyas kambal ay kilalang tulak sa Brgy. 1 at iba pang kalapit na mga barangay.
Kevin Pamatmat
Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.
