MAYNILA – Nagpapatuloy ang life threatening conditions sa Bicol Region habang dumadaan ang Super Typhoon Uwan sa coastal waters ng Camarines Norte ngayong hapon, ayon sa 2 PM bulletin ng PAGASA. Nanatiling nasa dangerous intensity ang bagyo at inaasahang magdudulot ng severe winds, heavy rainfall at storm surge sa malawak na bahagi ng Luzon at Visayas.
Dakong 1 PM, tinukoy ang sentro ng mata ng Uwan sa 135 km hilaga hilagang kanluran ng Virac, Catanduanes o 100 km hilaga silangan ng Daet, Camarines Norte. May maximum sustained winds itong 185 km/h malapit sa gitna, gustiness na umaabot sa 230 km/h, at central pressure na 935 hPa. Patuloy itong kumikilos pa west northwest sa bilis na 30 km/h.
Umaabot hanggang 900 km mula sa sentro ang lakas ng hangin na nasa strong hanggang typhoon force, ayon sa wind extent analysis ng PAGASA.
Malawak ang lugar na apektado ng Tropical Cyclone Wind Signals, mula Bicol hanggang Northern Luzon at ilang bahagi ng Visayas at Mindanao.
TCWS No. 5
Nasa extreme threat to life and property ang ilang bahagi ng Quirino, Nueva Vizcaya, Nueva Ecija, Aurora, Polillo Islands, Camarines Norte, Camarines Sur at Catanduanes.
TCWS No. 4
Nasa significant hanggang severe threat ang ilang bahagi ng Isabela, Quirino, Nueva Vizcaya, Ifugao, Benguet, Ilocos Sur, La Union, Pangasinan, Aurora, Nueva Ecija, Zambales, Tarlac, Pampanga, Bulacan, Rizal, Quezon at Bicol Region.
TCWS No. 3
Apektado rin ang Cagayan, Isabela, Apayao, Abra, Kalinga, Mountain Province, Ilocos Norte, Ilocos Sur, Zambales, Bataan, Tarlac, Pampanga, Metro Manila, Calabarzon, Marinduque, Albay, Sorsogon, Ticao at Burias Islands, at Northern Samar.
TCWS No. 2 at 1
Maraming bahagi pa ng Luzon, Visayas at Mindanao ang nasa ilalim ng gale force hanggang strong winds, kabilang ang Cagayan, Mindoro, Romblon, Leyte, Samar, Cebu, Negros, Bohol, Iloilo, Capiz, Aklan, Antique, Dinagat Islands, Surigao del Norte at Surigao del Sur.
Inaasahan ang heavy to intense rainfall sa mga lugar na nasa ilalim ng wind signals. Pinapaalalahanan ang publiko na tutukan ang Weather Advisory No. 10 para sa updated rainfall forecast.
Nagbabala ang PAGASA na ang local winds ay posibleng mas malakas sa coastal at upland areas. Maaaring makaranas ng storm force to typhoon force winds sa mga lugar na malapit o direktang dadaanan ng eyewall.
May high risk ng storm surge na posibleng lumampas sa 3 metro sa susunod na 48 oras sa mga coastal communities ng Cagayan, Isabela, Ilocos Region, Aurora, Zambales, Bataan, Pampanga, Bulacan, Metro Manila, Cavite, Batangas, Quezon, Bicol Region, Northern Samar, Eastern Samar, Dinagat Islands at Siargao. Pinapayuhan ang publiko na sumangguni sa Storm Surge Warning No. 8 para sa detalye.
Nananatiling napakataas ng alon sa maraming bahagi ng Luzon, Visayas at Mindanao. Umaabot mula 4 metro hanggang 14 metro ang sea heights sa ilang seaboards. Delikado ang paglalayag para sa lahat ng uri ng sasakyang pandagat.
Ayon sa PAGASA, magpapatuloy ang west northwestward movement ng Uwan sa susunod na 24 oras. Inaasahang dadaanan nito ang Calaguas at Polillo Islands ngayong hapon o gabi bago ang inaasahang landfall sa central portion ng Aurora ngayong gabi o bukas ng madaling araw.
Posible ring maapektuhan nang direkta ng eyewall ang Calaguas at Polillo kahit hindi mag landfall dito. Pagkatapos tumawid ng Aurora, inaasahang dadaan ang bagyo sa mountainous terrain ng Northern Luzon at lalabas sa Lingayen Gulf o coastal waters ng Pangasinan o La Union bukas ng umaga.
Mananatili itong typhoon habang kumikilos patungong Taiwan Strait hanggang Martes at posibleng mag landfall sa western Taiwan sa Huwebes bago humina.
Nanawagan ang PAGASA na huwag lang tumutok sa center track dahil posibleng magdulot ang bagyo ng heavy rainfall, severe winds at storm surge kahit malayo sa landfall point. Pinapayuhan ang publiko at DRRMOs na agad magpatupad ng precautionary measures.
Inabisuhan ang mga nakatira sa high risk areas na sumunod sa evacuation orders at direktiba ng kanilang City Disaster Risk Reduction and Management Office o CDRRMO.
Ang susunod na bulletin ay ilalabas ngayong 5 PM.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
