Binomba na naman ng water cannon ng Chinese Coast Guard (CCG) ang isang supply boat ng Pilipinas ang habang ito ay papalapit sa Ayungin Shoal noong Sabado ng umaga.
Ang supply boat na Unaizah Mayo 4 (UM4) ay nagdadala ng suplay para sa tropa ng Pilipinong sundalo na nakatalaga sa BRP Sierra Madre. Ngunit, sinalubong ito ng matinding pinsala mula sa water cannon ng CCG.
Batay sa ulat ng Philippine Coast Guard (PCG), alas-6 ng umaga nang magpamalas ng mapanganib na maniobra ang isang barko ng CCG. Humigit-kumulang isang oras ang lumipas bago ito nagpataw ng “reverse blocking maneuver,” na halos makabangga na ang UM4.
Sa pagpapatuloy ng ulat, ilang minuto pa lang ang lumipas nang hinarangan at pinalibutan ng isang CCG vessel at dalawang Chinese militia ships ang Philippine Coast Guard escort vessel na MRRV 4409 na kasama ng UM4.
Alas-8:52 ng umaga nang bombahin ng tubig ang UM4 mula sa water cannon ng CCG.
Ayon sa PCG, ito na ang pangalawang beses na binomba ng tubig ng CCG ang UM4 ngayong buwan. Noong unang insidente, apat na tripulante ang nasugatan.
Ang CCG ay nakadanas na ng maraming insidente ng pang-aapi at pag-atake gamit ang water cannon laban sa mga sibilyang barko ng Pilipinas na nasa misyon ng resupply.
Ang pinakahuling insidente ay nagresulta sa sugatang apat na crew ng isang sibilyang barko matapos mabasag ang windshield dahil sa water cannon ng CCG.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
