MAYNILA. Tataas na naman ang presyo sa liquefied petroleum gas (LPG) ngayong Oktubre, ayon sa mga kumpanya ng langis.
Sa inilabas na advisory ng Petron, tataas ang presyo ng kanilang LPG ng 80 sentimo kada kilo. Samantala, sa isang hiwalay na pahayag, inanunsyo ng Solane na 82 sentimo kada kilo naman ang itataas ng kanilang LPG.
Matatandaang noong Setyembre, nagpatupad ang dalawang nabanggit na kumpanya ng dagdag-presyo na 55 sentimo kada kilo para sa household LPG. Ang sunod-sunod na pagtaas ng presyo ay nagdudulot ng dagdag na pasanin sa mga mamimili, lalo na sa mga pamilyang umaasa sa LPG para sa kanilang pang-araw-araw na pagluluto.
Ang mga paggalaw sa presyo ng LPG ay karaniwang bunga ng pagbabago sa pandaigdigang merkado ng langis, na direktang nakakaapekto sa presyo ng mga produktong petrolyo sa lokal na pamilihan.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
