Bukod sa patuloy na pagtaas na presyo ng petrolyo, kailangang dagdagan pa ng mga consumers ang pagtitipid matapos inanunsyo ng Manila Electric Co. (Meralco) kanina ang pagtaas ng singil sa household electricity rates ngayong Marso.
Sinabi ng Meralco na itinaas nito ang household rate ng P0.0625 kada kilowatt-hour (kWh) na nagdala sa kabuuang rate para sa buwang ito sa P9.6467/kWh mula sa P9.5842/kWh noong Pebrero.
Ang adjustment ay ibinaba pagkatapos ng dalawang magkasunod na buwan ng pagbabawas ng rate ng kuryente.
Ang rate hike ay isinasalin sa pagtaas ng humigit-kumulang na P13 sa kabuuang singil ng isang residential customer na kumokonsumo ng 200 kWh.
Iniugnay ng Meralco ang pagtaas ng rate sa pagtaas ng generation charge ng P0.2780 hanggang P5.4737/kWh mula sa P5.1957/kWh noong Pebrero, pangunahin ay dahil sa mas mataas na singil mula sa Wholesale Electricity Spot Market (WESM).
“Despite improvement of supply conditions in the Luzon grid, WESM prices remained elevated in February and the secondary price cap was imposed 5.63% of the time,” ayon sa power distributor.
Sinabi ng Meralco na ang karagdagang distribution rate refund na nagkakahalaga ng P0.1923 kada kWh, na sumaklaw sa Disyembre 2020 hanggang Disyembre 2021, ay nagpabagal sa pagtaas ng mga singil. Ipapatupad ang karagdagang refund sa loob ng 12 buwan.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
