Inatasan ng Department of the Interior and Local Government (DILG) ang lahat ng local government units (LGUs) na tiyaking hindi magiging super spreader ng Covid-19 at ang napaka-transmissible nitong variant ng Omicron ang pagpapatuloy ng mga operasyon ng mga sabungan at pagbabalik ng tradisyunal na “sabong” sa mga lugar na nasa ilalim ng Alert Level 2 o mas mababa.
Ang mga gobernador, alkalde, at barangay chairman ay dapat magsagawa ng tamang paghuhusga, magsagawa ng mga kinakailangang aksyon, at tiyakin ang pagsunod sa mga protocol sa kalusugan at kaligtasan sa pamamahala ng mga aktibidad sa sabungan at sabong, ayon kay DILG Secretary Eduardo Año.
“Kahit nasa Level 2 or 1 na kayo, mahigpit pa rin nating paalala na maging maingat, disiplinado, at alisto sa inyong pagbabalik-operasyon ng sabong. Hindi pa napapanahon upang tayo ay makampante, lalo’t mataas pa ang kaso ng Omicron (Even if we are already under Level 2 or 1, there should be discipline and alertness in cockfighting operations. It is not yet time to be complacent as the Omicron threat is still high),” ayon kay Año sa isang news release kahapon.
Ang DILG Memorandum Circular 2022-003 ay nagpapahintulot sa mga operasyon ng mga sabungan at tradisyonal na sabong sa ilalim ng Alert Level 2 o mas mababa, basta’t walang pagtutol mula sa kinauukulang LGU at mahigpit na sinusunod ang coronavirus disease 2019 health protocols.
Ang maximum na venue capacity para sa indoor gatherings ay 50 percent na lahat ay ganap na nabakunahan, ayon sa utos ng Inter-Agency Task Force for the Management of Emerging and Infectious Diseases.
Kailangan ay fully vaccinated ang mga manggagawa at empleyado ng mga sabungan.
Tanging ang technology-based platforms and cashless betting lamang ang pinapayagan upang maiwasan ang pagpapalitan ng pera sa loob ng sabungan.
Mahigpit na ipasusunod ang minimum public health standards, wastong pagsusuot ng mga maskara, mahigpit na pagpapatupad ng patakarang “no mask, no entry”, physical distancing ng hindi bababa sa isang metro, at pagkakaroon ng alcohol/hand sanitizer/disinfecting materials para sa kalinisan ng kamay ng mga parokyano, empleyado, at bisita.
Ang mga mga miyembro ng mga police office ay ay dapat tumulong sa pagsubaybay at pag-inspeksyon sa mga arena ng sabungan.
Nagbabala siya na ang hindi pagsunod sa mga alituntunin ay magreresulta sa awtomatikong pagsasara ng mga sabungan habang ang mga kaukulang opisyal at empleyado ay mananagot sa ilalim ng batas.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
