Gumaca, Quezon. Patay sa ang isang 53-anyos na babae matapos mabangga ng isang trak sa tinitirahan niyang bahay sa Maharlika Highway, Brgy. Lagyo, sa bayang ito.
Kinilala ng pulisya ang biktima na si Victorina Manzano, isang residente ng nasabing lugar. Natuklasan na nag-iisa siya sa bahay sa panahon ng insidente.
Kasama ring napinsala ang kalapit na bahay ni Manzano, ngunit walang tao sa loob nito nang mangyari ang aksidente.
Ayon sa imbestigasyon ng pulisya, si Noel Singco ang nagmamaneho ng 12-wheeler truck patungong Maynila nang biglang mawalan umano siya ng kontrol sa pagmamaneho, na nagresulta sa banggaan ng trak sa dalawang bahay sa tabi ng kalsada.
Sa pahayag ni Singco sa mga awtoridad, sinabi niyang umiwas siya sa isang pampasaherong bus na papalapit sa kanya, kaya’t kailangan niyang biglang kumanan. Subalit, hindi raw kumagat ang preno ng trak.
Inaresto ng mga pulis si Singco at kinasuhan ng reckless imprudence resulting to homicide at damage to property.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
