MAYNILA. Pumalo na sa 188 ang kabuuang kaso ng firecracker-related injuries sa bansa ngayong Disyembre 2024, ayon sa ulat ng Department of Health (DOH) sa paghahanda ng bansa para sa New Year 2025.
Sa datos na ibinahagi ng DOH, ang nasabing bilang ay mula sa 62 sentinel sites na binabantayan ng ahensya para sa mga kaso ng injuries na may kaugnayan sa paputok mula Disyembre 22 hanggang Disyembre 31, 2024. Mas mataas ito kumpara sa parehong panahon noong 2023 na may 124 na naitalang kaso.
Sa mga naitalang biktima, 172 ay lalaki at 16 naman ang babae. Karamihan sa mga biktima, o 152, ay mga kabataang may edad 19 na taong gulang pababa.
Ayon sa DOH, karamihan sa mga kaso, o 136 (72%), ay dulot ng paggamit ng mga illegal na paputok tulad ng boga, 5-star, at Piccolo. Sa mga nabanggit na kaso, 123 (65%) ang aktibong gumagamit ng paputok nang maganap ang insidente.
Patuloy na nag-iingat ang DOH at mga lokal na pamahalaan upang maiwasan ang pagdami pa ng mga kaso ng sunog at pinsala dulot ng paputok habang patuloy na binabantayan ang kaligtasan ng mga mamamayan sa mga susunod pang Bagong Taon.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
