Quezon City. Sisimulan na sa buong bansa sa Nobyembre 3 ang pagbibigay ng Covid-19 vaccine sa mga batang edad 12 hanggang 17, ayon sa Department of Health Center for Health Development IV-A (DOH CaLaBaRZon).
Ayon sa Philippine Statistics Authority (PSA), 127 milyon ang bilang ng batang Pilipino na nasa edad 12 hanggang 17.
“Pfizer and Moderna vaccines will still be used among children during the nationwide rollout. Further details and the guidelines with regard to the nationwide expansion of pediatric vaccination will be released once finalized,” ayon kay DOH Health Undersecretary Maria Rosario Singh-Vergeire.
Samantala, patuloy na hinihikayat ng DOH ang mga nasa hustong gulang lalo na ang mga kabilang sa priority group A2 at A3 na magpabakuna laban sa Covid-19 upang maabot ang cocoon effect na lilikha ng proteksyon sa mga bata.
Binigyang diin ng DOH na ang bakuna ay magbibigay ng proteksyon sa indibidwal at sa mga tao sa paligid niya kasabay ng masusing pagsunod sa minimum health standards.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
