MAYNILA. Muling nahalal si Senador Vicente “Tito” Sotto III bilang Senate President matapos palitan si Senador Francis “Chiz” Escudero bilang pinuno ng mataas na kapulungan.
Sa plenaryo, inihain ni Senador Juan Miguel “Migz” Zubiri ang mosyon na ideklarang bakante ang posisyon ng Senate President, na agad inaprubahan ni Escudero. Pagkatapos ay in-nominate ni Zubiri si Sotto, na inilarawan niya bilang isang “leader of great integrity,” at pinangalawahan ito ni Senadora Loren Legarda.
“With Senator Sotto as senate president, the Senate is in good hands,” pahayag ni Zubiri.
Inaprubahan naman ang mosyon ni Senate President Pro Tempore Jinggoy Estrada, at walang tumutol mula sa 24 na miyembro ng Senado.
Ayon kay Sotto, alam na niya ang mga hakbang para sa pagpapalit ng pamunuan sa Senado. Nang tanungin sa isang ambush interview kung siya nga ang papalit kay Escudero, sagot niya, “Parang ganun.”
Sinabi rin ni Sotto na nakakuha siya ng suporta mula sa 15 senador. Idinagdag niya na si Zubiri ang “most likely” na susunod na majority leader kapalit ni Senador Joel Villanueva, habang si Senador Panfilo “Ping” Lacson naman ang posibleng pumalit kay Estrada bilang Senate President Pro Tempore.
Ibinahagi rin ni Sotto na nakausap na niya si Escudero bago ang plenary session. “I have to see him (Escudero)… Ang una kong tinanong is how do you want to do this? Sabi niya, ‘It’s up to you, how do you prefer to do it?’ Sabi niya… ‘Let’s do it and declare the Senate president vacant,’” ani Sotto.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
